من المواقف اللي صارت لي كان علي يوم السبت بداية الفترة الاولى
رياضيات وقاعد طول الليل اجهز براشيم
والمشكلة اني ابرشم على ساقي ويدي وحتى شماغي ماسلم كله مبرشم
المهم يوم دخلت اقاعة الاختبار وانا فرحان واضحك قبل لايبدى الاختبار
على واحد من اصدقائي يتحداني اجيب اعلى منه درجة المهم يوم بدى
الاختبار
وراح نص الوقت استنى المدرسين اللي يدورون على القاعة يجلسون
على الكراسي علشان مايقفطوني والله ان المدرسين مبهذلين فيني ماحد
جالس بس سبحان الله جنبي مدرس فاهي كل مادخل القاعة يجلس على
الكرسي ويحط راسة وينام وانا موقعي اخر واحد جنب الجدار والله واقوم
وارفع السروال اشوف الاجوبة اللي على ساقي واكتبها واللي على
شماغي واكتبها ويوم رفعت كم الثوب ودي اكتب الاجوبة اللي على يدي
الا وافضل مدرس عندي شافني مبرشم يدي كلها اجوبة ويجيني وانا قاعد
ارتجف من الخوف انه يوديني المدير ويعطيني صفر وتعهدات وانا اصلا
منهي خلقة من التعهدات في المدرسة المهم يوم وصل عندي قال لي الله
يهديك يابلال
انتبه لاحد يشوفك والله وماصدقت على الله واقوم وارفع ابو الكم واكتب
الاجوبة وصديقي يناظرني وهو مطرطع
وانا اضحك عليه ويوم طلعنا من الاختبااار الا وصديقي مقفلة معه يقول
لي انت غشاش لاعاد تتحداني قلت له اتحداك في الفترة الثانية قال
خلاص بس لاتبرشم قلت له اوكي ماني مبرشم وكان علينا ادب حافظه
مثل اسمي المهم شفته يجهزله براشيم وتركته ويوم دخل القاعة
الاوتجيه النكبة المدير واقف عند الباب ويفتش الطلاب ويشوف اللي في
يده ويسوي له زحمة و يعطيه تعهد وحرمه من الاختباااار بس حظه كان فيه
مشرف من الوزارة جاء المدرسة مادري وش عنده ويتوسط له وانا
مسحت اللي في يدي
كله يوم طلعت من الفترة الاولى ودخلت القاعة واختبر وبعدها قال ماني
متحديك هذا موقف صار لي بداية الاختبارات 27/6/1430
