قصيدة مهداه الى الاخ العزيز : سلطان فرحان الفاضلي البلوي .. ابو مشعل .
من اخوك : عيد عليان الفاضلي البلوي .. ابو ماجد .
قالوا شاعر وقلت انا لا بد سلطان = سلطان سلطان الشعر والقوافي سلاطينه
سلطان لـ قلت سلطان ترى ماني بغلطان = شاعرٍ زلزل حروف القاف وفجر براكينه
ولـ جيت ابكتب وارسل حروف قيفان = لا بد انضم البيت واحكم موازينه
حيث الذي يقراه يا ناس فنان = لازم نقيس الماء قبل دف السفينه
يا طير بالسماء ترسل تغاريد وللحان = بالله ترسل سلامي على فن تلحينه
يبدا سلامي بالاوله لـ أغز الاخوان = اخوٍ عزيز وغاليٍ في كل حينه
والله ما قولها على فم ولسان = الاحقيقة غلا وسط الضماير دفينه
سلطان ودي تعلمني لو وقتنا شان = من هو صديقي بوقت الليالي اللعينه
ودي تعلمني كذالك لو وقتنا زان = من هو عدوي اليا اختلط زينه بشينه
والله ماني جاهلٍ يا مير حيران = وقلت ابسأل اهل العقول الفطينه
وقمت اتذكر افلان وفلان وفلان = وكلهم فيهم خير ولقيتك ركينه
حيثك صديق وصادق بوصف البيان = عز الله انك بالمقام لك نفسٍ رزينه
ودي اعلمك عن ناسٍ لهم شان = وش ينقصه حتى يكتمل ثوب تزيينه
رجلٍ غني وفقير وشجاع وجبان = شيٍ مكمل لشي على حد تدوينه
شفت الغني لو يمتلك ملك هامان = بعيني فقير لو ماينتفع بالمال دينه
وشفت الفقير اللي اكثر الوقت جيعان = بعيني غني لو ما يمد لناس يدينه
وشفت الشجاع اللي تهابه قلوب فرسان = بعيني جبان لـ تشجع على قريبينه
وشفت الجبان وكنه من الخوف بردان = بعيني شجاع لكف عن الناس شينه
ورجلٍ كريم وبخيل وصدوقٍ وكذبان = اضيف اربع على اربع ولـ حنى مزودينه
شفت الكريم اللي ما يعد للمال حسبان = بعيني بخيل لا تكلم وش سوت يمينه
وشفت البخيل اللي ماعمره كرم الضيفان = بعيني كريم اليا قضى حاجة ضعافينه
وشفت الصدوق محلي القول بلسان = بعيني كذوب لو ما يجي بالمواعيد بحينه
وشفت الكذوب وقلبه من الكذب خربان = بعيني كذوب والكذوب ماحنا معذرينه
لا والله ماله عذر خسران ماهو بربحان = حتى لو ان الكذب مايضر ولا يدينه
كل شي ترى له عندنا سمحٍ وغفران = الا الكذوب يكفي له كذوبٍ مسمينه
ويقولوا اخس الوجيه وجه ديان = لو انه عزيزٍ يكرهك بالوجه دينه
واقول لا والله اخسها وجه خوان = الي يضحك وبالقفى تطعن سكاكينه
هذاك ودك تحطه بوسط فران = تضحك ثناياه وجوهر القلب يا شينه
من تكلم بالقفى ترى سموه فتان = جبان من لا يسب الشخص في عينه
لو نسمع كلامه له القلب ماهو بقنعان = لـ حيث دربنا على درب ذاك لاحقينه
ومن يمدحك بالوجه ترى يا خوي غلطان = والله يغث القلب لو الهرج يا زينه
تستحي لا تقول كف المدح يا فلان = مجبور تبتسلم له والحقيقة مهينه
ماقول حكيم ولاني على الناس فهمان = قالها اللي شاب راسه من سنينه
ضرب المثل سلطان في هاك الزمان = نستفيد اليوم من هرجٍ قايلينه
ولا اقول قولي الا على وضع برهان = ضربة مثل ولا على خويٍ مخاوينه
ويا شيب عيني على شاربٍ لان = الوجه رجال والمشي فيه لينه
حتى الملابس غدى لها فن وللوان = ثوب الرجولة تبدل بجنز لابسينه
مدري نعده من رجالٍ لها حسبان = ولا نعده من عرض مغطيات الجبينه
ولا جيت ابوصف بنات اليوم خجلان = اوصف حقيقة وضعهن عيب ومشينه
شفت العباه وكنها لبس فستان = تعطيك وصف الجسد باوصاف تكوينه
ولا عباة الكتف معرضات الامتان = يا لعن ابو من تدور بالعبي زينه
والبلا تحت العباه تكرم عن السيقان = عز الله انهن ريحن خياط المكينه
وام البراقع طيحت بالرمش شيبان = يا ويل حال المتيم من نظر عينه
واكبر مصيبه وليها بالوضع قنعان = مرتاحه نفسه ونفس المراهق حزينه
غزوٍ لفانا بسبابه تقشعر الابدان = شايعٍ عند البدو واكثر ماهو بالمدينه
سلطان والله الوضع ما يبشر بالاحسان = يا مير انا على ديني وكلا على دينه
كلا حر بتصرفاته والعقل ميزان = الله يرحم من قال ان العقل زينه
هذا هو رايي ومادام اني انسان = معرض للخطا والصح يا صعب تعيينه
ابطا قصيدة وقلت ان الوقت حان = ارسل قصيدة واستمتع برد تدوينه
وادري يابو مشعل منت على الرد بلشان = يا زعيم القاف وحروفها بيدك رهينه
عطني جوابٍ يشفي قليب مرضان = توه صغير وشاف العجايب والغبينه
وسلام مني اعداد ما لايحٍ بان = واعداد ذرف المطر من سحابٍ خايلينه
واخص انا سلامي لسلطان فرحان = واعمه على اللي بيت القصيد سامعينه
يا الله لـ حطت اعماله بكف ميزان = ترجح مع بياض الوجه كفة موازينه
وعساه مع اللي هم بالخلد سكان = وقبلها بالدنيا يعيش بأمن وسكينه
وختامها صلي وسلم على نبي الايمان = النبي المصطفى قولٍ وبالفعل تابعينه
اعداد كل حرفٍ تنزل به القران = واعداد من يقراه وناسٍ بالقلب حافظينه
