الغالية نور
والله بحب فيكى صراحتك .....واحنا كده دخلنا فى موضوع تانى ولكن بعتبره أهم من الموضوع الرئيسى وهو الحديث عن عمروخالد
الحديث مهم لأننا بنتكلم عن انسان بيتكلم فى الشرع وبيسمعه ناس كتير
وإنتى بتعرضى علي إن أسمع له بعض شرائط ولم تلقى أى استنكار من الى كتبته على لسانه
يا حبيبتى القاعدة مهدومة من الأصل
هقولك مثال يقرب لك الذى أقصده فرضنا إن فيه مطعم للمأكولات الجاهزة أحيانا يقدم أكلات حلوة وأحيانا يقدم أكلات ضارة بالصحة هل هتروحى تشترى منه بالتأكيد لأ .... وانتى إيش ضمنك ما يمكن يقع عليكى ضرر .... هل هتنصحى حد يشترى منه ...ده من باب أولى تنصحى الناس بالإبتعاد عنه
لذلك فالدين أولى أن نتحرى من نتلقى عنه ... لأن من يتكلم فيه ويقول هذا حلال وهذا حرام بيتكلم عن الله عز وجل ...إذن المسألة مش تهريج
وخصوصا إنتى فى السعودية أدام الله عليكم النعم لو واحد قال حاجة غلط ببساطة سوف تعرفى الصح ..يا أختى إنتى عندك وزارة اسمها الدعوة والإرشاد
فى البلاد الأخرى تلقى دينك بيكون بجهود شخصية وانتى وقدرك
والله واحدة بتسأل عندنا قدمت للذهاب للعمرة بتقول هى مناسك العمرة فى مكة ولا المدينة
بالله عليكى شوفتى مدى الجهل الى ناس عايشة فيه
واإنسان بطبيعته بيحب السهل والدين يسر وربنا غفور رحيم ومن قال لا إله إلا الله دخل الجنة
برجاء عدم المجاملة على حساب الشرع ... وكثرة التابعيين ليس دليل على استقامة المنهج
يا عزيزتى عدد الى بيذهبوا للسيد البدوى للطواف حول قبره ضعف عدد الى بيذهبو لحج البيت الحرام وأنا يعلم الله بتكلم فى هذا الموضوع من باب النصيحة
وأنا بكرر أنا لم أكتب إلا كلام هو قاله عن لسانه
ومن أراد الزيادة برجاء تحميل كتاب نقد علمي منصف للداعية عمرو خالد ..
بعنوان (ماذا تنقمون من عمرو خالد !!)
على الرابط
http://www.almeshkat.com/books/open....t=18&book=2150
المؤلف الشيخ محمد الطرهوني
أقدم شكرى للجميع
:|for you|: أم حبيبة البريكى:|for you|:
