السلام عليكم وبعد
عندي قصيده قالها صديق في صديقه عندما نقل من عمله الى مدينه اخرى بعد خمس سنوات من الخوه
والقصيده لشاعر فواز حوري المضياني العنزي بصديقه عبدالله حماد السميري البلوي
لاتحسبني في غيابــك تسليـــــــت
ونقلك علينا يالــسمـــــيري خساره
ودي بانك في لوانـا ترقيــــــــــت
بالسادسه ولا ســــــلاح الاشـــاره
سويتلك ياصاحــبي ماتناسيــــــت
ابيات شــعرن مـاهــي بمستـــعاره
ياما على شوفت محــياك فزيـــت
ياللي عزيز وخوتــك بالصـــــداره
حييت ياغايب عـن العـين حييــت
في غيبتك شبت بقلــبي حــــراره
ياللي على درب المراجل تمشيت
وطيبك يبين بكل مرقب وقــــاره
وانا خويك لا صرخت وتعزويت
على يمين الدرب ولا يســـــاره
ابشر يابو حمـاد باللي تمنيـــــت
لك في صميم القلب منزل اماره
وارجوك تسمحلي اذاكنت زليت
في غيبتك طفت جميع الانـــاره
وسلامتكم وارجوا ان القصيده اعجبتكم
