أهداء ابيات في قدر المعلم

لانقدر ان نوفي في قدر المعلم او المعلمه مهما قلنا ومهما كتبنا ولكن من باب الشكر والتقدير لهذا المربي الفاضل
((المعلم))

سلام ٍ يعم أهل العلـوم المفيـدة
0000رموز ٍ لها في مجتمعنـا علامـي

هل الفكر والتعليم روس ٍسديـده
000نجوم ٍ تضوي ساطعه في الظلامي

وزرع المعلم يا ترا وش حصيـدة
0000حصيدة علوم ٍ نافعـه بالتمامـي

علوم ٍ بها العالم تـرا مستفيـدة
0000بها يرتقي العالم ويجلاالغمامـي

وقدر المعلم من عصـور ٍ مديـدة
0000رفع قدره المولى رفيـع المقامـي

خصال المعلم لا وصفنـا عديـدة
0000خصال ٍ عظيمه في رجال ٍ عظامي

مربي ويحمل لـه رسالـه فريـدة
0000رساله جديره مـا عليهـا كلامـي

وكم عالم تشوفه تعلم علـي ايـدة
0000يوقع ويبصم له بـراس البهامـي

معلم نماريبـه عسـى الله يزيـدة
0000ويرفع صروح العلم شرق ٍ وشامي

وهذي تحيـة يالوجيـه السعيـدة
00000تـــــــقـدم لكـل معلـم ٍبأحتـرامـي

الشاعر /عايض المعاوي

صح لسانك يامبدع

,,,

هذي الناس اللي تعطينا معنويات وحماس

,,,

مو مثل بعض الحاقدين علينا وعلى هالوظيفه الصعبه

,,,

بيض الله وجهك وجمل الله حالك

,,,

ودمت بخير وسلام

صح لسانك
يستاهل المعلم