عرض للطباعة
أن كاني أهمك أنا طيب وبخير
لكن جيت ورحت ضايق ومكســـور
من أول يسيرني الشوق واسير
واليوم حالت بيني وبينك أبحور
لاتعتذر ماعاد للعذر تبرير
وقتاً فضح كذبتك مجزي ومشكور
للوقت بعض أحيان حب وتقدير
اذا وقف صامد قدم هرجة الزور
::::
::
:
سلطان شكراً لك على هذا المتصفح الرائع
للجميع التحيه
محمد العثماني
/
\
/
يعنـي كــذا .. أدق .. وأدق .. وأدق ّ = وإنتــا .. ولاتهتم .. في .. إتصالي
مدري تغلا / وألا من كثرة .. النـق ّ = حـال البشـر مابين غالي .. وغالي
إن كنت [ متعمد ] .. أبلزمك .. بالحق ّ = وإن كان حسد الناس .. فالرب عالي
وإن كنت مشغول ٍ .. عليّه تَرفق ّ = ياخي تراك أشغلت .. قلبي .. وبالي
مشتقّ منه أنت وأنا / منك مشتق ّ = ( روحين ) نبقى بوجه .. سود الليالي
يعني إذ أنت تغيب عنيّ .. ترا .. آآآطق ّ = وعقب الحقيقه صرت .. ضمن الخيالي
أسعد السحيمي
ودي أذوب بداخل العطر .. وآآآذوب = في كل رشه يالغضي من يدينك
وترشني ريحة غرام ٍ على الثوب = وأصبح سجين ٍ بين ثوبك .. وبينك
ماتوب .. لو قال البشر ياولد توب = ومايلومني من شاف حسنك وزينك
وأنا من أول مانظرتك .. ويادوب = ألم شمل الشوق ..وأرجي حنينك
والله .. لولا الناس .. لاحطك بكوب = وأشرب .. وأنسآآآ وأسألك .. أنت وينك؟
بس الحيا .. عيّا على جرأتي .. نوب = وإليا سمح .. ضاعت بنظرات .. عينك!
أسعد السحيمي
اليوم العصر
رسائل الجوَّال
بيني وبين الشاعر والصديق / فايز بن جبيل الميهوبي
,
الرسائل المرسلة
ــ سلطان سعد/
دقـِّيت قالوا لي ترى الرقم مشغول
..................... قلت : العزا ياكسحتي باتصالي
/
عادي/ ولايطلع لي الرقم مقفول
...................يا اخوي كلِّمنا تراك انت غالي
,
صندوق الوارد
ــ فايز بن جبيل/
أنت بخيالي ماسك العرض والطول
...............لو طالت الغربة وضاق المجالي
/
مير انـِّي احيان اختشي ارسل (الكول)
.......... و(الكول) هاليومين هن راس مالي
,
الرسائل المرسلة
ـــ سلطان سعد/
خذها ولا جزء من النص مرسول
................حالي شقا من شين حالك وحالي
/
ضايق واغنِّي للفرج ( ليه ياااحول)
.............(من غير ليه) آقول: ( ياهمَّلالي)
/
عايش على رنة وقفلة ولا آقول:
...............غير الرجا باقي بتالَ الليالي
,
صندوق الوارد
ــ فايز بن جبيل/
ودّك نرد الريشة لطير زاجول
.............ونكتب رسايلنا على الجلد تالي
/
مدامها صفر* جزء من النص مفقود*
................(.........................)
...
إلى هنا إنتهى رصيدي ورصيد فايز من الرسائل
شكراً بطاقة سوا
.
سلطان البلوي
والنعم والله 0ابداع في غاية الروعه والجمال0وفقك الله لكل خير 0
وللمعلوميه انا استمتع بقرائة ابداعك يالنشمي
وتقبل تحياتي وتقديري
0 ودمت على هذا الشموخ 0
اقتباس:
المشاركة الأصلية كتبت بواسطة عيد بن قيضي الوابصي البلوي
سعيــــد جــدا بمرور معلـِّمي الفاضل / عيـد بن قييضي
حيـَّاك الله وبيــَّاك
الشعر بـإطراءاتك ولإطراءاتك الشعر
أطمح لـمتابعـة أمثالك يا أبـو عبـدالكريم
..