الله يرد اولادك لك رد حسن
ويقر عينك بشوفتهم
عرض للطباعة
الله يرد اولادك لك رد حسن
ويقر عينك بشوفتهم
كان الله في عونك اخت مضاوي ورد لك اولادك
منه الشيخ الي عنده القضيه ممكن تجاوبين بس
راشدبن محمد
دعواتكم
سعودي اصل
دعوتكم ويعطيكم العافيه
المهاوي
أخوي صدقني ماراح يفيدك بشي
بشير العصباني
كيف أتوصلك أخوي
سااااعدوني ياطاقم المنتدى
الاخت مضاوي ارجو التواصل عبر الرسائل الخاصة
بسم الله الرحمن الرحيم
لقد قرأت موضوع الأخت مضاوي واسأل الله عز وجل أن يلهمها الصبر وأن يجمعها بأبنائها عاجلا ليس آجلا.
وأيضا قرأت جميع الردود والحمد لله أن من أبناء القبيلة من له تخصص في هذا المجال وأعني بذلك المحامي الكاتب بشير العصباني والذي رد ردا عقلانيا ومليئاً بالحلول المنطقية ويبدو من كلام الأخت مضاوي أن قضيتها في تبوك وأنا أعلم أنا الأخ بشير مكان عمله في المدينة المنورة ولو كان في تبوك فلن يتأخر عن متابعة القضية ومباشرتها شخصياً هذا شيء أعرفه تماماً وأقول هذا ليس مجاملة وإنما عن معرفة تامة بالاخ بشير.
وآمل من الأخوان في إدارة المنتدى كما قال الأخ الجريح في رده أن ينسقوا مع الأخت مضاوي والمحامي الاخ بشير لإعطاء الأخت مضاوي الحلول والإستشارة القانونية اللازمة وليس بغريب من أخواننا في المنتدى مساعدة القاصي والداني وإيجاد الحلول السريعة وتحياتي للجميع.
وكل عام وأنتم بخير،،،
الأخت مضاوي
إذا لديك شيء ترغبي في إيصاله للأستاذ بشير العصباني
أو الأستاذ طلال الهريم
لطفاً كتابة موضوع مستقل في هذا القسم
http://www.bluwe.com/bluwe/forumdisplay.php?f=26
و سوف تقوم الإدارة بإيصاله لهما مع خالص الشكر للأخوة الأفاضل جميعاً .
نسأل الله أن يفك كربك .
.
مضاوي عليك توكيل شخص يقوم بالمطالبه بدل منك
واذ تبغين واسطه ابشري
واسطه بكل مكان
بس عن طريق رجل هو يكلمني
ولاحول ولا قوه الا بالله
الاخت مضاوي انا ماني متفلسف لكن انا جاهز بالفزعه بس قولي وش تبين وابشري بسعدك
فرج الله همك الأخت مضاوي
أنا سأتصل بأحد أصحابي قاضي وأنقل له مشكلتك وأعرف منه الحلول والإجراءات المتبعة في مثل هذه القضية وإن حصلت فرصة سألت المشايخ عندنا في كلية الشريعة في أقرب وقت
أخوي طلال الهريم
أحاول أرسل مايجي الظاهرمافيه مشاركات كافيه
تسمحلي أرسل فيه طريقه ثانيه
عبدالله عواد البلوي
فعلا أخوي عبدالله ماقصرأخوي بشيرالعصباني
ورد ردا عقلانيا ومنطقي وأنا منتخيت فيكم الا أدري انكم رجالها
موسى بن ربيع البلوي
يعطيك العافيه وماقصرت أخوي
جرووووح السنين
الله يخليك أخوي وادري انك قدها
ومانستغني
التليفه
وماتقصرون انتم اهلها
أنا همي الوحيد كيف أجيب عيالي الان
لانه موضوعي جاري بالمحكمه وراح يطول
محمد مطلق المعقلي
ياريت أخوي محمدتسالهم لي أنه ابي الانصاف من ناحية كيف يخلون الاولاد
عند أبوهم وهم صغار الان بحضانتي بس مايبي يطلقني عارف اذاطلقني باخذهم
عشان كذا مايبي يطلق يبيهم عنده اش اسوي للقضاه محد يفتهم
بسم الله الرحمن الرحيم ’
والحمد لله والصلاة والسلام على سيدنا محمد وعلى اله وصحبه اجمعين ’
اخت مضاوي اول شي ما أقول الا الله يعينك على هل المصيبه ’’ وما يفرجها الا الله سبحانه وتعالى ,
ثاني شي ’ سمعنا من القصص التى لو سمعتيها لكانت مصيبتك تهون عندها ’’ انا لا اصغر منها وهي مصيبتك
والله يعينك ’ ونحن معك في ماتقولين ’ وانتي اختنا همك هو همنا ومشكلتك هي مشكلتنا ’’
من وجهت نظري / عليك اولا بالصبر والحسبان ’’ فلكل شي نهايه ,, على حد ماقرات من مشكلتكي ’
ما السبب من هذه المشكله بالاساس ’’,, فمهما كان هو زوجكي ’’ با النهايه ’’ ولكي منه اولاد
هم الضحيه ’’ بالاخير ’ اختي مضاوي ’ راجعي نفسك شوي ’’ حاولي مع زوجك ’’ لابد من وجود حل
توجد هناك ذكريات دائما لاتنسى بين الطرفين ’’ وايام مضت ولا اروع ’ ولاتنسى ايضا ,
لاننكر ان هناك مشاكل ’ والحمد لله ’’ مع المناقشه الطيبه ’’ يوجد تفاهم بالاخير ’’
وترجع المياه الى مجاريها ’ مشكلتنا انا لازم رايي اوراي الاخر هو الصح ’’
لابد من وجود خطا وليس مشكله اذا اعترف فيها الانسان ’ سواء الرجل او المرائه ’
وزي مايقولوا المشاكل ملح الحياه ’’ الحمد لله ان الله اعطنا العقل ان نفكر فيه ’’ والحمد لله اننا في بلد يحكم في الشريعه الاسلاميه ’اختي مضاوي’’ انا لا اصغر من مشكلتكي ’’ والله يعينك عليها فانتي ام , وهذا زوجك وهائولاء ابنائكم , انا اقول راجعي نفسك ,, فانتي من يحل هذه المشكله ’’ بالتفاهم , وانتي ادرا منا ’’
(ارجوا من الله العلي القدير ان يجمعكم بالنهايه انتي وزوجك وابنائك ,,)
الحل بالاخير عندك وليس عند اي احد ,,,, بالتفاهم اختي مضاوي ’’’’ والكلمه الطيبه ,,
والله وحده اعلم وصلى الله على سيدنا محمد وعلى اله وصحبه اجمعين ’’
فايز المنصور
يعطيك العافيه صح كلامك ماقلت شي ولكل شي نهايه
وفعلا الواحد لما يشوف مصيبة غيره تهون عليه مصيبته
لكن كيف أتفاهم معه ومع اهله وهم في الاصل مو راضين
يسمعوني حاولت رافضين اهله تماما وزوجي للاسف بدون شخصيه
في هذي الحاله وش أسوي
الشكر لجميع المتعاطفين مع الأخت مضاوي وإبداء تعاونهم معها 0 وماهي غريبة عليهم أهل الفزعات0اقتباس:
المشاركة الأصلية كتبت بواسطة عبدالله عواد البلوي
الأخت مضاوي
قومي بتقديم طلب تعجيل البت في القضية لفضيلة رئيس محاكم تبوك الشيخ الحميد واشرحي له القضية كاملة واذكري تاريخ التقدم للمحكمة التي فيها القضية وأخبريه عن تهرب زوجك من الحضور والمثول أمام القاضي واطلبي التعجيل في ذلك وهو لن يقصر في فعل الخير
أما عن تأخير القاضي للحكم في الطلاق فهذا من باب أنه لعلكما تراجعا أنفسكما فتعود المياه لمجاريها لأن قضايا الطلاق ينبغي التريث فيها وكلما طالت المدة يراجع كل من الزوجين نفسه لعل الله أن يصلح بينهما هذا هو سبب تأخر القاضي في الحكم في الطلاق
هذا الكلام مضمون مادار بيني وبين أحد الإخوان قاضي
الطارش
أنا انتظر كيف يوصلوني للاخ بشير
محمد مطلق المعقلي
مشكووووور أخوي محمد جزيل الشكر
وماقصرت يعني أرفع خطاب لرئيس المحاكم
السلام عليكم ورحمة الله وبركاته
اتمنى من الاخوه انهم ما يتعاطفون مع المرأه بزياده ويسوون لي فيها مصلحين وهم ما تم التحرير تم التحرير تم التحرير تم التحرير تم التحرير الى تم التحرير **********.
وانا رأي للاخت انها اولا تلجاء الى الله بالدعاء فالله سبحانه بيده الامر كله وبيده قلوب الخلق فهو قادر على تغييرها وتليينها وعليها ان تكثر من الصدقه والدعاء وقيام الليل ومناجات ربها وان علم الله منها صدق واخلاص راح يفرج همها فالله سبحانه وتعالى قادر ان يحيي العظام وهي رميم فعلينا
اخوتي بالله ان نلجاء الى الله بصدق واخلاص وتذلل وان علم الله منا صدق راح ييسرلنا امورنا
واريد ان اخبركم بموقف حصل لي وانا في الجامعه فقد كان بعض زملائي يترجون الدكاتره ويلزقون بأبوابهم لكي يسااعدونهم وينجحونهم وانا ولله الحمد وبتوفيق من الله وحده لجأت الى من خلق الدكاتره
من ماء مهين ووالله من فضل الله نجحت لاني التجئت الى الله ومن ذهب الى الدكاتره رسب
فهذه عقيده قال تعالى
((وما قدرو الله حق قدره والارض جميعا قبضته والسموات مطويات بيمينه )) واوصي الاخت بعد ذلك
أن تتصل بشيخ فاضل معروف او تجعل احد من اقاربها يتصل به لكي يساعدها في قضيتها .
واما لمن يقول انني امدح بعض الناس فأنا لم امدح الى من يستحق المدح في نظري فألاخ ابو احمد الهرفي قد اعجبني في رده العقلاني اللذي كنت اريد ان اتطرق اليه وقد سبقني عليه وهو على العموم رغم انني لا اعرفه الا انه يستحق المدح والتقدير وعلى قولتهم مايقدر الرجال الا الرجال
نرجو عدم التقليل والسخريه من الغير يا أخي الكريم فأنت تجهل من هم وحكمت بدون دليلاقتباس:
المشاركة الأصلية كتبت بواسطة الشبابي
الله يعينكـ ويرفع مابكـ من بلاء
إلجئي الى ربكـ فلن يترككـ ابداً وأكثري من الاستغفار والدعاء
زوجكـ لا يعلم أن الدنيا دوارة .. وان الله يمهل ولا يهمل ..
حسبي الله ونعم الوكيل
حسبي الله ونعم الوكيل
لاحول ولا قوة إلا بالله العلي العظيم
الله يكون في عونك ويفرج همك يارب
عليك بالدعاء والاستغفار
أختي داومي عالإستغفار
يومياً صباح ومساء
أسال الله العلي القدير أن ييسرلكِ أمركِ
ويفرج همكِ
.
أختكِ / بنت الديرة
الشبابي
انا عارفه لمن التجئ بالدعاء ولاستغفار والطلب
ومافيها شي يوم اطلب مشورة احد
وماخاب من أستخار الخالق وشاور المخلوقين
واحنا هنا بالمنتدى عشان نفيد ونستفيد
لكن صحيح ماتحرق النار الارجل واطيها
الفوز
يعطيك العافيه لافض فوك
شموخ بلي
يعطيك العافيه ويعلم الله اني اصلي وادعي
وما اقول الا اللهم أفرغ عليها صبرا
بلويه
يعطيك العافيه حبيبتي ودعواتك
بنت الديره
دعواتك
اخت مضاوي
الي اعرفه بخصوص المحكمه في حالة عدم حضور المدعى عليه ان لم يحضر بعد ثلاثة جلسات يطلب بالخفاره المشدده وانتي تقولين ان لك تسعة شهور لم يحضر الى الجلسه وفي الشرع والكل يعرف
انا لك الحق ان تري اولادك بالطلاق وبدون الطلاق فهذا حق من حقوقك يحكم بها القاضي بجلسه واحده حضر المدعى عليه او لم يحضر ويلزمه بمصاريفك كامله من تاريخ خروجك من منزله لانك تقولي انه هو الذي اخرجك من بيت الزوجيه ليس انتي من طلب هذا فلا تتسرعي وتحكمي على نفسك وتحكمي على غيرك اذهبي الى الشيخ عبدالعزيز الحميد رئيس محاكم تبوك فانا اعرفه لا يقبل
الظلم وهو يساعد كل صاحب قضيه بشرط ان يكون مظلوم ليس ضالم وبعدها اتمنا ان تكتبي هنا بعد ما تقومي بالذهاب الى رئيس المحاكم فانا واثق كل الثقه بان لا يستطيع احد يتفهم قضيتك سواء فضيلة الشيخ عبدالعزيز الحميد وهو لم يتخلا عن احد دخل عليه وطلب منه حل قضيته اتمنا ان اسمع اخبار حلوه والله يكون بالعون
اقتباس:
المشاركة الأصلية كتبت بواسطة عبدالله مسعد المشيعلي
كلام صحيح وقد أخبرني أحد القضاة عندما عرضت عليه القضية بنفس هذا الكلام
عبدالله المشيعلي
لو ادخل على رئيس المحاكم اشوفهم زين ولا يهمكم ان شاء
بعد ماأدخل عليه راح كتب كل شي صارمعي وأنا حاسه انكم متهممين من همي
محمد المعيقلي
أشكرك أخوي محمد انت بعدجزيل الشكر
ويعلم الله اني لما ادخل المنتدى وأحصل مشوره أودعوه
ينشرح صدري والله يسعدويوفق لكل من رد عليه ودعالي سواء بالمنتدى
او في ظهر الغيب
اقتباس:
المشاركة الأصلية كتبت بواسطة مضاوي
اختي مضاوي اذا ذهبتي الى المحكمه اكتبي لك معروض تشرحي كامل القضيه وبالتفصيل عن ما حصل بينك وبين زوجك وكل الاشياء التي حصلت لك من الزوج ووالد الزوج وظروفك بين اهلك ولا تنسي قابلي فضيلة الرئيس بنفسك وقدمي له المعروض
بنفسك وقولي له انا عند الله ثم عندك بان تاخذلي حقي بحضانة اولادي وحقوقي المهضومه من زوجي وان شاء الله ستجدي الجواب الشافي والحل الذي تبحثين عنه
والله الموفق
أخوي عبدالله ابي اسالك عن شي بس
عبر الرسائل الخاصه بس مو راضي
ينفتح معي ليش ماأدري
ياريت الاداره تفعل خدمة ارسال الرسائل الخاصه
أتمنى من الاداره تتيح لي خدمة ارسال الرسائل الخاصه
أتمنى من الاداره أن تتيح لي خدمة ارسال الرسائل الخاصه
انا ماعندي مشكله بالرسائل الخاصه وانا مستعد ان اخدمك اختي مضاوي اكيد لا يوجد لديكي اخاصية الرسائل الخاصه وذلك عدد مشاركاتك قليله ويتطلب عليكي المشاركه اكثر من مائه مشاركه وتعطي هذه الخاصيه مباشره ولكن راسلي المشرف العام موسى ربيع البلوي او القضاعي حقيقه هم دائم ودوم اصحاب الفعل الطيب اكيد يعطوكي اخاصية الرسائل مدام يعرفون انك تطلبين المساعده تحياتي للجميع
الاخت / مضاوي
نعتذر عن منحك خاصية الرسائل الخاصة .
بامكانك كتابة الرسالة التي تريدين هنا /
http://www.bluwe.com/bluwe/showthread.php?t=52319
و الادارة تنقلها للعضو الموجهة له ثم بعد ذلك ننقل لك إجابته على نفس الموضوع أعلاه .
هلا مضااااااااااااااوي نورتي المنتدى بتواجدك
بصراحه قريت الموضوع وكل الردود :dhul: :dhul:
الله يكووووووووون بعونك يارب ويرجع لك عيالك
(( الفتنه اشد من القتل ))
حركي مخك وسوي لك فتنه بأنك ترجعي له باللي يطلبه وكل أوامره منفذه ؟؟
تمسكني حتى تمكني
او حاولي انك تروحي بنفسك للعيالك وتشوفيهم :eek:
اللي مايستحي لا تستحي منه
مادام وصلت للمحاكم مابقى فيها ستر
شكله يحبك بس في وقت الغضب قال مابغاك بس انتي لاتصدقي الشيطان :rolleyes:
فكري.... وخاصه في عاطفة لامومه
وحاولي انتي تكلميه مهما كان لابد تتفاهمي معه
ذكريه بالله والموت اللي ينتظره والقبر والحساب
واذا زوجك متمرد مرررررررررررره
خلي احد من اخوانك يعطيه علقه حتى يشوف نجوووووووووووووم العصر:||angr|: :||angr|:
وماعليك غير الصبر والدعاء وكل ليله ادعي ان الله يحفظ لك اولادك من كل شر دعاء الوالدين مستجاب
صدقيني ماحد يحتاجك مثل اولادك
ابوك وامك واخوانك يحبوك نعم وتحبيهم بس مايحتاجوك كثر عيالك
اي فرصه تقربك من عيااااالك تمسكي فيها
وزواجه الثاني لاتفكري فيه :o مرد القرع لبياع الطواقي
تسلمي ياقلبي
اختك /// نوووووووووووره
عبدالله المشيعلي
ماتقصر يعطيك العافيه عارفه ماعندك خلاف بس الرسائل مو مفعله
موسى بن ربيع البلوي
من حقك أخوي وماقصرت
نوره بلي
هلا وغلا ومليون مرحبا
فيك بصراحه منتداكم جد جد رائع
والاروع وجودكم واهتمامك اللي توحي للمشترك
انه بين اخوانه وأخواته وفعلا يانورة بلي زوجي متمرد لابعد
الحدود ونفسي ياخذ عقله ويتربى له وللزمن ويعرف ان بنات الناس
مو لعبه ويحمد ربه على النعمه اللي كان عايش فيها
وجايبتله أثنين زي القمر يانورة بلي مو عشان اولادي
بس حلوين من جد00 ومساكين انكتب عليهم العنا
بس أبي دعواتك
اسأل الله العلي القدير أن يُفرج همكِ و يجمعكِ بأولادكِ عاجل غير آجل ..
ماسه
يعطيك العافيه وماقصرتي
الله يكمل بشوفتهم فرحت أحداقي
وتقر عيني بوصل اللي يهنيها
أختي وضاوي أسال الله الكريم أن يفرج كربتك عاجلا غير أجل
وهذا لايطلق عليه مسمى رجل ( من يستقوي على إمرأة ضعيفة وقت ضعفها وحاجتها إليه)
بعد الله مالك غير الإمارة والمحكمة
اللهم يامفرج الكروب أفرج كربتها وسخر لها زوجها فإنه لايعجزك ياأرحم الراحمين
اللهم كما رددت موسى لأمه فرد على أختي فلذات كبدها
اعرف مجموعه منهم يمكن اكلم لك ونعجل في القضيه
السلام عليكم ورحمة الله وبركاته
المهاوي ابي أتواصل بخصوص القضية
حسبي الله ونعم الوكيل
الله يفرجها عليك وييسر امرك ويجمعك باولادك