-----يا فالح

الحكمة اللي قلتها أدري بها وتهمني = والكلمة ان جتني خطأ من صاحبي مشيتها
والطيب أشري خوته واليا بغاني دلني = خوة وفا يا أصحابنا بينتها ما أتقيتها

يعطيكم العافيه متابع

لامات مجهول الهوية جهزو له مدفني
....................... لاحدٍ نشد عن ديرته ولانشد عن ميتها
وش لون ادلك وانت مادري من بلي والا جهني
..........................مجهول لا ادلك ولا ديرتك انا دليتها

ماني بناشر صورتي في المنتدى لو عنتني=لونك درست الفقه والتوحيد ماحطيتها
احيان اقول انك عجل واحيان اقول انك وني=ياشيخ ركز في صلاتك كل ماصليتها

اظنني شرقت بك وانت بعد غربتني
..................البوصلة ماواحدٍ ماشي على توقيتها

لاكن يكفيني معك بالمنتدى سليتني
..............نشطت فكري يالقصير والنفوس ارويتها

في صورتك بالمنتدى يا صاحبي غشيتني=واظن كم غيري من العربان قد غشيتها
ماني أنا للتسلية غثيتك "ا"و غثيتني=وأنا الرجال الطيبة اموت ماغثيتها