قصيدة في مدح بوش والرد الرااائع عليها
لقد ألقى عضو مجلس الأمة الكويتي ((((( السابق )))))الشاعر طلال عثمان السعيد قصيدة ترحيبية بالرئيس الأمريكي السابق جورج بوش وذلك أمام جلسة مجلس الأمة فيما يلي نص القصيدة ولقد أثارت حفيظة الشعار بالكامل وبالأخص الشعار السعوديين لأن طلال السعيد أخذ في سب العرب ومدح بوش ومن ضمن ذلك الشعار الشاعر البارع محمد بن باني بن عيسى المخاريم الدوسري واللذي سوف أكتب رده تحت قصيدة طلال .
قصيدة طلال السعيد يقول
بإسم الكويت وشعبها ويـن ماكـان =شعب الأصالـه وللكرامـه شعبنـا
يامرحبا يابوش مـن قلـب ولسـان =طيبك ومعروفك لشخصـك جذبنـا
يابوش أحيي فيـك قايـد وفهمـان =شجاعة الموقـف وحزمـك عجبنـا
يحق للديـرة تضمـك بالأحضـان =وردَتنـا صافـي القـراح وشربنـا
من مجلس الأمة إلى قصر دسمـان =تسمع صدى الترحيب من كل مبنـا
تقديـر لأفعالـك وشكـرٍ وعرفـان =قايد عظيـم بجانـب إسمـك كتبنـا
في صفحة التاريخ مكتوب عنـوان =والله يلـولا بـوش حنـا ذهبـنـا
عاداتنا يابوش مـن عبـر الأزمـان =رد الجمايـل والله اللـي وهبـنـا
إنجازي الأحسـان حنـا بالأحسـان =بالطيب والمعـروف محـدٍ غلبنـا
يابوش مأسمك بوش إسمك كحيـلان =البـوش والله والتخـاذل عربـنـا
يابوش ماقصَرت يـاذرب الأيمـان =عرَضـت جيشـك للهلاك بسببنـا
ياجورج بوشٍ ياذرى كـل بلشـان =ياطيـب الوقفـه لـك المجـد يبنـا
تحقق التحرير فـي عـزم وإيمـان =بقيادتـك يابـوش خلَـص نشبـنـا
إلـــــــــى آخـــــــــر الــقــصـــيـــده
ّّ&وهذا رد الشاعر الموهوب محمد بن باني بن مدعث المخاريم الدوسري
عزمت أولف لي من الشعر قيفـان =من جوهر الشعـر إنتقينـا وجبنـا
وليا قصدنا نقـول صـحٍ وبرهـان =وليا رمينا روس الأهـداف صبنـا
قول بن مزعل شب بالقلـب نيـران =وعزالله إنـه فـي كلامـه شذبنـا
عضو الفشل علمه لكل المـلا بـان =وحنَـا سمعنـا غلطتـه وإغتربنـا
خبـلٍ يثـور بندقـه دون نيـشـان =اللـي مـدح بـوشٍ وحنَـا لسبنـا
طلال مدحك بوش ظيعه ونقصـان =ياليت منتـه مـن فصايـل عربنـا
ماتمدح آل سعـود ذربيـن الأيمـان =اللي لهم فـي قمـة المجـد مبنـا
نسيت وقفات الفهـد ياابـن عثمـان =يـوم إعتزينـا دونـكـم وإنتدبـنـا
وأنته بأشيقر ياأبـن عثمـان سكَـان =تبكـي وحنَـا للصعـاب إنتصبنـا
يامـا وقفنـا وقفـةٍ شانهـا شـان =وياما على راس المعـادي ضربنـا
وياما خسرنـا بالمياديـن شجعـان =وياما خسرنا المـال وأنتـم سببنـا
جيتو لنـا بقلوبكـم خـف وإجنـان =نسمع صدى صرخة نداكـم وأجبنـا
قمنا بعزم وجزم وإخلاص وإيمـان =وبعروة الديـن الحنيـف إقتضبنـا
يوم إختلط نـار وقذايـف ودخـان =خضنا الحروب الطاحنه مآإرتهبنـا
خضنا المعارك يوم زوغات الأذهان =ونزبَـن اللـي هـاربٍ ماهربـنـا
يوم الفهد درعٍ حصيـنٍ للأوطـان =وجاب التحالف كلهـا فـي طلبنـا
عنكم رفعنـا ظلـم ظالـم وطغيـان =وقمنا بوجـه الطاغيـه مآأنسحبنـا
وجازيتو المعروف صـدَه ونكـران =ماكنَنـا معـكـم وفيـنـا وطبـنـا
من ينكر المعروف والفضل حيـوان =برتـوْ وللـي بـايـرٍ ماحسبـنـا
لولا أخو نوره مانفعوك المريكـان =جـاك العـرق وزوَد الغبـن غبنـا
هذا الفهد رجـل المواقـف بليهـان =اللـي يشيـل حمولنـا لـو تعبنـا
إبن الزعيم اللي قطع راس عجـلان =وعـز البـلاد وذل منهـو حربنـا
ويعيش عبدالله لنـا طيـر حـوران =من هيبتـه جـض العـدو ماقربنـا
لاهـان عبـدالله ولاهـان سلطـان =زحول الرجال اللي تفـرج إكربنـا
حنـا سعودييـن بالفعـل شجعـان =نصفي مع الصافي وسـمٍ غضبنـا
وحنا سعودييـن لـو كـان ماكـان =بالمعركه نكسـب ولاأحـدٍ كسبنـا
وحنا الرجال أهل الوفاء سر وإعلان =وحنا الرجال اللـي عريـبٍ نسبنـا
وليا تلاقى الجمع فـي كـل ميـدان =نشب نار وروس الأعـداء حطبنـا
**هناك سؤال يطرح نفسه هل أتى بوش الى الكويت فزعة أوحميية أوأخوة في الدين أوالبترول أوالأحتلال أوالشرق الأوسط الكبير !!! ؟؟؟
أخوكم/ مشعل السحيمي
