دقتني الأيـام مسمـار فـي لـوح
ياخوي همي هم وجروحي جـروح
وشلون أبنسى والليالـي جروحـي
****
ضايق وانا من زايف الوقت مجروح
ومن لوعة الأيام عايـش بروحـي
****
ما ودي أحكي عن همومي ولا أبوح
إلا لولي العـرش سـدي وبوحـي
****
تخنقني العبرة على صوت مبحـوح
وأكنهـا دمعـه بعينـي تفـوحـي
****
وأحسها دله علـى جمـر وتفـوح
وتذوب من حر المعاليـق روحـي
****
هذي المواجع أحسبه يوم وتـروح
أثر المواجع لا لفـت مـا تروحـي
****
حتى بنت في خافقي برج وصـروح
عن قمتي ما سولفت لك سفوحـي
****
قصه مثيره في جسدهـا نفـذ روح
يا للعجب كم كنـت فيهـا لحوحـي
****
طفلٍ حياته لعب وصـراخ ومـزوح
واليوم جد الجد مـا بـه مزوحـي
****
أرسم وألون صورتي لون مفتـوح
وألقا غموضي في ملامح وضوحـي
****
عجزت أبفهم قصتي درس مشروح
غايه تبـدد فـي مداهـا طموحـي
****
كلي طلاسم غامضه بوجه مفضـوح
وأصد عن عين الفطين الفضوحـي
*****
دقتني الأيـام مسمـار فـي لـوح
لين أرتكز مسمارها وسـط لوحـي
****
دنيا ظلام وليـل مـا بيـح البـوح
والصبح في شمسه بخيل وشحوحي
****
شفت الفرح في ساحة الحزن مذبوح
منظر كئيـب بحالـة الـذل يوحـي
****
لا تسألوني ليه وشلون "وشنـوح"
حتى أنا مدري ولا أبصر ولا أوحي
****
لا صار همي هم وجروحي جـروح
وشلون ألملـم بالليالـي جروحـي
رد: دقتني الأيـام مسمـار فـي لـوح
دقتني الأيـام مسمـار فـي لـوح
لين أرتكز مسمارها وسـط لوحـي
ماشاء الله علي روعه الكلمات يعطيك العافيه خياله بلي
تقبلي مروري
مشاري البدر
رد: دقتني الأيـام مسمـار فـي لـوح
دقتني الأيـام مسمـار فـي لـوح
لين أرتكز مسمارها وسـط لوحـي
هذا البيت يعادل قصيده كامله
شكرا لك خياله
واتوقع لك شاعريه على مستوى
تحياتي،،،
رد: دقتني الأيـام مسمـار فـي لـوح
اقتباس:
المشاركة الأصلية كتبت بواسطة مشاري البدر
دقتني الأيـام مسمـار فـي لـوح
لين أرتكز مسمارها وسـط لوحـي
ماشاء الله علي روعه الكلمات يعطيك العافيه خياله بلي
تقبلي مروري
مشاري البدر
اشكر مروورك أخي مشاري
رد: دقتني الأيـام مسمـار فـي لـوح
اقتباس:
المشاركة الأصلية كتبت بواسطة ابو غلا
دقتني الأيـام مسمـار فـي لـوح
لين أرتكز مسمارها وسـط لوحـي
هذا البيت يعادل قصيده كامله
شكرا لك خياله
واتوقع لك شاعريه على مستوى
تحياتي،،،
أتمنى ذلك أخي أبو غلا
مروورك شرف لمتصفحي
