سليمان ابن جبيل وقصيدة الباشات

هذه القصيدة اهداء لشيخ شمل بلي

الشيخ / سليمان بن رفاده البلوي واخوانه

بمناسبة زيارته للشيخ / عبدالسلام بن حمدان بن جبيل المنصوري

شيخ قبيلة المناصير من بلي وجماعته

في هجرة شلال ليلة الجمعة الموافق 10 / 1/ 1432 هـ

http://www3.0zz0.com/2010/12/17/20/281864069.jpg

(الباشات )

سلام الله عليكم والسلام يجمل العنوان = وهلا والعود الازرق واهتماماً بكم وحيافه
بسم ربعي جميع وبسم شيخي وابرز الاعيان = نقلطكم على مركا الكرامه وانتم احلافه
بكم رحب شلال وهيجن الشياب للشبان = وبكم نصخر مضامين القصيد ونرمي سفافه
لعلك يالقصيد الي نهار الجمع مالك شأن = لعله للذهاب ولانبي بيته ولا قافه
ان كانه مايجي مثل الكريم مقلط الضيفان = يصخر من هلا يامرحبا للطيّب ضيافه
ولا هو للضديد مجردا حده كما شامان = كما الفولاذ مرهوف الحديد بكف سيافه
وانا قست المسافة وامتطيت من الخيول حصان = حصاناً مايخيب هقوة الهاقي بمحذافه
اميز وأجتنب فكر الغرور ومحزمي مليان = واوردهن على عداً يشوق الورد وتعافه
بعدها ياهجوسي سم واقلط واذكر الرحمن = وتشرف بالشيوخ وكل حراً راس مشرافه
وإلى حامن طيورك يالنبا تبقا بك العقبان = ومن حوّل عليك من الطيور يروّح علافه
وإلى قالو على يدين الاطبا يشفي المرضان = نقول ايضا من اتباع الحكيم رجال عرافه
ومادام ضيوفنا الباشات شيخان ونسل شيخان = عيال مجرب ٍ تخشا دهاه الترك وتخافه
لهم جل المقام وشيمة الحاكم لهم من كان = ووصاياهم لنا حب الوطن وحماية اطرافه
ولهم تقدير ابو متعب وفخر الصيرمي سلطان = ولهم ميثاق نايف والذليل عيونه خلافه
ولهمم ضحكة حجاج المرجله شيخ العرب سلمان = وهو رمز الوطن وعيون ليله خصم حوافه
يقولون الوفا طبع الوفي والاول الربحان = وانا اقول الوفيّ يبقا وفي وينافس اسلافه
من سليمان باشا الاول إلى الحاضر سليمان = رجالاً من وقف في ماقفه يافيّ بميقافه
عساها شجرة تبذر نواميها على الاحسان = وعسا شمس الحقايق مشرقه ماهي بكسافه
لكم منا الوفا كل الوفا مايلحقه نقصان = مادام انا نشيل حمولنا لو ماهي خفافه
وإلى ضامت ظهور الزمل ماضامت ظهر شقران = جملنا مانشاور في جملناً عقولاً سخافه
ومادامي عود من حزمه وقدها يصهر الصوان = مواهيبا مفارشها الفخر ولحافها لحافه
هلا بك عند ربعك عضدك الايمن على البرهان = تحت حكم الزعيم وراية التوحيد واهدافه
رجالاً من يخون الدار ماله عندنا مسكان = وابشرك الصحايف كلبوها بيض ونظافه

الشاعر / سليمان حمدان ابن جبيل الميهوبي البلوي

اميز وأجتنب فكر الغرور ومحزمي مليان


واردهن على عداً يشوق الورد وتعافه

والله ونعم ابايوسف فيك وفي ربعك والباشات
الله عليك ابايوسف مبدع ماشاء الله
محمد بن جبيل شكرا لك
دمت بود

الله واكبر

قصيده جزله من شاعر جزل بحجم أبو يوسف


ويستاهلون الباشات هالقصيده الجزله


لاهنت يابو ساري لاتحافنا بهالقصيده

بارك الله فيك

ونعم بكم ونعم بالباشات ويستاهلون ..
بيض الله وجهك يا ابن العم وصح لسان ابو يوسف
تحياتي

ونعم بالمادح والممدوح
،،،،
بلغ سلامنا لابو يوسف يابو ماهر

ونعم بالشيخ /عبدالسلام