لحظه
7
7
7
هنا الابداع من ثقيل الوزن
يا حبيب القلب شفتك بعد مـا هـب الجفـا وإستاقـك
من سماي اقفيت ...متشوّق على غيري .. ولا هميتك
قلت يا ليتك جبرت بخاطري...وأخفيت سـر أعماقـك
لكن اللي راح ما يرجع وانا لو قلت لـك يـا ليتـك ..؟
للعتب ما باقي سطور ومساحـه فـي بيـاض أوراقـك
وأنت فوق الذنب ترفض تعتذر لي.. بس مـا عاديتـك
كيف ابا ازعل وانت بعدك ليلي اللي ما له إلا إشراقك..؟
ضيّع المشرق وتاه وتهـت مثلـه بعـدك وناديتـك..!
مالي إلا نور شمسك عن دجاك.. وظلّك عـن إحراقـك
وانت لو ما تستحق الحب كلـه والغـلا مـا اغليتـك..
وعني ان كانك ذخرت لغيري الحب وذخـرت أشواقـك
بسألك وش فيك ما فكرت تعطيني مثل مـا أعطيتـك..؟
لو تقارني مع اقـرب ناسـك وغالينـك وعشّاقـك...
ما تحصّل فيهم أي إنسان حبك.. كثر مـا حبيتـك...!
جيت لك وأنا ادري إني فالنهايـه مالـي إلا فراقـك..
بس من شوقي عليك ومن ودادي والمحبه جيتـك ...!
الزهاب أحلام .. والمشرب أخيلـه فـي سنـا براقـك
والضما والجوع فيني مـا يراعـوا ضرفـك وتوقيتـك
ادري ان الحب توّه ما لحـق عهـدك واخـذ ميثاقـك
وانت وافي بس من يستاهل..اخلاصك له وتضحيتك ..؟
يا ذهب يا ماس يا اغلى كنز .. كيف يحللك سراقـك..؟
وانت ما حليت لي وانـا بداخـل ناظـري حطيتـك...!
بس ابا اكسر حاجز الرهبه لو اللي شاقني مـا شاقـك
وابدي اللي مـن غـلاك بداخلـي كنيتـه وبديتـك ,,,
وانا احبك من نسبك ومن حلاك ومـن سمـو أخلاقـك
إن رضيت أقول هذي غايتي .. وان ما رضيت أرضيتك
ما يداوي قلبي المسمـوم مـن سمـه سـوا ترياقـك
وانت سممته وعاد أنت وضميرك .. بعد ما سميتـك ..
اما انا ضامي وراحل من ضما الصـد لـزلال إعناقـك
لو على أشباه المواعيد أتوكأ... لين مدخـل بيتـك ..!
لك تحيتي ومحبتي
سلطان القنيدي
