الشباب والقروض البنكية //وبطاقات المستر كارد ...!!

يعطيك العافيه اخوي عبدالرحمن


بالنسبه للقروض ...
اغلب الناس مجبورين عليه...
اما الفائده من القرض فتعود لتفكير الشخص ...
استثمار او زواج او بيت غير كذا خساره على قلة فايده
بالنسبه للسياره ماتحتاج قرض 20او30 تجيب لك سياره حلوه...

اما الربا في القروض...
اتوقع والله اعلم ان جميع البنوك بها نسبه من الربا>>>يعني ربا نسبه ولانسبتين:d




وبطاقات المستر كارد ::/

اتركها تعين خير


ودي واحترامي للجميع... الهوى الغايب

والله ان البنوك تنكره ولكن الانسان يضطر أحياناً

أما البطاقات الأئتمانيه
فهي دمااااار شامل للراتب والبركه

شكرا ابو داحم
raho

يعطيك العافيه
القروض البنكيه شراً لا بد منه عند البعض أو حسب الظروف
ولكن مشكلتنا الاساسيه عدم التخطيط السليم لحياتنا وفلوسنا تروح من اول 2 من الشهر ومن 12 تبداأ الشحاذه ولم تسترجع مصروفتك تلقاها في أشياء يمكن الاستغناء عنها
ولكن نحن شعب مانتوب وفوق كذا نتدين

اقتباس:

---

المشاركة الأصلية كتبت بواسطة سعود السحيمي

كيفك يا عبد الرحمن .

المشكله ان الشباب اول مايتوظف وهو حاط القرض بين العيون يعنى بيت النيه

يعنى لازم سياره جديده ياخي خذ لك سياره تمشى امورك عليها وادخل لك جمعية افضل من القرض .

---

هلابكـ يا سعود :)


والله صدقت الواحد ما يمده يتوظف الا هو خطط للي يبيه


وينسى ان هناكـ في اشياء اهم ..


وبخصوص الجمعيات انا معكـ افضل من بنكـ


واذا حصل هونيكـ جمعية خبروني :d



منور فديتكـ

بسم الله الرحمن الرحيم
اسعد الله مسائكم بكل خير
موضوع شيق حبيت اعلق عليه
بحكم اني موظف بنك يمكن يكون لي رأي مختلف
في البداية لو رجعنا للوراء عشر سنوات ماكان فيه اقراض عن طريق البنوك كان الشخص منا اذا احتاج سيوله ماله الا حل واحد فقط ( معارض السيارات ) وهناك تلقى ناس تذبحك من الوريد الناسالى الوريد يعني السياره قيمتها كاش 50000 تحسب عليك 85000 هذا مع الرحمه والمعرفه وكفيل غارم وكفيل حضوري ( الحاجه للناس صعبه ) بينما بعض البنوك ( انا قلت بعض البنوك ) تاخذ تمويلك وانت حاط رجل على رجل وياخذون على 50000 فائده 4000 يعني اجمالي 54000 وبدون كفالات واحراجات مع الناس ........
طبعا فرق كبير اما موضوع استفدت من القرض اما لا فهذا راجع للشخص نفسه انا اعرف ناس اخذو تمويل عقاري انحسب عليه 500000 والارض الان ماشاءالله تساوي مليون ريال
بالنسبة للبطاقات الائتمانيه بالنهايه ترجع لاستخدامك لها اذا سددت البنك خلال اربعين يوم ماتحسب عليك اي زياده انا استخدمها واعرف ناس يستخدموها ماشيه معهم تمام لكن فيه ناس فاتح السحوبات والمشتريات بحري اكيد راح يتعب بسدادها مع العلم انها اصبحت الان ضروريه والشخص اللي سافر برا وخصوصا دول اوربا يعرف معنى كلامي
ولكم تحياتي