الْحِكـايَة ابْتـــدِيْهَا بـاسم * رَيــم * وَبَســهَوْلـهـ انْتَهـــت فـي قْبرهـا

السلامـ عليكمـ
اخواني/اخواتي
اقرأوها بروية
لعلكم تفهمون
ما فهمته
. . . . . . .

الحكايه ببتديها بـ اسم ريم
بنت ماتت مالها عشرين صيف
ماعرفت طبع الحريم
همها تجمع اوراق الخريف
لين يبقى حوش منزلهم نظيف
.. ريـــمـ ..
كانت تحس بالم
وهي تكابر ماشتكت
وهي تكابر مابكت
فيه امل انها تطيب
لين طاحت
ايه طاحت
وودوها طبيب

.. ريـــمـ ..
قال حامل توها باول شهر
لاتشيل اشياء ثقيله
وامنعوها من السهر

!! .. ريـــمـ ..!!

كيف حامل والبنت عذراء؟
قال انت ابوها وانت ادراء
يمكن اخطت مع حبيب .
قام ابوها وما تكلم
ناسين منهي وشنهي
ماذكر انها وحيده
مالها اخوان وخوات

.. ريـــمـ ..
صدى عنها وماسالها
مادرت وش فـ الحكايه
تساله وهي تبسم
يايبه وش قال فيني ؟
ليه ماتبغى تعلم؟
وش يقول فيني الطبيب؟
يايبه تكفى تكلم
يايبه قلي فديتك
غير الوجهه وطول
كان في النيه عجل
واسالت ريم بخجل
يايبه ضيعت بيتك

.. ريـــمـ ..

وقف الموتر وحول
ثم مسكها مع شعرها
ومال عنها ثم نحرها
وغرقت ريم في دمها
واضلم اليل وقبرها
يوهـ كانه ماعرفها
شك فيها وفي شرفها
ياقسى قلوب الرجال
صدقت حتى الخيال

.. ريـــمـ ..

حتى ماتت مابكوها
مادرت كيف اضلموها
وماسالت ليه وانكروها
وماسالت ليه اطعنوها
وليه يقتلها ابوها

.. ريـــمـ ..
وبعد ماماتت بيوم
وقبل يذن الظهر
رن هاتف بيتها
رد ابوها . قالوآ بيت ريم
ابشرك طلع تحليل بنتك سليم
بس غلطنا بالاسامي
وشف ملف بنتك امامي
بنتك معها زايدهـ
مادرى ان ابوها قتلها
يوهـ لو انه سالها

.. ريـــمـ ..

هذا وانا اكتبها ماتحمل
كيف من صارت له تحمل
ياكبرها من مصيبه
ماعرفت معنى حبيبه
وكانت الحظه قريبه
واخذوها وماتهنت
شفتوآ وش كبر لمصيبه

.. ريـــمـ ..

وانا اسمع سالفتها
اتخيلها سعيدهـ
وآقول ياليت الها
اخو
وياليت الناس بقصتها
عرفوآ
ياريم ياريم ياريم
هو صحيح انتي انظلمتي
لكن بدمك رسمتي
احلا لوحات الطهاره
ياخسارتنا خساره
رحتي انتي

.. ريـــمـ ..

وانا اسمع قصتك ياريم ساكت
لين قالوآ ريم ماتت
ماقدرت انطق بحرف
بس سالت دمعتي
من بعدها ابتسمت
الله يرحم هالشريفه
اطعنوها في عرضها
وهي عند الله نظيفه

.. ريـــمـ ..
وكثرت فصول الروايه
والشرف مثل المرايه
لو ينخدش صعب يتصلح
وكل من يخطي عرف
ان الشرف هو الشرف

.. ريـــمـ ..

ماسالت ليه بالظلم ذبحوها
وماسالت ليه بالشك جرحوها
وهي مثل كل الحريم
والحكايه تنتهي في قبر ريم

.. ريــــــــــــــــــــــــــــــــــــــم ..

ــــــــ
يقولون إن القصة واقعية
وإن لم تكن كذلك
فهي
من

الوااااااااقعــــ

منقول
لأنها ابكتني
لأنها ابهرتني
لأنها علمتني
وش معنى الشرف .. !!!