سياسة الكسور

من وجهة نظري المتواضعه
السالفة مب سالفة نص وربع وثلاثة ارباع
السالفة سالفة ثقافة المستهلك الي وصلت للحضيض الا من رحم ربي
والله يا أنك تشوف العجب العجاب قبل رمضان بيوم او ليلة رمضان
تحس الناس كانوا فقرانين وطاقهم الجوع وجتهم ام الركب من العطش
اول نستغرب من اللي يعبي العربه بالسوبر ماركت والحين اللي مايدف عربيه قالص بها عربية ثانيه مو شئ
حنا كـمستهلكين نحتاج تثقيف أنفسنا ونحط لأنفسنا سياسة وميزانيه نتقيد فيها وقت روحتنا للسوق
يعني تلاقي الواحد معه ورقة بها اغراض خاصة برمضان
ولما تشوف عربيته تحس أنه جالس يأثث البيت من جديد حتى المواعين والكاسات والقدور والأكواب وأجهزة كهربائية .... الخ
اما النص والربع صدقني مو فارق مع هالنوعية من الناس
وتسلم على الموضوع اللي يبي له منتدى كامل عشان تعطيه حقه