الحي منهم عايشاً ماهو ناسيك..

بسم الله الرحمن الرحيم

هذة القصيدة تعبير عن شعوري عندما مريت على برقا العين وعين الموية تذكرت ربعي الفواضلة و الحمر والسحمة في هذا المكان الله يرحم الميت ويعف عن الحي..

ارقبت لي مرقاب يشرف على وريك = قمة جبل واشوف تل الصعيدي
دربة وعر مجبور تستعمل ايديك = من التعب دقات قلبك تزيدي
يكشف معالم مع قرايا تحاكيك = راحت هباء منثور هل من مزيدي
تحمل صور تذكار ربعك وأهاليك = تحيي ضمير أنسان قلبة بليدي
راجعت للماضي أعيدة تماتيك = قمت اتذكر راح فكري بعيدي
أسأل وأجاوب منظر الجو يبكيك =الموية عزة مستحيلاً يعيدي
غير الشباب مفحطة تدعس بريك=العج عامر والأمر ماهو بيدي
عقب الفريق اللي ولدهم يحيك = بيت الشعر مسكوب توة جديدي
هذي وصايا العود أسمع وأنا بيك = رباة من صغرة على مايريدي
لاتعطي الضيفان مقرن علابيك = على الكريم الخير دايم يزيدي
الخط ماشي صوت النجر يدعيك = ربعي بلي جيرانهم تستفيدي
تاريخهم محفوظ الي نزل فيك = عند الأجانب نفتخر بة رصيدي
من مركز الشرطة دياراً تباريك= وأنا على ما أقول الله شهيدي
الطيب لة دروب يمة توديك = طيب القبيلة غير نوعة فريدي
هذي علوم مصدقة كنها الشيك= حيث السوالف باقية ماتبيدي
الحي منهم عايش ماهو ناسيك= واللي رحل ينجية رب العبيدي

ناصر سالم .... صح لسانك قصيده مكتوبه باحساس وصدق وجدانيه معبره

وانت شاعر ولا نقول الا صح لسانك

الأخ موسى السالم اشكرك على مرورك المتواضع

وأن دل على شي انما يدل على متابعتكم لكل جديد

صـــــــــــــــــــح لسانك على القصيدة

صــــــــح لـــــــســـــــانـــــــــك ,,,,,,,