حنيت لك يابوي ,, حنيت

http://n7bkm.net/upfiles/77e82462.jpg


حنيت لك يابوي.. حنيت

حنيت لك يابوي وتمنيت..

تمنيت اضمك واشمك واللقاك بهالبيت..

البيت اللي عقبك مالقى من الناس من يعتني فيه..

يابوي..

يابوي والله قست بعدك كل القلوب ومنهم عانيت..

يابوي..

يابوي تيتمت عقبك ولا لغير الله شكيت..

يابوي..

يابوي لي قلب من الشوق لك يبكي ما حييت..

يابوي..

يابوي والله عقبك عرفت قيمتك وبك بكل احاسيسي حسيت..

تذكرتك لما كنت مني تزعل "عشاني" وانا احسبك عني تخليت..

تذكرتك لما كنت "تراضيني" ولا ارضى..

تذكرتك..وتذكرت كم لك عصيت..

يابوي تذكرت الخير اللي كان بوجودك وانا به ماحسيت..

يابوي والله اليوم حسيت به ذاك الخير وتذكرت اني عنه اقفيت..

يابوي..

يابوي ليت من يحيي العظام وهي رميم يحييك ثاني واشوفك

واقولك يابوي لك حنيت..

واقولك سامحني يابوي انا غلطان بحقك..

انا ندمان..

انا ماعادلي بعدك اصحاب يااحقهم بحسن صحبتي ..

تراني من بعدك توعيت ومتاخر صحيت..

وحسرتي يابوي تاكلني من يوم وفاتك..

وكل ماقست عليا الدنيا تذكرتك وبكيت..

واقولك مابقى بعدك جنب لين بعد اللي به انتخيت "الله"

واعتذر لك اني كنت اظنك قاسي..كنت اظنك اناني..

وكنت اظنك ماتعاني..

كنت وكنت وكنت..

لكن اللي تاكدت منه اني انا القاسي..

وانا الاناني وانا اللي ماكنت اعاني..

ماالومك بتدليلك لي من حبك وطيبة قلبك..

كانت قسوتك اللي اشوفها قسوه وتضييق..

كانت حب ماعرفته الا بعدك..

كان سؤالك الدايم عني بقولت وينك؟ وش تسوي؟ ليه ماجيت؟..

كانو اهتمام واليوم بس توعيت..

يابوي والله اني لك حنيت..

بيدي كسرت قلبي ومالقيت فيه غيرك اقوله حنيت..

الله يرحمك يابوي..

ليت لي طريق واجيك..

ليتني اقدر واراضيك..

لكن امره "سبحانه" قدر فرقاك ياشمعت ذاك البيت..




اعجبتني فنقلتها لكم
حفظك الله يالغالي
عساني ما انحرم منك

الله يااخياله بلي رائعه مانقلتي والله ان القلب لا يحزن على فرقى ابوي كلماتها فعلاً تجي على الاحساس وسبحان الله البنت تحس في ابوها اكثر من الولد الله يرحم موتنا وموتى المسلمين ويجعلهم في جنات النعيم
ويارب يخليلك ابوك وابوك ويحفظهم من كل شر وربي انهم اعظم كنز لنا في الدنيا عاد مايحتاج اوصيك فيهم

اقتباس:

---

المشاركة الأصلية كتبت بواسطة شروق الامل

الله يااخياله بلي رائعه مانقلتي والله ان القلب لا يحزن على فرقى ابوي كلماتها فعلاً تجي على الاحساس وسبحان الله البنت تحس في ابوها اكثر من الولد الله يرحم موتنا وموتى المسلمين ويجعلهم في جنات النعيم


ويارب يخليلك ابوك وابوك ويحفظهم من كل شر وربي انهم اعظم كنز لنا في الدنيا عاد مايحتاج اوصيك فيهم

---

الله يرحم أموات المسلمين ويجمعك في غاليك في جنات الفردوس ياحي ياقيوم
مرووورك آنسني ,, وما يحتاج توصيني بنور العينين

رائع يا خيالة بلي
،،،
الله يحفظهم لنا



جزاك الله خير على هذه اللفته الباره

اقتباس:

---

المشاركة الأصلية كتبت بواسطة حامد بن راشد الوابصي

رائع يا خيالة بلي

،،،
الله يحفظهم لنا

جزاك الله خير على هذه اللفته الباره

---

آمييييييييين
اشكر مرووورك ابو حمد

لامست الجرح:(
اسال الله ان يغفر لوالدين ويمجمعنى بهم في الفردووس الاعلى من الجنه