شفني .. على كثر ما فيني .. من الحسره!!
شفني .. على كثر ما فيني .. من الحسره
اخفيت عنهم .. حزن .. مستوطن .. بذاتي
ودي أكون بنظرهم .. شخص .. يا كبره
لا يمكن اصغر .. بمن يصطاد .. زلاتي
والله .. لو انك .. نظرت .. بداخلي .. تكره
انك تعيش بحياتك .. ساعه .. اسواتي
يا زارع الطيب .. لو ما جادت البذره
يكفي زرعنا .. ولانبحث .. عن الآتي
لو انطبق .. رمش عيني .. طاحت العبره
رغم اني اضحك .. واصارع حر .. مأساتي
يا سادتي .. من قسم .. خبزه .. وله .. كسره
ما ظني الجوع .. يشفع .. لا نكساراتي
يرميهم الوقت .. ويطيحون .. بالحفره
سيور الايام .. تكشف .. كل مافاتي
يا مثقل الحزن .. في قلبي .. ومحتكره
قلطته الصدر .. واسرف .. في حكاياتي
آمنت .. بان الشجاعه .. تغلب الكثره
يومن .. ملت عينهم .. من عين .. رغباتي
لا بد .. بعد العسر .. يا صاحبي .. يسره
اصبر عسى تنفرج .. وتعود .. فرحاتي
ياما عطيته .. ولاني .. مرتجي .. شكره
يومن .. نجومه .. تبعثر .. في سماواتي
والله .. بعيني ولا يسوى .. ولا شعره
اصغر من اني .. أفكر فيه .. وآحاتي
العيش والملح .. هن .. نبراس .. للعشره
ومن قدم السبت .. يحصد ورد .. بالآتي
طعم الغبينه .. سواة الموت .. له سكره
حي(ن) مع الناس .. لكن ... ضمن الامواتي
ياليل .. تحسدني الضحكه ... ومن كثره!
والا انت تدري الفرح .. ما عانق اشفاتي
ما كل ضحكه .. تكون النفس .. مسترّه
لا والذي .. أنزل القرآن .. بآياتي
كنت ارسم الحلم .. ثم امحيه .. من بكره
وارجع واعيده .. ولا تصدق .. رسوماتي
شبيت الايام .. أرجي .. طلعة القمره
ما فاد .. قدح الليالي.. عتم .. لوعاتي
ما كل لحيه .. انبتت .. ياصاح .. با لبشره
بعض اللحى .. نبتها .. زينه وموضاتي
مدري تذاكيت .. والا .. خانت القدره
والا افرز الوقت .. ياخلي .. حماقاتي!!
ما عاد به صاحبن .. نشفق .. على ذكره
إلا حبيبن .. ذخرته .. وقت حاجاتي
وين انت .. طال الغياب .. وحالتي عسره
تعال .. لملم شتاتي .. واحضن آهاتي
من بعدك الوقت .. صبحه .. ملّ .. من عصره
حتى غرور الورق .. ما حنّ .. لابياتي
القلب بعدك .. كسيرن .. وانت له جبره
اجبر .. عزى خاطرن .. ناداك .. بسكاتي
من بعدك .. الصبر .. مل الصبر .. من صبره
تاهت خطايه .. وريح الهم .. بي عاتي
مصايب الناس .. لامرت .. خذ العبره
يمكن تخفف .. على ماقيل .. وناتي
يجوز خيره .. ولو يا خافقي .. تكره
لابد .. يومن .. يلملم .. باقي اشتاتي
لو خان وقته .. وجا مشتاق .. وش عذره؟
اقبح .. من الذنب .. عذرن .. لا عتباراتي
والحين .. والله .. تخنق .. نفسي العبره
ذاتي كشف .. كل حسره .. في وسط .. ذاتي
رد: شفني .. على كثر ما فيني .. من الحسره!!
اخترتي فأبدعتي
انتقااء فريد من نوعه
فعلا قصيده جزله في نهاية المطاف تحكي مشاعر انسانه ..كلها اهــات .الخ
جازتلي ..~
دمتي وادمت ايامك بصحه وعافيه
كنت هنا متأملا
سفير حريمل
رد: شفني .. على كثر ما فيني .. من الحسره!!
اقتباس:
المشاركة الأصلية كتبت بواسطة سفير حريمل
اخترتي فأبدعتي
انتقااء فريد من نوعه
فعلا قصيده جزله في نهاية المطاف تحكي مشاعر انسانه ..كلها اهــات .الخ
جازتلي ..~
دمتي وادمت ايامك بصحه وعافيه
كنت هنا متأملا
سفير حريمل
سفير حريمل اشكر مرووورك
رد: شفني .. على كثر ما فيني .. من الحسره!!
إنتـقــآء وذآآآآئقـه مرصعـه بآلأبدآع ..!
رآآآئعه جـدآ والأروع ذآئقتكم ..!
بآلتوفيق أختي خيآلـه وللأمـآم ..!
تقبل تـوآضع تـوآجـدي وقبل ذلك
تقبل بآقآت الأحترآم لشخصك العـزيز ..!:|for you|:
رد: شفني .. على كثر ما فيني .. من الحسره!!
اقتباس:
المشاركة الأصلية كتبت بواسطة عبداللطيف محمد الحمراني
إنتـقــآء وذآآآآئقـه مرصعـه بآلأبدآع ..!
رآآآئعه جـدآ والأروع ذآئقتكم ..!
بآلتوفيق أختي خيآلـه وللأمـآم ..!
تقبل تـوآضع تـوآجـدي وقبل ذلك
تقبل بآقآت الأحترآم لشخصك العـزيز ..!:|for you|:
ابو ميعاد الأروع مرووورك ابو ميعاد
طابت أوقاتك
رد: شفني .. على كثر ما فيني .. من الحسره!!
ودي أكون بنظرهم .. شخص .. يا كبره
لا يمكن اصغر .. بمن يصطاد .. زلاتي
ابيات في قمة الروعه
تدل على ذوقك الراقي
صح لسان الشاعر
وسلم الله ذوقك
تقبلي مروري
