رد: انـواع الاحراجـات ...
بصراحه كل المواقف محرجه بس أكثر واحد إنك ترد على واحد وهو يكلم غيرك وتحسبه يكلمك
فششششله
يعطيك العافيه والله عن مثل هذه المواقف
رد: انـواع الاحراجـات ...
أعتقد أصعب شي لما يمر شخص من قدامك ويقول سلام عليكم وتقول عليكم السلام
ويقول كيف حالك يافلان ...؟؟
وترفع راسك تنصدم إنه يكلم جوال وكان يسلم على اللي معاه عالخط :o
رد: انـواع الاحراجـات ...
احراااااااااااااااااااااااااااااااج
لآصرت بورطه ماتدري شلون طحت ولا حسبت حسابها
كنت توني متوظف وصغير بالعمر وتعرفون متحمس دخلت الشركه ورحت لمدير عام المبيعات رجال كبير قالوا لي روح لفلان رحت دقيت الباب وشفت فيه ناس بالمكتب داخل مابغيت ادخل عليه طلع لي واحد قال فلان قلت ايه ماأدري منهو فلان لكن أسمي قلتها قال حياك تفضل والله وادخل مسوي كاشخ بأوراقي على بالي جالسين سوالف وقهوه وشاي(سوالف شيبان بمكتب عقار كنت اجلس معهم ) جلست شوي وان السالفه أجتماع الا ياولد اللي توقهت والوجه صار حصة فنيه مهندسين وماأدري أيش ومصطلحات أعرفها ومصطلحات أول مره أسمعها وكلام ماأدري هوسري ولا ايش سالفته المهم بغيت اطلع قلت لا خلاص هي خاربه خاربه ومدام اني ساكت وماأحد سألني مو مشكله وجلست تقريباً 45 دقيقه على الصامت وماأتكلم غير أي نعم وصادق وصحيح مسوي فاهم
نهاية الاجتماع قام اللي يتكلم وعطى الجميع كرته وطبعاً انا منهم
وسلم وطلع وقاموا اللي عند المدير يبون يمشون وقام المديريشكرهم على الحضور وطبعاً انا منهم وطلعوا بقيت انا
قلت له بغيتك طال عمرك قال آمر قالها بأبتسامه قلت معاي الاوراق ذي ابيك تتطلع عليها ( ماأبي اقوله على طول بعدين يرسل علي الدباسه وتصير حركات مالها داعي ) وتعرفون طبعاً صارت بيننا مونه توني حاضر معه الاجتماع
شاف الاوراق تنفخت اوداجه وبدأت علامات الغضب تظهر
أيش هذا ؟؟؟؟؟؟؟ايش جايبك هنا ( جداوي )
قلت لا يأبن الحلال لحظه افهمك السالفه
قال ماابي افهم شي أيش تسوي هنا من اليوم
قلت ياأبن الحلال ارتاح قسم بالله ماأقصد واحد وغلط وكل واحد ممكن يغلط ماعمرك غلطت ودخلت باب الحاره اقصد باب البقاله يعني مو بس انا اغلط ( شلون قلتها ماأدري من الربشه وتو باب الحاره جديد ومتأثر )
قال تستهبل بعد ايش حاره وايش بقاله وهنا بدأ الزعل يخف مع الضحك وطلع رجال نكته وطيب و زي العسل
قلت له الموضوع كذا كذا كذا
قال رفعت ضغطي وضحكتني لكن بحاووول
قلت أجيك بعد أسبوع بس ماأبي أجتماعات تراني عندي شغل قام يضحك قال المره الجايه نتهاوش ياولدي
وفعلا رجعت له قال والله ياولدي فيه المدينه تبغاها قلت لا
ابي ..... قال والله ماأقدر قلت ياعم خيره من الله
ولاتعوديها أختي
تطلع فضايح
وشوكررررن
وآآآآسف على الاطاله
رد: انـواع الاحراجـات ...
نقل الموضوع هنا ، لأنه لا علاقة له بقسم رأي و حوار
رد: انـواع الاحراجـات ...
اقتباس:
المشاركة الأصلية كتبت بواسطة سندس الحمراني
6_انك تكون واقف قدام المرايا تضحك وتستهبل ويمر احد ويشوف هبالتك !!!
هههههههههههههههههه قوووويه
دايم تسسير معي
.
