(قصيدة رائعه للرائع شاعر المليون شاعر حرب)
أصعب زمان
أصْعَب زمَانْيعيش فيه انسَان هو هذاالزّمَان
رغم انّ جدّي قال بـ انّه عاشْ فياصْعَبْ زمَن
عَزّ الله انّه لو ترَاهَنّا يبيْ يخَسْرالرّهَان
الله يغفر له ويرْحَم كلّ من لَبْس الكفن
زمَان جدّي .. كان ياما كان في مَاضْالزّمان
إنسان عايش بالحياه .. ومزهبه تمرولبن
زمَان .. يوم انّ المعارك حاميه .. للسّيف شان
يوم الرّمك تلحَق مع الفرّيس وتردّ الهجن
اللي مَعَه ناقه ،، وله عنزين والا خَمْس ضَان
يثني على الله لا حَلَب عنزه وغمّس بالسّمن
زمَان .. يَوم انّ الرّدي يهْزَبومقدَاره يهَان
ويقَدّر الرّجّال بالمجلس وينهَان العفن
زمَان .. يوم النّاس تفرَح بالصّلاه وبَالاذان
يَوم النّفوس من التّسامح كل ما ضَاقاًعَفاً
زمَان .. يَوم انّ الوَلَدْ يَا ذيب والا يَاحصان
يَوم الوَلَد واخوه مثل العَين في وسط الجفن
يَوم الوَلَد لا شَاف شَيْ يجَنّن يصِيبهْ جنان
يَوم البَنات من السّتر ومن الغطا مَايعْرَفن
يَوم الخَوَات فرَاشهن واحد ولو كاناً ثمَان
يتلحّفن منهن ثلاث .. وخَمْس مَايتلحّفن
البَرْدْ يَذبَحْهن ، وبينْ عيُونهن ريحالجنان
والجُوع طاويهن ،، وهن لـ رضَا امّهن يتلهّفن
عَاشاً علىصعْب الحياه .. وهمّهن عرْضٍ يصَان
هن عزْوَه لـ رُوس الحَمَايل لانّهن مَا قد هَفاً
بناتهم مَا يفلتٍ لو كان مفلوت العنان
ستر الوجيه ابْدَى منْ رجُولٍ بهالرّمْضَه حَفاً
يبقى لنا ذكر الوفا .. والطّيب من طبْعه يبَان
مثل امّهَات المؤمنين اللي علينا مَا خَفاً
واليَوم انا مَانيب قايل غير يَا صعْب الزّمَان
الغرْفه الظلمَا لأن انوَارََهَا البَيضَا طفاً
زياد بن حجاب بن نحيت
