والشايـب اللـي مرتكـي ذاك هـمّـي....

أهـلاً هـلا يـا جـرح دقّيـت بـابـــي
تفـضّـل ومــا مــن غريبـيـن يـمّـي
هـذي تناهيـدي .. وهـذا عـذابـــــي
والشايـب اللـي مرتكـي ذاك هـمّـي
عفواً .. نسيـت آعرّفـك فـي جنابـي
أنـا الحزين ابـن هـمّـي وغـمّـي
إجلس علـى قلـبٍ مـن أيّـام طابـي
وخذ راحتك والبيت بيتك .. ياعمّـي
تفضّـل إقـدع مـن ثمـار اكتئـآبـــــي
وسـمّ وتقهـوا مـن فناجيـل دمّــــــي
وإشرب مـن دموعـي بكـاس اغترابـي
وسولف على كيفـك ليـا طـاب ذمّـي
وأقطف مـن ايّامـي وزهـرة شبابـي
فـي كفّـك اللـي لا ذبـح مـا يسمّـي
أنـا رويـت بجيّـتـك مــن سـرابـــي
والاّ الـزلال إليـا شربتـه يضـمّــــي
لا كيـف ولاّ كـم .. بــدّد صـوابــــــي
لا يشغلـك يـا جـرح كيفـي وكـمّـــي
ذا عقدي الثاني بدا وانتهـــــا بـي
و اذا انفرط عقــــد العمر مـا يلمّـي
حاكت وجداني وراقت لي

تسلمين ياخياله
قصيدة ابياتها تعاني مثل شاعرها

اقتباس:

---

المشاركة الأصلية كتبت بواسطة ابو غلا

تسلمين ياخياله


قصيدة ابياتها تعاني مثل شاعرها

---

بالفعل أبيات تشتكي من بين أحرفها

اشكر مرووركـ أبو غلا

صح لسان الشاعر ومشكوره على النقل