غن التهاني ياهجوس التماثيل

غن التهاني ياهجوس التماثيل
غن التهاني في وصول المليكي
نهني عياله ورؤس الرجاجيل
حكامنا عيال عبدالعزيزي
ونهني الأوطان والشعب بالحيل
بوصول ابونا بالتهاني نزيدي
نرفع بها الاصوات بالصبح والليل
والحمد للي فاعلن مايريدي
الي رده على ارض الوطن عقب ماقيل
عبدالله في الخارج وعلاجه مديدي
والشعب يذرق ساخن الدمع ويسيل
من موق عين العودهو والوليدي
والطفله الي ترضع تسمع تحاليل
وتهل عبرات الغلا من بعيدي
واليوم فرحه بدل الحزن تبديل
صار المواطن بالبشاره سعيدي
سعادة تدخل في الجسم وتسيل
تجري مجارالدم وسط الوريدي
فرحة شعوب المملكه شيء يهيل
ياسيدي وصولك اليوم عيدي
عيد وسعاده ماتجي بالتفاصيل
ماتنوصف والله علينا شهيدي
ويستاهل الفرحه حلحيل الحلاحيل
سبع السباع الي برايه سديدي
تكحلي يم العيون المضاليل
ورمي زهور الورد وغني نشيدي
هاتو بخور العود ومبهر الهيل
اليوم فرحه قادمه من جديدي
فرحة غلا يامقدمين المعاميل
من خاطر مسلم وفيها يريدي
يهني الحكام والشعب لو قيل
مايكفي التعبير لو انه يزيدي
وختامها صلاتن عد وبل الهماليل
على الرسول اقولها ثم اعيدي