حيا الله اللى باللوازم لفونا
لبوا لنا الدعوة بصدر ودودي
بأفراحنا يا مسندي شاركونا
والحر دايم يحب مرقا السنودي
يوم الذعاتي قال لازم تجونا
قالوا نجيك وكل علم معدودي
سهيات بفعل الجميل أدركونا
وعاداتهم ماضية من الجدودي
عـنوا لـــنا وببيوتهم كــــرمونا
ولابد من بعد الصدور الورودي
ترحيبهم يزداد يـــــوم دعونــا
والعود الأزرق يدار بين الفهودي
وجابوا آلة التصوير ثم صورونا
في مجلس تخطية عين الحسودي
أبــو فـــايز دخيل ولايهونـــا
حر على كسب المكارم ورودي
والشيخ جانا يوم له أذكرونا
ابن مسعد من الرموز معدودي
محمد عنده كــل كايد يهونـا
ومن عادة الطيب بجهده يجودي
هم والظليفي وابن رشيده حبونا
والكل منهم عن واجبه مايحودي
ومن طبعنا نواصل اللي وصلونا
وحنا لنا في كل درب محمودي
يالربع إن حصل قصور منا سامحونا
الكامل الله ولا لغيره سجودي
عبد الله بن متعب الذعاتي العنزي
