المجلس اللي مايقدرك راعيه ** خلك عزيز النفس مالك وماله

قصيده جميله اعجبتني فـ
نقلتها لكم

المجلس اللي مايقدرك راعيه ** خلك عزيز النفس مالك وماله

لاصار ماحطت لجنبك مراكيه ** تلقى من خيار المجالس بداله

مغنيك ربك عن قهوته وشاهيه ** دام المعزب مايسرك قباله

دور على مجلس(ن) لاجيت ناصيه ** حصلت خمسه من شروط الرجاله

تقدير في قلبه وترحيب يبديه ** عقل(ن) وادب ومبهراتن دلاه

مجلس رجال العرف كل الفخر فيه ** عنه الرخوم يقدمون استقاله

بعض المجالس محكم العقل توذيه ** يلقى بها شخص(ن) كثير(ن)جداله

يفضح لسانه مايكنه بخافيه ** زود(ن) على جهله سريع انفعاله

في رايه ان العلم عنده وحاويه ** لوكان غرق في محيط الجهاله

وفي رايه ان الناس لازم تباريه ** ولوفيه فرصه كان كبه ضلاله

شخصاً بليا دين لاتعتزي فيه ** واسمع كلام مجرب الوقت قاله

كتاب حالات الرياجيل قاريه ** وحصل بها اكثر من ثلاثين حاله

وصور بعضها ماتطرق لباقيه ** ولو يشرح الحالات طول مجاله

صح لسان شاعرها
وسلم الله يدينك
ابيات روعه في روعة اختيارك

اقتباس:

---

المشاركة الأصلية كتبت بواسطة انوثه مبعثره

صح لسان شاعرها

وسلم الله يدينك

ابيات روعه في روعة اختيارك

---

الروعه منك وفيك

الله لايحرمنا من تواجدك بين اسطر صفحاتي
لك خالص الشكر على الاطلاله النيره
دمتي

ابو مهجع

شكرا لك على حسن الاختيار والنقل لهذه القصيدة الرائع

أرق وأعذب التحايا والاهداء

, , , , ,

اقتباس:

---

المشاركة الأصلية كتبت بواسطة عادل الهرفي

ابو مهجع

شكرا لك على حسن الاختيار والنقل لهذه القصيدة الرائع

أرق وأعذب التحايا والاهداء

, , , , ,

---

يالله ان تحييك يابو زعل
عزالله اني سعيد بمرورك النير
الروعه منبعك يالغلا

لك خالص الشكر والعرفان اخوي عادل
دمت بكل ود

تسلم يمينك
وصح لسان الشاعر
عزالله قصيده وافيه مثل ناقلها
اخوك توفيق مر من هنا