لو الخزا ياصلك من عند راعيه

س1
الصبــح ينور واظلم الليــل قافيــه
والليــل ما يوفــي نجومـه وعــوده
لـو الخزا ياصلك من عنــد راعيــه
ما اشقاك في نقصه ولااشقاك زوده
لانـــه كــذا والا كــذا فانـت هــاقيــه
عـــداً صــدوره مــاتــبــشــر وروده
وان جاك من رجال والطيب له فيه
باعــاً طويـــلاً وارثــه مــن جــدوده
حــراً قضــب دلــو النواميس بيديــه
مثـلــه يقــود القــوم مــاهــي تقــوده
لا واللــه الا لفـتــت انظــار ووجــيــه
لان البـيــاض اليــوم غاشيــه ســـوده
يبيــن لك نجمٍٍٍ ضي الصبـح مخفــيــه
نــور النـهــار الـلــي وسيــعــه بــدوده
لا اظلــم عليـه الليــل واعتــم مساريــه
لا بــد مــا يبــيَــح ظــلامــه ســـدوده
امـــا بقــى نجــمٍٍ نجــومـــاً تبــاريـــه
والا هــوا للـــقــــاع وأهــوت جهــوده
وان جنبـت عــن الشيـــم والمشاريــه
كــلا علــى مـا قيـل يــعـــرف حـــدوده

الشاعر: ناصر بن منصور منقره