مســــاجلة شعرية بين الشاعر على الشلاحي المطيري و الشاعر عبيد الله بن دخيل الله البل

بسم الله الرحمن الرحيم



هذه الأبيات مهداة إلى عبيدالله بن دخيل الله البلوي حفظه الله




يابن د خيل الله طلع وقت مجهول & معاد نعرف فيه ويش السواتي



وقتن يخلي صاحب العقل مذهول & يا لله يا ربي عليك الثبا تي



ليه سنه كني عن الناس معزول & ماعندي إلا غترتي والعبا تي



أقوم وأقعد كن فالصدر محلول & والكبد فيها مثل رمح الزنا تي




إذا اتصلت بصاحبي قال مشغول & يومه وليله ما قضى الحاجيا تي



مدري وش إلي صار بالناس يحول & في كل يوم يصير متغيراتي



وتغير اطباع البشر زول عن زول & حتى الأخوان اطباع متخالفا تي



يقطع صديق بالرخاء ماله مثول & وفلا زمه ما ينطح الموجبا تي



إليا بغى له حاجة جاك معسول & وإليا أنقضت ماردلك بالتفا تي



ويكرم صديقن طيب الفعل والقول & سالم من الزله وهرج الشما تي


معروف عند الناس بأقوال وأفعول & في كل مرة يكسب الطايلا تي


في ما مضى نمشي على الأرض ونجول & دارن نقيل به ودارن مبا تي


تجمع الأصحاب وأقراب وانزول & بالصدق والرفقه وحسن والصفا تي


واليوم في وسط البلد قصر مقفول &و مطوقً الجدران كل الجها تي



ومزين المجلس كنبات وزلول & ولافيه غير الأبووأم البنا تي


ابالمشورة كان عند ك لها حلول & المقبلات أكثر من الفايتا تي


لنك فهيم وعارف وكنت مسؤول & تعرف عن ظروف العمل والحيا تي


وختمامها بالطيب والمسك مرسول & وعلى النبي أزكي سلام وصلاتي


من الشاعر : عامر علي المطيري







هاذي قصيد ة رداً على قصيد ة الشاعر/ عامر علي الشلا حي المطيري


دنياك يا عامر بها نقض وفتول & أصبر عليها لاتضيق الحياتي


أصبر عليها وضرب العرض بالطول & صبر الجمل يوم العلك بالهاتي



قبلك صبر اللي على الصبر مذلول & صبر الوحيد اللي ربوعه شتاتي



أفهم كلامي وسمع العلم والقول & أد مح رفيقك يابعيد الها قاتي


بعض العرب قلبه من الود مقتول & مافيه شخصاً فاد بعد المماتي


يابو محمد واجد العور والحول & والرجل مثلك مايحب الشماتي


وعرف ترى الدنيا بها صك ودخول & من جاه موته ماتفك النجاتي


تغيرت دنياك من هجن وخيول & واليوم تمشي بالسماء الطائيرتي


جنب عن اللي كنه المر مغسول & والتايه اللي يتبع التايهاتي


من يتبع الهزلات يالحر مهزول & والحر صقراً يسبق الحايماتي


دار الجدب ياناس من دون ماكول & وارض الحياء فيها جميع النباتي


وصلاة ربي عد الامطار وسيول & على نبياً فيه كل النقاتي


الشاعر:عبيدالله دخيل الله البلوي

الذاكر لا هنت يابعدي لاتحافنا بهذا الصوت والصدى الاجمل والاروع


بين الشاعر عامر المطيري و عبيدالله البلوي

*

صوت وصدى ولا أروع من شاعرين أعلام

الذاكر .. يعطيك العافيه وسلمت يمينك على النقل

إحترامي :)

سلمان العرادي

ثامر ظميان

شاكر لكم على مرورك الجميل