لاتعجب ماهي من سبع العجايب,,,,

بسم الله الرحمن الرحيم
السلام عليكم ورحمة الله وبركاته
هذة القصيدة تعبر عن نفسها,,,

راعي القلب الخضر لو كان شايب = لاتلومة يوم يعبر عن شعورة
مشغلين العود بدفع الضرايب= مالة شغلة غير تسديد الفاتورة
لاتعجب ماهي من سبع العجايب= الحرام محللاً عند الضرورة
بالقصايد يمكن يطفي لهايب = من هموماً داخل الصدر محشورة
والعمر ماهو شرطاً بين الحبايب = الهوى مالة عمر سنين محصورة
والنظر ماتملكة مطلق وسايب = وأنتة ماانت عايشاً باأرض مهجورة
مغريات بشوفهن شقر الذوايب = تنشد حالك هي حقيقة ولا صورة
تقلٍ ظامر بالمزاين مع ركايب = يعرضوهن باام رقيبة المشهورة
مسامحاً في نظرةً لو كنت تايب= لاتكرر نظرتك فيها خطورة