سلطاااااااان هلا فيك يالغالي
اشبهك بالطير الحر مايجيب الا سمين
وقصيدتك رائعه بمعنى الكلمه وابو محمد يستحق
كل كلمه قيلت فيه رجل عرفته بتواضعه ونبل اخلاقه لاتغيره
الدنيا على كل من عرف ,,
الف شكر سلطان
عرض للطباعة
سلطاااااااان هلا فيك يالغالي
اشبهك بالطير الحر مايجيب الا سمين
وقصيدتك رائعه بمعنى الكلمه وابو محمد يستحق
كل كلمه قيلت فيه رجل عرفته بتواضعه ونبل اخلاقه لاتغيره
الدنيا على كل من عرف ,,
الف شكر سلطان
الحرف زرف البَدع .. والطرق نيشان=واللفظ له معنى ومغنى وحادي
والعبقرة جهد وهواية وإتقان=والجو له صفوه وانا لي هدادي
والشعر له داعي وللواعي آذان=عليه الانصات وعليّ اجتهادي
واذا دعا قلبي على النبض شريان=اطلقت صدري للتعابير شادي
شاعر وحاضر صافي الفكر نشوان=متحيزم القيفان مسرج جوادي
عيني تشوف الناس من دون حقران=وتميّز العادي من الغير عادي
والحمد لله حين ماغضّت اجفان=حتّى اكتمل بدر الدجى في مدادي
هذا عميلي بالمودَّة (سليمان) =الصاحب اللي مايخيّب ودادي
سلام مثل البرق ساطع وفتّان=ولاَّ مثل وقع المطر فالبلادي
عليك ياللي لاشَهَر شدّ الاعيان=قرناس حرّ ابيض جبين وأيادي
رجلٍ لقيته بين قافي والاوزان =يلهم هواجيسي ويحتل ضادي
يستاهل حروف الثنا طير حوران=الشاهر النادر حميد المبادي
عرقه سبر غور الكرم واطلق حصان=أصيل ماله في فلاته مقادي
بالجود متجوّد بساسه والاركان=وبالطيب متطيّب بعنبر وكادي
طيّب مع الطيّب وراضي وقنعان=كايد على الكايد محنّك قيادي
ماهو بحاجة ذكره بنظم قيفان=ذكره سرى بين المدن والبوادي
مبطي ونجمه في سما المرجلة بان=وانا اشهد انّه في سموّه ريادي
ماتاه عنك المدح يانجم فهران =قطبٍ عليه عيون شعري هوادي
متسلسل من الجود جدّك (بطيحان)=والسلسلة في عزّ لين (العرادي)
ربعي وعزّي عزوتي جِرد الايمان=حتف العدا بمصقلات الهنادي
صغيرنا في عشق الامجاد هيمان =يركض له في كل ظلعٍ ووادي
والشيخ منّا ماتشيّخ بالاثمان=كان اوّل اللي عند الاكوان فادي
وان مالحق ليل اللزز صبح الاكوان=جدّه جعلها صفصف بلا معادي
وختامها صلّوا _ عدد سمع الآذان=وقراية القاري _ على خير هادي
..
يستاهل ابو محمد / سليمان العرادي
وصح لسانك / شاعرناا / سلطان
ولاهنت على هذي القصيده الرائعه .
تحيااتي لك
و
ابو محمد / سليمان العرادي
من قدم الطيب يلقاه
والنعم بالمادح والممدوح
قصيده معبره من شاعر متمكن
ابو محمد يستاهل مثل هذه الاشاده
اخوي سلطان
اولاً تحية لك على عودتك بعد مااًخذت العروس وقتك عنا
وهذا من حقها باللي مضى اما الجايات لنا عليك حق
انك تعطينا من ابداعك الشعري مايروي ذائقتنا
ثانياً يستاهل البطيحان القصيدة الجزلة منك لأنه رجل متواضع
وفيه خير
وتقبل تحياتي
اقتباس:
المشاركة الأصلية كتبت بواسطة لمياء العرادي
اهلا بك لمياء
من القلب شاكر لك حضورك الجميل
الأخ العزيز موسى ربيعاقتباس:
المشاركة الأصلية كتبت بواسطة موسى بن ربيع البلوي
حياك الله
وشاكر لك حضورك الكريم