مشاركتي في حفل زفاف نايف مسلم الجذلي
تزاحم في ضمايرنا القوافي=مواقف تظهر اللي كان خافي
وبالموقف يفز الشعر كله=فزيز يشابه جنود المطافي
بيوتاً كنها فنجال دله=عليه الهيل والعنبر يضافي
يساق بمجلس يلم النشاما=بليلة عرس والمعرس سنافي
دعاهم نايف مسلم ولبو=وجو بقلوب مافيها إختلافي
هذا نايف ونعم الرجل نايف=عليه اسمه مطابق دوم وافي
عرفته قبل ماجيته وجاني=والرجل يعرف قبل انه يشافي
ينومس ذكره بدار الاجانب=فعوله كافيه من قلب صافي
والى طاب الرجل شرف ربوعه=يشرفهم لو ان الوقت جافي
وعلى شان السلام اختير نايف=الى البلدان في رحلة طوافي
يبين للبشر انا قبايل= تحب الخير وايضا الاتلافي
وساسه من جذول ونعم فيهم=رجال بقولها تحزم وتافي
اصدور الى اجلسو في كل مجلس=إثقال عقول ماهمه خفافي
رجالاً بالكرم دوم امعروفه=بذبح الكبش من قبل العوافي
عمود البيت يشهد في كرمهم=وتشهد نارهم وايضا الرفافي
واحدهم لا نخيته فز يمك=يفز وياصلك لو كان حافي
عسى الله يرحم اللي مات منهم=وعسى الصحة لمن باقي غلافي
وعساكم تقبلو عذر السميري=عن التقصير في قولي وقافي
* فالح السمـــيري
رد: مشاركتي في حفل زفاف نايف مسلم الجذلي
فالح عايض السميري
صح إلسانك
نص جزل وعسى الله يبارك للعريس
محبتي لك
سلطان القنيدي
رد: مشاركتي في حفل زفاف نايف مسلم الجذلي
ابو عمر صح السانك مليون
ويستاهل نايف
والف الف مبروك يانايف
رد: مشاركتي في حفل زفاف نايف مسلم الجذلي
شكراً اخوي سلطان القنيدي على مرورك العطر
وفالك التوفيق
رد: مشاركتي في حفل زفاف نايف مسلم الجذلي
الشكر والنقدير للشاعر الكبير ابن عياده على مروره العطر
رد: مشاركتي في حفل زفاف نايف مسلم الجذلي
أستاذنا
ابو عمر
صح لساااااااانك
وجود شاعر بحجم فالح السميري بجانبنا
دعم حقيقي للشعر النبطي في قبيلة بلي
الف مبروك للعريس
ولك
ودي و تقديري