من أواسط مجتمعنا خرجوا ولم يعودوا (القصه كاملة )
قصة من بنات أفكاري ترددت في كتابتها كثيرا وأحببت أن تشرفوني بنقدكم لها
حيث تعتبر هوايتي الأولى في الكتابة ولكن بصمت بيني وبين نفسي وبين أوراقي..
البارت الأول ::
عائلة أبو خالد
نورة : أم خالد
خالد : الإبن الأكبر متزوج ولدية ثلاثة أبناء
سلمان: طالب في المرحلة الجامعيه
أحمد : الإبن الأصغر طالب في المرحلة الثانوية
سمر : الفتاة الكبرى مدرسه
حنان : الفتاة الصغرى طالبة في المرحلة الثانوية
عائلة أبو علي
فاطمة : أم علي
منال : الفتاة الكبرى متزوجة ولديها بنت
علي : الإبن الاكبر يعمل مهندس
فرح : الفتاة الوسطى ممرضه
سحر : طالبة في الجامعه
لين : في المرحلة الثانوية
غدي : آخر العنقود بالمتوسط
0
الساعه 8 صـ في منزل أبو خالد الجميع يتأهب للذهاب إلى عملهم ومدارسهم
ام خالد : يلا يمة سلمان قوم ماتترك عادتك دايم متأخر الله يصبر الدكتور عليك.
سلمان : ياربي ماعندي محاضره اليوم إلا الساعه عشرة صحيني 9 ونص
أم خالد : طيب طيب بشوف آخرتها معك .؟
أحمد : جالس بالصالة يفطر قايم من بدري توه متعلم السواقة بيوصل أخواته فرحان
سمر : صباح الخير يمة صباح الخير احمد وين حنان ..؟
حنان : يلا جيت جيت كالعاده تدخل تفحط صاحية من الفجر
ام خالد : يلا يمة قوموا لاتتأخرون والله الله بالطريق
أحمد : أبشري يمة يلا توكلنا على الله
أم خالد : الله يوفقكم ويفتحها بوجيهكم ويحميكم ربي من كل شر
سمر: أحمد الله يعافيك مر على بنات خالتي نوصلهم معانا
أحمد : لاو الله أخاف أتأخر وأخوهم علي وش عنده مايوصلهم سواق أنا..؟
حنان : إي والله مر عليهم حرام علي مشغول ويعصب عليهم
أحمد : أوووووووووووووف يلا إتصلوا عليهم لو ماألاقيهم عند الباب قسم أمشي .؟
حنان : طيب بتصل عليهم
سمر : إي إتصلي بسرررررعه لايبلشنا هالورع
أحمد : وش قلتي <مسوي مايسمع خايف يخسر السيارة وتنسحب منه..؟
حنان : ألووووووووووووو غدي لين سحر بنات يلا إلبسوا إحنا قريبين من البيت
سحر : أوك إحنا جاهزين
وصل احمد للبيت وبنات خالتهم ينتظرونهم عند الباب ركبوا الجميع السيارة
سحر : صبحكم الله بالخير
سمر و حنان : صبحكم الله بالنور
أحمد : مو فاضي لهم مسوي كبير إنه يسوق ومايرد عليهم
وعم الصمت حتى وصلوا جميعا إلى عملهم وجامعاتهم ومدارسهم ..
الساعه 10 صـ
أم خالد : سلمان يمة قوم الساعه 9 لاتتأخر الفطور جاهز
سلمان : يلا جاي بقوم أتوضأ وأصلي وآجي
أم خالد : للحين ماصليت يمة
سلمان : لاوالله يمة راحت علي نومه كنت سهران أذاكر
أم خالد : يلا أنا تحت انتظرك
سلمان : أبشري يالغالية
أبو خالد : صباح الخير ياأم خالد
أم خالد : صبحك الله بالرضا والسرور
أبو خالد : العيال راحوا لمدارسهم
أم خالد إي كلهم راحوا باقي سلمان يلبس ويداوم
سلمان : صبحكم الله بالخير ياأغلى إثنين عطوني روسكم ببوسها
أبو خالد أم خالد : الله يرضى عليك ويصبحك بمثله
سلمان : يلا فمان الله ودعواتكم لي عندي دكتور مصري مجنني بختبر عنده اليوم
ام خالد : الله يبعد عنك كل شر ويوفقك وتجيب أعلى الدرجات
سلمان : طالع شماغه على كتفه وعقاله والكتب والملازم وحوسه
شغل سيارته ويحط اغراضه بالشنطة
إلا صوت سيارة مسسسرعه وصوت تفحيط وإرتطام بجدار
سلمان : يالله صباح خير الله يكفينا الشر ركب سيارته وإتجه لصوت الحادث ولما قرب أكثر
تفاجئ إن هذي السياره سيارة أبوه واللي فيها أحمد
سلمان : يارب سترك يارب لطفك يارب عفوك ويركض عالسيارة وخطواتة تسابق الريح
تجمهرت الناس عالحادث وإزدحام كبير وسلمان يبي يطيح من طولة من هول الصدمة .؟
سلمان : يفتح باب السياره أحمد أحمد أخوي وينه ردوا علي اخوي وينه
أحمد : متلثم الأخ واقف مع الجمهور بصوت خفيف سلمان سلمان .؟
سلمان : إرتاح لما شاف إنه بخير وسلامه
وش صار كيف سويت الحادث
أحمد : يرحم والديك ياخوي لاتقول لأبوي أنا كنت أفحط وهارب من المدرسة
سلمان : لاماعليك المهم إنك بخير والحديد يتعوض وانا أخوك
بقول لأبوي السياره إنصدمت عند مدرستك لكن لاتكررها وهذي فلوس جيب سطحها وإسحبها
أحمد : ابشر ابشر ياخوي وأبوي وش أقول له ..؟
سلمان لاتخاف أنا بكلمة المهم لاتتأخر أنا بروح الجامعه عندي إختبار
أحمد : الله يوفقك ياخوي ويفتحها بوجهك
سلمان : آمين ويوفقك
أحمد : سلمان لاتنسى توصل أخواتي وبنات خالتي من الدوام لايقلقون ونتأخر عليهم
سلمان : انا بطلع بدري من الاختبار تيسر إنت
أحمد : اوك فمان الله
خلص سلمان إختباره وراح لأخواته وبنات خالته
بالطريق سلمان يتصل على اخته سمر ويمر عليها ياخذها من المدرسة
راحوا لحنان ولين بنت خالتهم وأخذوهم من الثانوية
لين : تهمس باذن حنان باقي سحر مافي أحد يوصلها
حنان بلقافه وعباطه سلمان لاتنسى نمر سحر بالجامعه ناخذها
سلمان : وجهه صار أحمر وأخضر من الإحراج طيب أبشري
إتصلت سمر على سحر وقالت يلا تجهزي إحنا قريبين منك
وصلوا الجامعه :
سحر : ركبت السيارة بخجل وبصوت خافت قالت : السلام عليكم
ردوا كلهم وعليكم السلام والرحمه ياابلى سحر <<عباطة من لين وحنان حركات بنات الثانوي
سلمان : بصوت مبحوح وعليكم السلام ومنحرج
الكل طول الطريق ملتزمين الصمت
وسمر تسأل سحر كيف الدوام والمحاضرات وهي تجاوب بخجل
سحر :عندي بعد يومين إختبار ومااشتريت الملزمة ..؟
سمر : عادي نخلي سلمان يجيبها
سحر : لامابتعبه إحراج
سمر : لاماعليك سلمان لاهنت نبي نمر عالمكتب بشتري كتاب
سلمان : سامع الكلام كله ويدري إنه لسحر قال أبشري
وصلوا المكتبه نزلت سمر وسحر ومعاهم سلمان
أخذوا الملازم وبيطلعون من المكتبه عند الباب قالت سمر : يوووه نسيت أبي دفتر
تحضير جديد لحظه بجيكم
سحر وسلمان نظراتهم بالأرض من الخجل واقفين عند باب المكتبه
فجأه
جات طفله صغيره تمسك ثوب سلمان وعباية سحر وتقول الله يخليكم لبعض يارب
أعطوني فلوس أنا محتاجه مو لاقيه آكل وتصيح ..؟
سلمان وسحر أحسوا بالإحراج وتدارك الموقف سلمان وحط يده بجيبة بيطلع الفلوس
وسحر طلعت محفظتها وطاحت بالأرض وبدون شعور نزل سلمان يشيل شنطتها
وقال لها تفضلي وعينه مانزلت من عينها وكانت لغة العيون هي الحل لدى سحر وبصمت
سمر : يلا مشينا وش فيكم واقفين أفكركم طلعتوا السيارة
إنفجع سلمان وسحر وكانها تصحيهم من حلم جميل دام للحظات
ركبوا السيارة وطول الطريق سلمان سرحان ويفكر واخواته يكلمون مو معطيهم بال
سمر : اللي ماخذ عقلك يتهنى به
سلمان : هلا إيش وش قلتي والله سرحان باختبار اليوم أحس إني جبت العيد
حنان : عاش عاش مرقع وهي ولين يضحكون <<حركات بنات الثانوي مشكلة مسوين كبار
وسحر ساكته طول الطريق تبي تموت من الإحراج عارفه إنها هي المقصد
وصلوا لبيت خالتهم الكل نزل لين : باي حنان باي لين ونزلوا للبيت
وسمر وحنان يستلمون سلمان تعليق شكلك طحت ياخوي وماأحد سمى عليك
سلمان : إي والله من جد <<مفهي وقلب عليهم أقول لايكثر إنتي وإياها بس
وصلوا للبيت .....
إجتمعت العائله عالغداء وسأل أبو خالد عن احمد
رد سلمان : أحمد سيارته إنصدمت عند المدرسة وقلت له يوديها للصناعيه
أم خالد : إي كلمته قبل شوي وطمني إنه بخير
أبو خالد : أهم شي اخوك طيب
سلمان : إي أبشرك طيب وكلم امي لو فيه شي بتلاقيني جالس معاكم يبة
أبو خالد : الله يحفظكم ويحميكم
الكل بعد الغداء راح ياخذ له تعسيلة (قيلوله )
إلا سلمان جالس يردد بصوت عالي :
من شفتها ياناس نستني إيش إسمي أنشهد إني صرت مجنونها رسمي
في بيت أبو علي
لين : سحر تعالي تغدي
سحر : مالي نفس مو مشتهيه ىكل
لين : بكيفك
سحر : تفكر بنفس اللي يفكر فيه سلمان وسرحااااااااااانة ومو مع العالم
المغرب حنان ألووووووووووووووو لين شخبارك
لين بخير إنتي كيفك
حنان : والله بخير أبشرك في بيتنا فنان جديد إسمه سلمان من الظهر يغني ههههه
لين : صدق والله حتى إحنا في بيتنا فنانه إسمها سحر وش رايك نسوي لهم دويتو هههه
سحر : يابزره تعوذي من الشيطان لاأسحبك مع كشتك
لين : أقول لاتخليني أقول لحنان تخلي احمد أبو خشم يودينا للمدرسة مو سلمان خخخخ
سحر: إنتي ماتنعطين وجه ياقليلة الادب وربي ماطرالي أفكر كذا ياورعه
لين : طيب صدقتك
إنتهت المكالمه ..
وصار سلمان كل يوم يوصلهم للدوامات والمدارس والجامعات تقريبا شهر
تقدم شاب لخطبة المدرسة سمر اخت سلمان وتمت موافقة الجميع وجاء يوم الملكة
حنان : ألوووووووو لين سمر ملكتها اليوم
لين : صدق مبرووووووووووووووك وعقبالك يارب
حنان : ماظنتي انا وإنتي نبي نعنس هههههههههه بس يلا تجهزوا لازم تحضرون اليوم
ولاتنسي تقولين لسحر
لين : اوك
وصلوا بنات الخاله من العصر إلى بيت أبو خالد بيجهزون سمر
سحر : طلعت غرفة سمر وجالسه معاها
لين وحنان كالعاده لعب وإستهبال بنات الثانوي
أبو خالد يلا ياعيال قوموا إلبسوا مافي وقت
سلمان : يلا يلا يبه الحين بنجهز
سلمان : أحمد وين عقالي
أحمد : ماادري عنه دوره فوق
سلمان : حنان ماشفتي عقالي ..؟
حنان : مااأدري
سلمان : أووووووف ياربي وين حطيته انا
حنان ولين يهمسون لبعض بخبث ولئامة
حنان : سلمان إي تذكرت شفت عقالك
سلمان : وين ياكمخه
حنان : شفته قبل شوي بغرفة سمر عالطاولة
لين : ياغبية سحر هناك
حنان : لاخليهم أبي أحرجهم نبي نضحك وش عاد بيصير ..؟
سلمان : يركض مع الدرج ويلاقي باب الغرفة مفتوح
طق طق طق سمر وينك
سمر ماردت كانت بالحمام
سحر : من الفشلة مو قادرة تقول ماهي موجوده وتدور غطوتها تبي تغطي وجهها
دخل سلمان للغرفة ومسك التسريحه وجلس على ركبته مصدوم من اللي شافه
لسانة تلعثم مو قادر يوقف على طولة
سحر : غطت وجهها بالبطانية حقت سمر وشهقت
سلمان : لااله إلا الله لاقوة إلا بالله بسم الله ماشاء الله ويتمتم ممممااشاء الله
سحر كان بيغمى عليها من الخجل
طلع سلمان من الغرفة يركض على حنان بيجلدها بسبب هالمقلب
وهو نازل من الدرج طاااااااااااااح وسمعت صوته سحر
حنان + لين : يمه خاله سمر سحر سلمان تعور
سلمان : طايح بالأرض يتألم والدم ينزل من خشمة :(
سحر : بدون ماتحس نست نفسها ونزلت جري لسلمان
سلامتك ماتشوف شر وش فيك وتبكي ..؟
حنان : هو نزل من فوق يركض وطاح ماادري وش فيه
سحر : باللحظه هذي حست بالذنب وتعاتب نفسها من الداخل
سلمان فقد الوعي
سمر نازله تركض من فوق وش فيه إيش صار ..؟
الكل مدهوش وسحر تبكي
حنان تركض لغرفة أحمد الحق سلمان يبي يموت
أم خالد : شافت سحر ماسكة يد سلمان وتصيح وتمسح الدم من على عيونه
وتصرررررررخ ولدي وش فيه قوم يمه بسم الله عليك وتبكي
احمد خلونا نوديه للمستشفى
سمر : أنا بلبس عباتي بروح معكم
أم خالد يلا يمه بسرعه
سحر : انا بروح بعد
طول الطريق وسلمان بحضن أمه وينزف دمه وتصيح
سحر : انا السبب انا السبب وتبكي
سمر إحتارت ماتدري تهدي امها ولا تهدي سحر
وصلوا للمستشفى ودخلوا خالد للطوارئ
الكل بالخارج ينتظر
عدت الساعه الاولى والثانية
وطلع الدكتور ..؟
الحمد لله اوقفنا النزيف لكن لازم يدخل للعناية الفائقه لإنه تعرض لضربة قوية في الرأس
ام خالد : دكتور تكفى ولدي بيعيش ولدي بيضيع مني يادكتور تكفى طمن قلبي
سحر تطالع بخالتها وتبكي بحرقة
سمر إن شاء الله يمه بيقوم بالسلامه إستهدوا بالله
خلوا أملكم بالله قوي ربي أرحم فيه منا لاإله إلا الله
أحمد : طيب يادكتور حالته إستقرت مايفيد ننتظر
الدكتور : لاياولدي تواجدكم ماله أي ضرورة لازم نتابع حالته على الاقل أسبوع
أم خالد : آآآآآآآآآآآآآآآآه ياولدي بيضيع مني
الكل رجع البيت
وإنقلب الفرح حزن وتأجلت خطوبة سحر
حنان تبكي وتقول انا السبب وسحر تبكي تقول انا السبب وأم خالد : تقول وش سالفتكم
كل وحده تقول انا السبب ريحوا قلبي انا ام حرام عليكم
سمر : ممكن تهدون وتقولون لنا وش السالفة
لين : انا بقول لكم سلمان كان يدور عقالة وانا وحنان قلنا له عقالك بغرفة سمر نبي نحرجه
لان سحر كانت هناك ..؟
وبعدها نزل يركض وطاآآآح :(
سحر إنهاآآآآآآآرت من البكاء ومو قادرين ياخذون منها حرف
أم خالد : يمه سحر طمني قلبي وش اللي صار
سمر : سحر انا كنت أتروش ماادري وش صار أذكر سحر كانت بغرفتي ..؟
سحر عيونها إحمرت وسمر تهديها
أنا ككككنت ججالسه بالغرفة وفجأة يصوت يناادي سمر ووتبكي وتحضنها سمر كملي
بعدها دخل غرفة سمر وشافني وجلس بالارض من الصدمه وطلع من الغرفة يركض
ام خالد آآآآآآآآآآآآآآآآآآآآآآآآآه ياوليدي والكل بحالة ذهووووووووووووووووووووووووول
وصل أحمد جاي من المستشفى
الكل يجري عليه هاه وش صار بشرنا
أحمد: الدكتور يقول حالته مستقرة لحد الآن وفي تحسن
أم خالد : طيب ماقال لك متى يصحى
أحمد : لا الدكتور قال توكلوا على الله وباذن الله يقوم لكم بالسلامة
اليوم الثاني : سلمان مازالت حالته مستقرة
والزيارات تتوالى عليه من الاهل والاقارب
اليوم الثالث : مازال سلمان كما كان عليه
اليوم الرابع : أدخل سلمان الإنعاش وأجريت له عدة عمليات ولم يكن أحد يعلم إلا والدة
وافق على العملية دون ان يخبر والدته واخوته
تكللت العملية بالنجاح ولله الحمد
خرج سلمان إلى قسم التنويم
وإستبشر الجميع خيرا بعد إخبار أبو خالد لهم بنجاح العمليه
بعد مرور إسبوع من العملية مازال الأهل والاقارب يقومون بزيارة سلمان للإطمئنان على صحته
كانت سحر تأتي في الصباح الباكر لزيارة سلمان دون علم أهله ..؟
كانت تقوم بترتيب سريرة ومسح جبينه وتتأمل ملامح وجهه كل صباح وتعود إلى المنزل
كان الجميع يعتقد أن سحر تذهب إلى الجامعه كل صباح ..؟
وبعد مرور شهر من الحادثه..!!
يوم الإثنين الساعه 9 صباحا
سحر حضرت كعادتها ونظرت إلى سلمان ووجهه يتصبب عرقا
قامت لتبلل المنديل وتريد ان تمسح جبين سلمان
وعندما رجعت كانت الصدمه ..!!!!
سلمان آفآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآق من الغيبوبة
كانت مثل الصاعقة على سحر
وكانت تنظر إليه ولا تستطيع الحراك
فاختلطت صدمتها بفرحتها بصحوة سلمان
وكان يريد التحرك من مكانه وعلامات التعجب على ملامح وجهه
أنا وين شلون جيت هنا ويتألم
سحر لاتحاول تجهد نفسك إرتاح الله يخليك سلمان
سلمان رجع لغيبوبته
طلعت سحر تركض تنادي الدكتور
دخلت بصحبة الدكتور والممرضات
فكانت المفاجأه الاكبر..!!!!
أم خالد وأختها أم علي والدة سحر بجوار سلمان ..؟
كانت الصدمة الاقوى لسحر ماقدرت تتحمل وقعت على الارض
أم علي بنتي بنتي
أصبحت سحر وسلمان في نفس المستشفى
أم علي وأم خالد في لحظة تسائل ماسبب تواجد سحر في غرفة سلمان ..؟؟
خرجت الممرضه أبشركم بنتكم بخير بس تعرضت لصدمه عنيفه أفقدتها الوعي
أم علي : يارب سهلها ويسرها
أم خالد : والله ياأختي ماادري أصبرك ولا أصبر نفسي لكن الله يفرجها
آفاقت سحر العصر أمها جنبها سلمان صحى يمه من الغيبوبة انا شفته بعيوني وكلمني
يابنتي سلمان بغيبوبه له شهر لاتتوهمين يمه
سحر : تبكي إلا انا شفته بعيوني وكلمني
ام علي : إنتي وش جابك من الجامعه هنا يابنتي
سحر : انا السبب باللي هو فيه يمه انا السبب وترجع تنهار وماقدرت تهديها امها
دخلت الممرضات وبالابر المهدئه ونامت سحر في سباآآآآآآآآآت عميق
آفاق سلمان بالليل وامه كانت بجنبه والكل فرحان ومسرور
ومتسائلين سبب تواجد سحر بالمستشفى ..؟
وكان اللي حصل سر بين أم خالد واختها ام علي
اليوم الثاني من الحادثه آفاقت سحر وقامت تمشي لغرفة سلمان
شافته من الشباك جالس ياكل من يد امه وحست بفرحة كبيرة وحمدت الله ورجعت غرفتها
طلعت سحر من المستشفى بنفس اليوم وتحسنت حالتها بعد ماتأكدت إن سلمان بخير
وبعد مرور شهر ...
خرج سلمان من المستشفى
وقررت ام علي وام خالد تزويج سحر وسلمان بما إنهم يحبون بعض
وافق الجميع
وتمت الخطبة والفرح والسعاده يعم أرجاء المكان
فكان سلمان يذكر سحر بما حصل ويقول ليتني طحت من زمان وخطبتك
سحر : لاياشيخ مافيني اتعب أكثر
سلمان : أفاااااا يعني انا تعبتك
سحر : صحيح إنه تعب لكن صرت نصيبي بالأحلام تمنيتك بحياتي ...... الكلام المعسول
وصلوا في حبهم إلى حد الجنون
تخرج سلمان من الجامعه وأصبح في وظيفة مرموقه
وإقترب موعد الزواج
وسلمان وسحر في أسعد وأجمل لحظات من عمرهم يحسبون الثانية والدقيقه
إبتهج الجميع بهذه المناسبة وحان موعد لقاء سلمان وسحر
حضر سلمان بسيارته إلى القاعه
وركبت شريكة حياتة ورى وهو طاير من الفرحه
وبابتسامه الله لايهينك إركبي قدام انا مو سواقكم ..:D
سحر بخجل أقول إحمد ربك لا انزل
سلمان : لايرحم والديك خليك لو تبين أركب بالحوض بس لاتنزلين
سحر ضحكت وقالت أبشر ياسعدي وهناي بركب قدام بجنبك ولا تزعل كم عندي سلمان
من الفرحه قام يفرك إيدينه مو مصدق والضحكه تشق وجهه شق
قبل ياصلون الفندق
سلمان يقرب يده من يد سحر ويقول لها آخيرا ياحلم عمري تحقق الحلم
سحر : أقول إنتبه للطريق
سلمان : أبشري بمشي 200 بوصل بسرعه مو قادر اتحمل ودي نجتمع أنا وإنتي ببيت واحد
سحر بابتسامه : راح تشبع وتمل من وجهي لا تخاف ولا تستعجل
سلمان : أفآآآآآآآآآآآآ والله ماامل من شوفك العمر كله كم عندي سحر انا
سحر : طيب نشوف
الإشارة صارت خضرا سلمان مستعجل ماصدق فتحت يبي يوصل ملهوف
إلا سيارة مسررررررررررررررعه:( ..؟
وتصدم سيارتهم :::!!!!
يالله
حادث شششششششششششششنيع :eek:
ماتت سحر ومات سلمان وكل واحد فيهم ماسك إيد الثاني وتبخرت احلامهم وآمالهم
ومات حبهم الشريف الطاهر وإندفن معاهم
أم خالد :
سلماآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآن
قوم الساعه 10 رآآآآآآآآآآآآآآآآآآآآآآآآآآآآح عليك الإختباآآآآآآآآآآآآآآآآآآآآآآر :||angr|:
كان الأخ يحلم واللي شافه كابوسسسسسسسسسسسسس:D
دمتم حبايبي وسوري عالتأخير أتمنى تنال إعجابكم ولو إني ترددت كثير في طرحها :D
بقلم :
سلطان القطيبان
رد: من أواسط مجتمعنا خرجوا ولم يعودوا (القصه كاملة )
سلمت ياسلطان القلوب
لي عوده بأذن الله
دامت لياليك
رد: من أواسط مجتمعنا خرجوا ولم يعودوا (القصه كاملة )
يعطيك العافية أخوي سلطان
قصة مؤثره وبنفس الوقت طريفة
لكن عندي ملاحظة بسيطة أتمنى تتقبلها
الطريقة التي ختمت فيها القصة
طريقة استخدمت كثيراً في كتابة القصص واستخدمت كثيراً في قصص
بنفس المضمون
والاحداث التي ذكرت قد تكون واقعية ولكن بمفهوم الغير واقعيـة ...
أتمنى تتقبل ملاحظتي بصدر رحــب
كذلك عنوان القصة قد لايكون ملائم وابحث عن عنوان حماسي يحفز لقراءة القصة
ولاتقف استمر في ذلك بتطوير اسلوبك في كتابة القصص ( وركز على الواقعية أكثـر )
لك كل التقدير
رد: من أواسط مجتمعنا خرجوا ولم يعودوا (القصه كاملة )
سلمت يداك اخي سلطان تمتلك خيال كبير وهذه من اهم ركائز القصه الناجحه قصتك تقريباً من الكلاسيكيات الخليجيه المتعارف عليها احلام الشباب وامنياتهم وانت فعلت في النهايه كما يفعل المخرج في افلامه لابد ان تكون النهايه (اكشن) ومن ثم سعيده وحتى لايأخذ على قصتك ببعض التجاوزات جعلتها في صيغة حلم وهذا ذكاء منك اذا كانت الموهبه موجوده صقلها سهل بالقراءه والاطلاع الجزء الثاني من القصه كان افضل الجزء الاول كان لابد ان تعرف بالاشخاص من خلال حبكة القصه لا بتعريفهم فردا فردا لكن القصه بمجملها جميلة وبدايه موفقه لك وان شاء الله نشوف لك قصص قادمه
رد: من أواسط مجتمعنا خرجوا ولم يعودوا (القصه كاملة )
يا حبك للأكشن
بدايه موفقه
تقبل مروري
رد: من أواسط مجتمعنا خرجوا ولم يعودوا (القصه كاملة )
روووووووووووووووووووعه ياسلطااااااااااان
بس انحولت بين سمر وسحر :||angr|:
ولكن نعطيك حقك بان القصه رائعه وبدايات موفقه
ويااخي لا تتردد في الكتابة ونحن ننتظر جديدك
تقبل مروري
