صورة الحرمان

آه الآلم في ثنايا الذاكره صاحي*** بالذاكره(( صورة الحرمان )) ماراحت

*

*ليس الحرمان ألا نحصل

على الاشياء التي نريدها..

الحرمان هو

ان نفقد الاشياء التي حصلنا عليها*

6/7/1430 الرياض

*((والله المعين والمستعان))*

شرحت لك رحلة الحرمان واجراحي
باليأس ريّح مشاعـر بالغـلا ناحـت
الود لو كـان ودي عشـت مرتاحـي
معك معـك لكـن الأقـدار ماتاحـت
عذري معي قلت لك مذبوحة افراحـي
من خارطة عمري أيام السعد طاحـت

26/7/1430
*(والله المستعان)*
______________

موكب الحرمان

موكب الحرمان

موكب الحرمان

**((صوت ..وصدى))**


*

*

*




*((الصوت))*



يقـول اللـي زمانـه ماصفالـه
و..لا.. دامت لياليـه السعيـده
دقيقه واحده مـا ارتـاح بالـه
يصرف ذيك .. وتشرف جديـده
خسر سلواه .. والحرمان نالـه
تصاريف الزمن .. ماعاد بيـده
من أيـام السعـاده .. مابقالـه
سوى ذكرى .. تضره .. ماتفيده
تعيده للوراء .. وقـتٍ مضالـه
ليالي غيرها.. ماجـت حميـده
وعزي للذي .. مثلـي جرالـه
همومٍ من زمانه .. هي : رصيده
رحل به (موكب الحرمان ) شاله
إلى ساحة غرابيـلٍ .. عديـده
نصيبه .. للمآسي .. قد .. نواله
يخلي حالتـه .. حالـه زهيـده
وهذي .. حالة الدنيا .. وحالـه
يصورها .. من الواقع قصيـده



* حماد ابو شامه

*

*

*

**((الصدى))**

ولا حماد محرومٍ لحاله





عسى مابـاس .. ياقلـبٍ شكالـه
همـومٍ بالشقـى .. دايـم تعيـده
نفى درب السعاده .. عن مجالـه
وصار الهم يوقـد .. بـه وقيـده
ما ألوم اللـي حميـداتٍ خصالـه
تنكـد مـن شقـى دنيـا عنيـده
وأنا .. بي هم .. من زود احتماله
عسى درب السعد يجني حصيـده
ولا حـمـاد مـحـرومٍ لحـالـه
على غيره .. ترى الدنياء شديـده
أقول .. الصبر .. مانبغـى بدالـه
أمر به ربنـا .. ضمـن العقيـده
وكم .. همٍ عزيز الشان .. شالـه
مجيبٍ يستمـع .. دعـوة عبيـده
يعين .. اللـي إلا ضاقـت بحالـه
لو .. إن الكرب .. في داخل وريده
أختم .. القيل وأهديـك الرسالـه
جواباً .. للذي .. شعـره نريـده
وتحياتي عدد .. ماأمطـر خيالـه
وعدد .. حرفٍ طبع فوق الجريده



* الشاعر : الكثير