منقول /تجهيزي لزواجي

نجي للملابس الرئيسية واولهم الي هو فستان الزواج
وبصراحه مره مرررره مليت من اللوك بالفستان الأبيض وخصوصاً ان زواجي راح يكون عائلي لاني قلت لكم خلص المهر
وبرضه حبيبي ابو نجر بيكون لابس ابيض فـ ماحبيت نكون مطقمين تقل زمزميات ، حبيت اتميّز
فـ انا حبيت اغير وجبت فستآآن اخضر فآآآتح
ومره شيك من عند مصمم هندي بس مبدع وحبيت اضيف له بعض الافكار وكذا <<اخاف خيآط حارتكم وملتبس عليك !!

http://img821.imageshack.us/img821/6794/94561187.jpg

زي منتم شايفين إضافتي كآنت بـ البيلت _الحزام_ البينك مررره اعطاه شكل غريب ومُلفت
كل الي شافوه انهبلووو عليه وسألوني من وين على بالهم من فرنسا

~

فستان السهره الثاني هو الي نويت ان شاء الله اني ألبسه ثاني يوم من الزواج عند اهل زوجي
وحبيت يكون سآآتر وبنفس الوقت يكون انيق وطقّمت معه شنطه سلفر_فضيّه_ مره راقيه
وراح البس شوز اصفر عشان اكسر حده الالوان الغامقه

http://img809.imageshack.us/img809/5562/90829866.jpg

~
الحين نجي لفستان سهره ثاني
احس اني طقمته بإحترافيه
بليز بنات اذكرو الله

لونه اورنج وما حبيت يكون عااري ويطلع يديني فـ جبت له بلوزه بكم طويل بنفسجيه بس طالعه جناااااان
خصوصا مع العقد البني وتركواز ، وحبيت اضيف لها شي سبور عشان يكسر الشكل الكلاسيكي
فـ وقع اختياري على شنطه نادي ارسنال الانجليزي وفعلاً طلعت جداً مناسبه ورائعه مع اللبس

http://img140.imageshack.us/img140/3379/76754622.jpg

~
الفستان الاخير من فساتين السهره
مره مررررره رااااااقي وما اتوقع تلقون مثله لانه قطعه وحده بس وانا الي لقطتها
بس القهر ما انتبهت ان الفستان قصير وراح يبين مفاتني قدام زوجي وبعد خفت يطلقني ويقول اني مارجه وكذا
عشان كذا خطرت على بالي اني البس تحت الفستان جينز راااايق وحزام ابيض غرييب وحلوو وطلع فعلاً مناسب وانييق

~
نجي الحين للسبورات وملابس الطلعآت
وبصراحه مخمخت عليهم بقووووه واخذو من وقتي ومجهودي وميزانيتي الكثيييير
طبعاً اول شي هذي البدله التوب من مصمم مصري مبدع
والبنطلون اشتريته من السوق العادي وحبيت اعطيه لمسه خاااصه بوجود الخط الاصفر عشان احس بتميز وغرابه
وحبيت اضيف شنطه بيج مره رووووعه اخذتها من دولاب مآمي كانت شاريتها من الكويت قبل تتزوج ايام الجمس

http://img577.imageshack.us/img577/3958/74777661.jpg

~
القطعه الثانية طبعاً مراح تتكرر ابد
كلاسيك على فنكي مره مره
إعتمدت فيها على خطّ السته أقصد على خطّ المصممين الفرنسيين
وخصوصاً الجآكيت لاني تعبت ادور نفس الموديل هاذا والي عرفته بعدين ان اسمه موديل نآمق
وحطيت على الرقبه إيشارب صوووف بيج علشان يقصّر عنقي لانهم يسموني ام عنق ما شا ءالله عليّ
وطبعاً الشورت معروف جداً موديل سمير غانم_عبدالسّميع اللمّيع_ والحمدلله كآن التطقيم موفق جداً

http://img46.imageshack.us/img46/526/57782391.jpg

~
اللبس الجاي هذا ما تعبت فيه كثير
ولا فيه ابتكار مررره مجرد اني شفته على المنيكان(العارضه البلاستيك) الي برا المحل على طول قلت للبيآع اليماني ينزله لي زي مآهو
بصراحه مره مره حبيته
حسيت انه يحكي وحسيت انه مرهّم لي خصيصاً
مجرد اضفت عقد سوارفسكي من النمسا موصيه عليه وشنطه لونها لقيته يناسب

http://img684.imageshack.us/img684/2338/78627271.jpg

~
طبعاً حمولتي مره ملتزمين ما شاء الله عليهم
ربي يسعدهم
فـ قلت يعني لو أبو نجر يآخذني فجأه لهم ألبس هاللبس
مره مره انيق ويحلّــــــي الجسم بشكل وحطيت معه جزآم عشان يقسم جسمي تقسيييييم ـ
وما راح تخافين من براآآآد المكيف لو كانو مطولين عليه لانه يدفي وكشخه بنفس الوقت

http://img607.imageshack.us/img607/7021/62530814.jpg

اما هالتطقيمه بصراحه موفرتها لأي ظرف طآآآرئ

ودمجت فيها بين الكلاسيكيه وبين السبور في الذوق البرازيلي
وبذكائي دمجت معها شنطه من اللي عندي وما احتجت اشتري شنطه جديده
وطله اللبس كآمل من اروع ما يكون
ما تصودقون يا بنات فرحتي انه طلع حلو كذا ما توقعت ابد

http://img821.imageshack.us/img821/6173/37174158.jpg

واللبس هذا اخذته خصوصا عشان اذا جيت اروح لصاحباتي

حبيت يكون مريييح وبنفس الوقت فخم مره يعني تعرفون عروس ولازم اكون مميزه

طبعاً تعبت لين لقيت سكارف _ وشآح_ يناسب التطقيمه

http://img89.imageshack.us/img89/8379/55701515.jpg

اما التقطيمه هذي
اخذتها لطلعاتنا انا وابو نجر للمطاعم والكافيهاات ، يعني حبيت يكون شي انيق ومريح وفيه دلع ويحلي الجسم
ابي دايم بعيونه اكون راقيه ومميزه لبى قلبه ولبى عيونه
فـ وقع اختياري على هالقطع
جاكيت جنز خفيف مشجر
بلوزه ام رقبه _هاي نك_ مخططه
بنطلون مقلم بـ 3 الوااان روووووعه ووآسع لان التوب ضييق حبيت البنطلون يصير واسع

http://img137.imageshack.us/img137/8485/74776913.jpg

وهذا لبس سبور مره
للبيت ولطلعاتي لاهلي ، ما حبيت يكون متكلّف
بلوفر اخضر
بلوزه ورديه عليها خاروف منبين طرفه
بنطلون ابيض بلمعه بس انه انتيك(فنتج) كآنه ملبوس ومكروف والا هو جديد جداً
وراااايق جداً

http://img829.imageshack.us/img829/9246/52484488.jpg

الحين نجي للبس السفر

هذي البدله الي نآويه ألبسها بالسفر وبالطياره حبيت شي يكون
يعبر عن اسلوبي وستايلي
دمجت الابيض بالازرق بالاخضر مع حزام جلد طبيعي
وشنطه جينز مررره فنتج وحقت دلع وطلع خيالي
طبعاً اللبس هذا ماحبيت اعرضه لاني خفت احد يطقم مثلي بس ارتحت لمآ عرفت ان كل القطع سحبوها من الاسواق
عاد مدري سحبوها لان محد شراها والا سحبوها الناس واشتروها

http://img811.imageshack.us/img811/4452/93622222.jpg

~
طبعاً ابو نجر ربي يخليه لي كآن واعدني يوديني لـ دوله فيها شاطئ وونااااسه
بس باللحظه الاخيره ماقدر لان خويه تسلف منه 10 آلاف ولا رجعهن له
عشآن كذا قال لي انه غيّر الخطة لشهر العسل وبيوديني لـ للقصيم
عموماً هذا اللبس الي كنت محضرته للبحر
مايوه اورنج فاقع رااايق وصيفي + بلوزه حمراء بكم وسحّآب من قدام لاني ما احب اظهر مفاتني
وشنطه للاشياء الي بناخذها معنا
ونبيطه عشان نصيد سمك

http://img602.imageshack.us/img602/2826/83445771.jpg
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 508x630 و بحجم 165KB.

~
وهذا لبس أخذته لي وبنفس الوقت أخذته مقآس لارج كبييير
عشان حبيبي ابو نجر لو حبّ يلبسه والا شي يكون منآآآسب له

http://img145.imageshack.us/img145/3448/48234763.jpg

~
وابو نجر بعد الدنيااااااء
وعدني يوديني للشرقية عشان اتسبح لانه لبى قلبه ما يخلي بنفسي شي فديته فدّ ورا فدّ
لا اله الا الله علينا ، اذكرو الله بنات
ولـ هالسبب شريت لبس شعبي مثل حق اهل الخليج عشان ألبسه له هنآك واحسسه اني سلسه واندمج معه بأي محيط
بس ماعرفت وش ألبس تحت
بس خطرت لي فكره مجنووووووووونه وانيقه وكشخه شوفوها

http://img689.imageshack.us/img689/641/69521155.jpg

وهذولي عطوري
وكلهم روووعه بجد بنات انصحكم فيهم
بس القهر اني تـشـتـشـتهم كلهم وخلصو
ان شاء الله بقول لابو نجر على الراتب الجاي يجيب لي عطر جديد

http://img257.imageshack.us/img257/5349/43857206.jpg

~
وهذا مكياجي
اشتريته من الخمسين الي اعطتني امي وبقى عشره شحنت فيها جوالي والحمدلله
روج بينك مره رايق واخذته لؤؤؤؤطه ، سوآلي تخفيض لانه للتجربه (تـستر) والغطاء ضايع
و اخذت برضه فرشاه لحمره الخدود بس ماشريت حمره خدود
ومناكير نحاسي

~http://www.alqlaib.com/images/statusicon/wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 659x500 الابعاد 73KB.http://img839.imageshack.us/img839/4310/16945351.jpg

وبالنسبه لادوات العنايه بالجمال
جبت الاشياء المهمه والضروريه لكل بنت تحب نعومتها وشعرها وتهتم بصفااوه بشرتها
واشيائي هي كالتالي

صمغ / لـ تلصيق الرموش الصناعية
فازلين شعر / لمعه للشعر ورائحه رائعه بلا حدود

قاروره زيت زيتون/ لصفاء الوجه وترطيبه وللسلطة أيضاً

فيكس / للمواطي ولنعومه اليدين

دواء كحه/ لرائحه الفم

بف باف بودره / لقمل الراس

نوعين مشوط / الكبير للتمشيط العادي والصغير لتفكيك العقد والتشابك الي براسي وللمساعده على حتّ القمل الميت

علوك مرّ / احبهن

http://img402.imageshack.us/img402/8748/55724716.jpg

~
وأخيراً

لابتوبي الصغير _نوت بوك_ لونه فضي وبعد جوالي من ماركه صينية لونه فضي
وحبيت اكون مميزه واشتريت هالجوال وميزته انة على البطاريات مثل الريموت ما يحتاج شحن كهرباء
وشريت له كرتون بطاريات من الرخيص

http://img156.imageshack.us/img156/9462/82306163.jpg

وفي النهايه يا بنات اتمنى انكم تدعون لي بحياه سعيده الله يبااااارك فيكم
وعقبالكم كلكم
واذا اعجبكم شي ياليت تذكرون الله

مع السلامه

http://www.alqlaib.com/images/smilie...rwareZ-198.gif http://www.alqlaib.com/images/smilie...rwareZ-219.gif