سحـــب الآمال
يـا طـلايـع سـحـب الآمـال رشـيـنا رشـاش ...
وافـَـزَّعِـي سـود الليالـي وسـود اعـمالها
الله أكـبر يـا عرب مـا عـرفـنـا غـيـر طاش ...
وجـدتي بالـقــدس تـبكي فــرقا عــيالها
مـثـلـمـا أصـبحـنـا نـبـيـت ولا فـيها انـتعاش ...
مـا تـطيـر طـيـورهـا ولا تـحط احمالها
نـاس تــذبـح بالـذبـايـح ونـاس ٍفـي نـــقــاش ...
ودلـة البـغـداد طـمع الـحدج فــنـجـالهـا
والـيـتـامـى دمـعـهـم يـمـزج الـدم الـبـلاش ...
والثــكالـى تـنـدب الـحــظ وش يبـقالـها
والـسقوف اتـطِِيح والغرس يـُقلّع في طشاش ...
والأخـوة قــطْعـت مـن دقـيـق اوصالها
والحجر بـيدين طـفل العـشـر سـوّا ارتباش ...
في دروع ٍتــسحق الأرض في تجوالها
ثـم نـبـدأ مـن جـــديـد ونـتـنـاقــش برتعـاش ...
بـجـلسـةٍ مــعروف رقـّاصـهـا ومـوّالها
والـْبِنـَادم طبعه الصمت والصمت الـخَـفاش ...
والجوارح حَلـّـقـت فـوق روس جـبالها
مُـشـكله بالراس طالت ومـنهـا الـراس داش ....
حالةٍ يـــشـكـَى لها وروسنا يـرثى لـهـا
والـسحايب تمـطر بغـيث ما يسـقي عـطاش ...
ليت ما تمطر وتصـحي بلاش اشـوالها
والـيـتـيـمـة والـمـعـوق بلا عـيـش ومـعاش ...
ولـقمة الـمصروف راع الوطن ما نالها
ومن حَكّم بوش المحامي على المخلوق باش ...
مـن قــديـم الـوقـت حـتى هـل هـلالـهـا
ياالله إنـّا في رِجا رحمتك عـن غـش غاش ...
تـنـصــر الأمـة ليّا تـوثــقــت بــحـبـالها
مـالنا غـــيـرك ســند بالـســلام والـهـِـواش ...
ودعـوة لك صادقة وخـــشـعـةٍ تبرا لها
والـجنايز تـنـدفـن والـحـناجر عـاش عـاش ...
والسـحايب تــْرتِكم والـمطر بــخـيالها
