لكل زوج مقصر في حقوق زوجته
ولكل أب اهمل اسرته٠
ولكل أب حرم ام من ابنائها
روايتي الثانية اهديها لكم
وكل مأتمناها أن تصل رسالتي للجميع
صـــرخـــة رنــا
خلود:ماقدر يايمه ماقدر
بموت والله بموت
خالد:تصبري ياخلود تصبري
بصعوبه وصلوها لسيارة وصته أمه عليها ووصته يطمنهاولايقفل جواله
انطلقت سيارة خالد وطول الطريق وصرخات خلود تذبحه
وتنهد خالد وشغل كسيت قرأن
وبدا يفكر بأخته
أخته الي حالها من سيئ الى أسوء
تنهد خالد وتذكر اليوم الي جت خلود ومعها إغراضها أنذهل الجميع بحالها
ابوسند:خلود ايش جابك خيريا بنتي
( ساكته)
ابوسند:انطقي ايش صاير
سند:ردي على أبوي قولي ايش صاير
(ارتمت بحضن امهاوبدت تصيح)
ام سند:خلود يمه فهمينا ايش صاير
خلود:يمه مانصلح لبعض حرام عليكم يمه كل مااجيكم تقول بكره يتعدل بكمل سنه وهو على حاله
يايمه عادني مثل الأثاث وجودي زي عدمه
تعبت والله تعبت ماقدراصبراكثرمن كذا طلقوني منه
الله يخليك يبه لاترجعوني له دخيلك سند دخيلك خالد دخيلكم لاترجعوني طلقوني منه
ابوسند:ومن جابك هنا؟؟؟؟؟
خلود:هو نزلني وراح
خالد:فوضى هي ينزلك كذا ويروح
سند:إيه مو يالحبيب الاخو مستعجل وراه سهرات
ابوسند:لاحول ولاقوةالابالله خلاص بابنتي الآن برجع أدق عليه وإذا طلبتك انزلي أبسمع منك ومنه
إن طلع هوالمخطي مالك إلا الي يرضيك
خلود:الله يخليك لي يبه
ام سند: قومي يمه قومي اطلعي لدارك وريحي لك شوي
طلعت فوق
وعلى المغرب
يندق جرس البيت
سند:اهلن اهلن ياحي الله النسيب
سعود:هلا سند إذا سمحت الوالد داق ع أبوي وقايل انه يبيني خيران شاء الله
سند:لااااااه وأنت ماتدري ليش أبوي يبيك
سعود: (بستتهزاء) لااامادري
سند: (عصب) صدق انك وق؟؟
وقاطعه أبوه قبل يكمل جملته
ابوسند:سند أحشم الرجال تراه فبيتي
سند:العذروالسموحه يبه
سعود: (بحتقار)تعلم الأصول ياولدالأصول
سند: (بعصبيه)أقول انطم شوفو من الي يتكلم
ابوسند:بـــــس خـــــلاص أنت وياه
وناظر فسعود
ابوسند: ادخل داخل ابيك
ماانتظر رد سعودوكمل كلامه لسند): وأنت جيب القهوه والشاي والحقنا
داخل المجلس
ابوسند:سعود
سعود:هلا
ابوسند:وش صاير بينك وبين بنتي
سعود:ماقالت لك؟
ابوسند:سمعت منها وابسمع منك عطنا الي عندك وش صاير
سعود:دلع حريم
سند:لاماشاء الله عليك كيف عرفت
سعود:تتريق؟
سند:لا حاشاك يامحترم .
قول لنا يااخ سعود وش سبب الخلاف
سعود:لاعدلت اسلوبك معي تعال انشدني
ابوسند: رد زين ياسعود وش صاير
سعود: والله ياعم بنتكم المصون تبي اقابلها بالبيت ٢٤ساعه وانا وراي اشغال
سند: قصدك وراك سهرات وبالوت
سعود:لايكون انت ولي امري وانامادري
ابوسند: بس انت وياه احشموني
الجميع:العذر والسموحه
ابوسند:سند ماابي اسمع لك صوت
وانت ياسعود خلود بنتي انا مربيها والله مارزقني ببنت غيرها
بنتي ماتطلع من بيتها عشان شي بسيط
ياولدي بنتي قالت انك تسهر وحتى النوم تنام فالاستراحه وتطلع شغلك
الظهرهوالوقت الوحيد الي تجي البيت تتغدا وتنام والمغرب تطلع للاستراحه صحيح هالكلام؟؟
سعود: ايه صحيح
ابوسند: وانت شايف ذا صح
سعود:الحرمه مالها كلمه على الرجال
ابوسند:ياولدي هذا ماهو اسلوب
الحياه الزوجيه ماهو بس اكل ونوم ياولدي الرسول صلى الله عليه وسلم قال: (كلكم راع وكلكم مسؤل عن رعيته)
الجميع:عليه الصلاة والسلام
ابوسند:ياولدي الي انت جالس تسويه غلط اجلس مع اهلك اناماامنعك من السهر اسهر ساعه ساعتين ماهوتنام هناك
سعود:هذي حياتي وانا حرفيها
سند:وزوجتك اختي زوجناها لرجال يصونها ويحفظها مو يتركها بالبيت ويدوج بالشوارع ولايدخله الا الظهر
هذي عورتنا ياسعود مافيه شي بالغصب تبيها تعدل ماتبيها هي ماتبيك
سعود:والمعنى
ابوسند:هذي بنتي ياسعود ما ارضى بنتي تنظام وانا حي
سعود:هذي حياتي واناحر
سند:لا رجال ماشاء الله عليك
اسمع ياسعود تطلقها يعني تطلقها
وبكره تجيب ورقتها
سعود:ليش بكره من الحين اقولها
ابوسند:وش تقصد ياسعود
سعود:خلود طالق طالق طالق
وورقتها بكره تاصلها
اترخص
ابوسند:بالي مايحفظك
وطلع سعود وسند واصله معه وده يلحقه وياخذ حق اخته منه
ياما شكت لهم خلود وماسمعوها وهذاهي تطلقت الله يكون بعونك ياخلود ربي يعوضك بالي احسن منه
....................
وقف قبل لاتروح واسمع ثواني٠٠٠
ماني بمن يبكي على شانك اقفيت
لاتحسب اني في غيابك اعاني٠٠٠
اوبنثر دموعي اذا اصبحت وامسيت
بالعكس مثلك وااااجد بذا الزماني٠٠٠
ويامـا بهالدنـيا مرضــــت وتشــــافيت
كنت احسبك لاضــــاق فـي المــــكاني...
بيتــــن لشخصن تايــــهن مالــــقى بيـــت
مثــــلت لــــي دور الــــخوي الانــــاني٠٠
وانــــا على الـنيه بــــظهرك تعــــزويت
والي هــــقيته فيك عكسه لفاني٠٠٠
مااذكــــر أنــــا في حقــــك بــــيوم زليت..
لاتحسب الخــــافق بهجرك يعــــاني
مــــالك غلا عندي مدامــــك تغــــليت...
واللــــه فلا اتبع خطــــوة الي جــــفاني
بالعكــــس عـزةخاطري رحت وان جــــيت...
واللــــه لانســــى كل شخص نســــاني
ولشوفــــته واللــــه فلا أقــــول يــــاليت...
تعبـــت ادور عن رفــــيق الزمــــاني
بس الــــزمن ماجـا على ماتمــــنيت...
وقــــف قبل لاتــــروح واسمع ثــــواني٠٠٠
ماني بمن يبكي على شانك اقفيــــت
لاتحســــب اني في غيابك اعانــــي٠٠٠
اوبنثــــر ادموعي اذا اصــــبحت وامسيــــت
كلمات الشاعر بندرالخمشي
ومضت الايام وخلود فبيت اهلها الكل يعاملها احسن معامله لاكن بعداسبوعين
من الطلاق حدث الي ماتوقعته خلود
تعبت خلود عليهم اخذها خالد
للمستوصف وانصدمت بالخبرالي جاها
السستر:مبروك مدام انتا هامل
خلود:ايــــــــــــش
السستر:انتا هامل في بيبي يجي بعدين
استندت ومسكت يدخالد
وبكت
خلود:خالد سمعتها؟ تقول انا حامــــل حامل ياخالد حامل حامل من سعود
خالد:اهدي خلود اهدي
خلودhttp://www.ylaa.com/ylaaforum/images/smilies/frown.gifبصراخ) وين اهدا انت عارف سعود لودرى بيرجعني واذا مارجعت اول مااولد ياخذه مني بيعذبني ياخالد هذا ماله قلب
خالد:ماراح يصير شي ومحد يجبرك على شي وانامعك
استهدي بالله وقومي نرجع البيت امي حرقت جوالك خفت ارد ويروح تفكيرها ان صايرلك شي
خلود:طلبتك خالدأوعدني
خالد:كأني عارف طلبك
خلود:لاتقول لاحد تكفى ياخوي
خالد:اسف خلود بالشي ذا اناماأأيدك عليه الكل لازم يعرف واولهم سعود
خلود:بيرجعوني له اناعارفتهم بيرجعوني له
خالد:الرجال ماهو مفكر فيك الحبيب البارح ملكته
خلود:ايــش؟
خالد:انسيه خلود انسيه من باعك بيعيه
طول الطريق والصمت ملازمهم وخلود مانطقت بولاحرف
وصلوالبيت
وطلعت خلودغرفتها وبكت موقادره تكابر وتخبي اكثر من كذا
آآآآه ياسعود مارحمتني ظلمتني وطلقتني والحين تملكت
صحيح أنا الي طلبت الطلاق ومو متندمه عليه بس كان قدرت مشاعري مو على طول رحت وملكت الله يسامحك بس
حطيت يدي على بطني وقمت اتحسسها شعور غريب فرحانه وخايفه
ابتسمت راح اكون ام
ياترى بنت؟ ولا ولد؟
ضحكت على نفسي توه ماصار شي
لمحت طيف سعود آآه يمه اخاف يحرمني ضناي
اكيد وقت الولاده بيحرق قلبي وبياخذه
آآآه يارب رحمتك يارب اصرف عني سعود يارب احميني من ظلمه وقسوته
حضنت المخده ونمت
ام سند:
صدمني خالد بالخبرالي جابه وابوسند بعدوسند الكل انصدم بالخبر مادري افرح على حمل بنتي ولااتضايق لانهاتطلقت وبعد٩شهور تكون أم
طلعت اشوفها متمدده بسريرها وضامه مخدتهاونايمه
جلست جنبها ومسحت ع راسها
خلود:يمه
ام سند:هلايمه ازعجتك وقومتك من النوم
خلود:لاعادي كلهاغفوه صغيرونه
اممم يمه
ام سند:هلا
خلود:قالكم خالد عن حم...
امسند:ايه يمه قال لي الف مبروك يمه انتبهي ع نفسك
ارتمت خلود بحضن امها وبدت تصيح
خلود:يمه خايفه
خايفه من سعود٠
ام سند:سعودانسيه انسيه ياخلود الي يبيعك برخيص بيعيه ب أرخص
خلود:اناخايفه لادرى عن حملي
يهددني
ام سند:البارح دق عليه ابوك وخبره
خلود:ايش قال
سكتت ام سند
خلود:يمه ايش قال
ام سند:قال ماشاءالله خلود حامل ؟
حسافه لوكنت فاضي بمر اخذ بوكيه ورد وازورها بس انتا عارف معرس جديد وارتباطات
و..
قاطعه ابوك بعصبيه وقال له مو داق عشان اخذ علومك
داق اخبرك واقفل
سعود:ياعم خلاص اناطلقتهاماعاد تعني لي شي لاهي ولاالي فبطنها خلهاتقعد تربيه لوحدها دامها عصت شوري
ابوسند:لاياقليل الخاتمه
سعود:يو ياعمي مظطراقفل زوجتي تناديني هههههه
ابوسند:صك السماعه بوجهه
خلود:النذل ال؟؟؟
ام سند:كلنا انغشينا فيه يابنتي
خلود:خلاص يمه انا الحين مرتاحه
دامني سمعت رده معناته ماراح يأذيني حتى بعدالولاده
ام سند:ولايقدر يمسك شعره من راسك دام ابوك واخوانك حولك
خلود:فديتك يمه الله لايحرمني منكم ويخليكم لي
ومن بعدها واناطويت صفحة سعود وبديت اهتم فالطفل الي يوم ورى يوم يكبر
توفى ابوي وانابالشهرالثامن توفى قبل يشوف حفيده
وامي ماصارت تجلس معنا مثل قبل فقدت ابوي فقدت شريك حياتهابالحلوه والمره
وانطويت في غرفتي انعزلت مثل ماانعزل الكل سند جاب زوجته هند
له بنتين جوري ٧سنين وجود٤سنوات
وزوجته حامل معي بنفس الشهر
قضت ايام العزا وبدينا نحس بوحشت البيت من دون ابوي اول سعاده وفرح والأن شقى وكأبه آه يايبه فقدتك كلنا فقدناك
أحزن حزن غطي علي حزن يعقوب
الي فقد يوسف سنين طويله
صابه عمي واصبح من الأمر مغلوب
مافيه يده حيله ولأ له وسيله
وانا الماصابني هو فقد محبوب
اقفى وصارت رجعته مستحيله
الله يرحمك يبه ويسكنك فسيح جناته
وبعدشهربديت احس بألام بس طنشت قلت يمكن من التعب وقلت الأكل ماقلت لامي عنهاكنت انتظر هندزوجت اخوي سند عشان اسألهاغريبه ليش مانزلت للأن؟
زادت الامي وجلست اتكورة على نفسي من الألم واستسلمت
ام سند:خلود وش فيك تحسين شي ليش وجهك مخطوف
كنت اببتسم ماقدرت
هزيت راسي لها بأيه ونزلت دموعي
وصرخت الم وخزن وعذاب وتعب
دقت امي على سند وابتسمت وهي تكلمه وقعدت تبارك له هند جابت ولد
سموه محمدع اسم الوالد رحمةالله عليه
اتصلت امي بخالد وبحكم انهابالعده ماطلعت وصت خالد علي
خلود:آآآآه يمه بموت يمه بموت
ياخالد عجل ماعاد فيني حيل خلاص هلكت
خالد:خلاص خلودهذاهو دقيقه بجيب عربيه واجي
داخل المستشفى
جوال خالد:هلايمه
ام سند:هاه يمه طمني ايش صار
خالد:لالأن محد طلع ماصارت يمه تأخرو
ام سند:يمه هذي بكريه ادع لها يمه ربي يقومك بالسلامه
اكيد محتاجتني جنبها الحين
آآخ يابوسند رحمةالله
عليك
خالد:الله يرحمه اصبري يمه اصبري
وقطع كلامه خروج السستر
خالد:طلعو يمه طلعو
سستر كيف خلود
السستر:مبروك هذا بيبي بنت هلو مره
خالد:وكيف صحتها
السستر:كويس بس هو نوم الحين شوي تعبان بعد ولاده
خالد:سمعتي يمه سمعتي
