ابو نادر(سعد) صديقي من اسنين
السلام عليكم ورحمة الله وبركاته
ارسل لي الشاعر المميز ابونادر سعد هويمل السرحاني
ابيات جميله ومعبره تدل على طيب قلبه
ابو وليد الشاعر خالد سالم شاعرنا الكبير سفير النويا الحسنه
داخل معنا مداخله شعريه تعبر نفسها
ابونادر
ماضاق بالي من تصاريف الايام=هذي هي الدنيا بها الزين والشين
لا حلوها دايم ولا مرها دام=ما لزمن فيهاقياس وموازين
لاشك اضيق ويمتلي راسي اوهام=لاغاب عن عيني رجالا عزيزين
ناسا على قلبي عزيزين وحشام=امثال ابو بندر رفيقي من اسنين
ابو بندر
يا لله ثبتنا على دين الاسلام=نعوذ بك من شر نزغ الشياطين
نعوذ بك من شر تقطيع الارحام=ومن شر سوء الخاتمه قولو امين
من بعدها ماني على الوقت لوام =الوم نفسي يوم ما سوقها زين
سقها يا بو نادر ونا اقول قدام=نزرع بواد الجزل ورد ورياحين
ابو وليد
ياعزوتي لوني على منفذ الشام=هذا هو المطلوب من حين الى حين
حلو الكلام اترجمنه بالاقلام=وبجهودكم يلتم شمل السراحين
انتم ارجال الغد وحماة الاعلام=دون القبيله تنقشون العناوين
ونا بعد باذل اجهودي من العام=احتاجكم لا ثور الملح بالعين
رد: ابو نادر(سعد) صديقي من اسنين
صح السانكم
ولاهنت على الطرح ابو بندر
رد: ابو نادر(سعد) صديقي من اسنين
يابلادي واصلي واصلي وحنا معكي
المنابع الطيبه لاتاتي الا بالطيب
سلم تفكيركم جميعاً ودمتم بود
رد: ابو نادر(سعد) صديقي من اسنين
كم انشرح خاطرى
وانا معكم نزرع رياحين وورود
كم نحن متلهفين لذلك
بيض الله وجيهكم
احترامى وتقديرى الشخصى لكم
واعجابى وافتخارى بشعركم
من القلب
وفقكم الله وحقق لكم الخير اينما كنتم
رد: ابو نادر(سعد) صديقي من اسنين
اقتباس:
المشاركة الأصلية كتبت بواسطة سعود السرحاني
صح السانكم
ولاهنت على الطرح ابو بندر
سعود السرحاني
صح بدنك
انت تشجع لم السمل
تقبل تحياتي وتقديري
رد: ابو نادر(سعد) صديقي من اسنين
اقتباس:
المشاركة الأصلية كتبت بواسطة الفقير الى الله
يابلادي واصلي واصلي وحنا معكي
المنابع الطيبه لاتاتي الا بالطيب
سلم تفكيركم جميعاً ودمتم بود
الفقير الى الله
الله لايهينك
كلك وطنيه
