(( أرحــل بصمــت ))
http://www.alamuae.com/gallery/data/...15ebb654aa.jpg
أرحل بصمت بدون توديع وازعـاج
مـا دامهـا فرقـا بـلاش نتواجـه
مافيـه داعـي للمذلـه والاحـراج
والموقف اللي ما لنـا فيـه حاجـه
حتى ولـو انـي لشوفتـك محتـاج
قلبي هذاك اليوم واعـرف خراجـه
لو الهوى ينهد له عشـرة ابـراج
وتذبل غصونـه ويتكـدر مزاجـه
تبقى الكرامه فوق راسي لهـا تـاج
وش عاد ابي بالراس لا طاح تاجـه
غـادر بليـلً خرمسـي مظلـمً داج
قبل الفجر نـوره يحيـن انبلاجـه
وخل الجروح تبات في وسط الادراج
جرح المشاعر مثل خدش الزجاجـه
خبر فراقك ما يبـي لـه ريبورتـاج
ويوم الرحيل الجـو ثايـر عجاجـه
ما اقدر اوقف معك اسوي له اخراج
ولو ينعمل في فلـم يكثـر رواجـه
ولا احب اشوف غزيلً كان مغنـاج
بالثوب الاسود يوم عقّـد حجاجه
