قصيدتي بحفل زواج ابن الشيخ /عطاالله دبي ابن رويحل

سلام تسليمة وفا للوفيين=اهل الحميا والشيم والكرامه
اللي لهم تاريخ ماضي وهلحين= هماتهم عدت على كل هامه
حطيت دعوتهم على الراس والعين=لعيون ابو عبدالعزيز وعمامه
ويسوقني من شانهم كسب ثنتين=وفا الرجال وشيخ غالي مقامه
من يوم جتني دعوته قبل يومين=حجزت باول رحله من المنامه
لني اسحيمي والسحيمي وفي دين=ولا حل دينه ما اهتنى في منامه
عزوة بلي في حزة العسر واللين=والراس يقدح بالسطروالشهامه
لبيه يا مرجح اثقال الموازين=بالطيب لنه فوق صدرك اوسامه
يانسل اخو مزنه صعوط المجانين=وسقم المعادي يوم وقت القوامه
اللي مضاريبه بروس المعادين=تفرق عن الضربات مية علامه
يا بن رويحل يا حفيد السلا طين=ياللي عليك الطيب ساق احترامه
مبروك ارددها من اجلك ملايين=والله يتمم فرحكم بالسلامه
وازيدها غالين غالين غالين=ومقداركم عندي محل العمامه
وصلو على محمد شفيع المسلمين=من ساعة الدعوه ليوم القيامه

لني اسحيمي والسحيمي وفي دين

ولا حل دينه ما اهتنى في منامـه

عزوة بلي في حزة العسر واللين

والراس يقـدح بالسطروالشهامـه

لبيه يا مرجح اثقـال الموازيـن

بالطيب لنه فوق صدرك اوسامه

يانسل اخو مزنه صعوط المجانين

وسقم المعادي يوم وقت القوامـه

صح لسانك ولاهنت يالجزل

وكل عام وانت بخير

ودي لك

صح لسانك على هالقصيدة الجزله يابو مشاري

لني اسحيمي والسحيمي وفي دين
ولا حل دينه ما اهتنى في منامـه

ونعم فيك يازايد الوفاء طبعك وطبع ربعك
وصح لسانك يالغالي على هذه الأبيات الرائعه,,,,

يعطيك العافية وفيت وكفيت وصح لسانك يابومشاري

الأخ / سعــــود السحيمي

الـــــــ1000ـــــف شكر على هذا الأطراء الجميل

وكل عام وأنت بألف خير،،،،