زيارته حق ماني بها ممدوح

صح لسانك يابو وليد
وذي رسالة شعر من ابن العم رايد .. تقول

على النقا ياطيب الذكر والفال
ياصاحبي لاجيت اجاريك مسموح

حيثك تدل اهل المكارم والافعال
ألي لهم بالطيب رايات وصروح

العم دابس له بنا الشعر تمثال
لاشك راعي الشعر بالراي مجروح

يومي سمعته قال من بين الاقوال
وكفه يلوح ابها على القوم وتلوح

عن هبة الريح كيف نقصر يارجال
لو منها نجلس على قاع وسفوح

من قالها اشقا بها البال والحال
انا اشهد انه يفدي الروح بالروح

ياحي زوله بين راعيين الازوال
وياحي منطوقن يجي منه ويروح

حتيش لو شفنا الكرم دق وجلال
من ماله اول ماله اليوم مصلوح