فرقـــــــــــا عمــــــر

ياورد تذكر من على كفها تلين
ان مرتك تروي ضماك السواقي
تذكر هذيك اللي لها عروق قلبين
اللي دفاها مرتبط بحتراقي
اللي تجي قبل اسأل اطيوفها وين
دايم تحاتي لوعتي واشتياقي
البارحه في صمت غابت عن العين
راحت وخلت جرح الايام باقي
فارقتها فرقا ماهي بس يومين
فرقا عمر ماعاد فيها تلاقي
ماني بشايل همها الا بثنتين
الكل منهن مر يالله تاقي
خايف على فرقاي ماتصبر سنين
والخوف الاكبر كان عادي افراقي
هقيت بأيام العمر خير بعدين
اكذب عليك ان قلت ماكنت هاقي
في درب جاني منين او جيته منين
مشيت لكنه ثنا البعد ساقي
ماعاد انا فاهم ولاشي هالحين
بس فاهم اني للمتاهات راقي
راقي لا والله نازل وخاطري شين
الله يهدي روعتي واختناقي
لو نفترض القا مثل زينها زين
بنت اتحدا في سهرها اعناقي
المشكله القا مثل قلبها وين
صدقني راح اموت ماني بلاقي


ثامر شبيب

جميل هذا الطرح الاروع و قصيده تروي الذائقه وايضاً رائعه من روائع الشاعر ثامر البلوي


خياله بلي لك الشكر على اتحافنا بها

صح لسان الشاعر
والف شكر على حسن الأختيار
الف شكر خيااااااااااااااله

خياله مشكووورة على هذا الطرح الرائع
...

صح لسان الشاعر
شكرا لك على الاختيار

خيالة بلي
صح لسانك قصيده رائعه سلمت يمينك0