اسمع قنيب الذيب راس الطويله
هذي ابيات في احد شعراء المحاوره وهو غير معروف بالساحه 0ولكن حدث بيني وبينه موقف وكتبت هذي الابيات 0000
اسمع قنيب الذيب راس الطويله
وجه الفجر والنور حان انبلاجهِ
واللي يزل الدرب يبغى دليله
يشرب زلال الماء ويترك هماجه
لي صاحب ياناس مافيه حيله
(0000000000) ماهو خواجه
ان كان في عينه يخيل المخيله
الشعر في وقته يحقق رواجه
احبك على شانه بيوت جزيله
فنجالها المعنى يعدل مزاجه
فوق الجبل والسيل نترك مسيله
وكل ضيقتن يجيك فيها انفراجه
سيوفنا وقت الملاقا صقيله
وعدونا بالشلف نلقى علاجه
اكرب حزامك والمسافه طويله
وترى الوعد فوق السحاب نتواجه
اترك علوم المهزله والرذيله
واترك طريق يجيك فيه انعواجه
ومعلم الشعار دور بديله
هذاك لامن جيت يضحك حجاجه
من لاخذاها معرفه عزتي له
بالملعبه مسكين ضيع خراجه
نكبه على نفسه وشعار جيله
معلم رصيده بالملاعب لجاجه
يقبل سوات المنقره والعضيله
ويقفي ليا هبت عليه العجاجه
من هو يداوي هالنفوس العليله
من الذي بالشعر يشعل سراجه
ياصاحبي ان كان تبغى الحصيله
ترى الوعد فوق السحاب نتواجه
وسلامتكم
بقلمي00مشاغب
