عرض للطباعة
والله أشيل هم روحة السوق إذا كانت فيه مناسبات أولاقرب العيد ,مع أني اروح السوق مع أبوي الله يحفظه وأخواتي بس هالأسواق قرف:haza:,لا وإذا قلت للبنات ما أحب روحات السوق يستغربوا, ولما تسئلهن من وين جايات من السوق وين رايحات رايحات السوق يفطسن إذا ماشافن السوق.:confused::confused::confused::confused:
السلام عليكم ورحمة الله وبركاته
صراحة كلام الأخوان جميل جدا والسوق لابد يكون فيه محرم مع المرأه
ورب السماوات والارض تمر علي بالاسواق حركات من بعض الشباب الله يهديهم جريئة
لدرجة تصدمني وأقول حنا وين عايشين؟؟:confused:
قبل فترة كان الوالد مسافر ولاعندنا رجال بالبيت وإضطريت اروح الصيدلية مع اخواتي
ورب السماوات والارض يجي شاب بكل عين وقحة ويفتح الكيس اللي بيدي ويحط فيه الرقم
البائع اللي بالمحل رجال كبير بالسن وملتزم جزاه الله خير اخذ مني الكيس وطلع الرقم وطرد الشاب
من الصيدلية :||angr|:
\\
بس انا بتكلم لكم عن وضع خاص تعرضت له مسبقا
عشت بفتره من الفترات بمدينة الرياض مالي احد هناك الا زوجي فقط
زوجي الموت عنده ولا أقول له السوق كثير احيانا أحتاج شيء معين لازم ساعات وايام احاول
فيه حتى يوديني اللي بمثل حالتي وهم كثيررررر وش يسوون؟؟؟ جاوبوني يالله يااخوان
وكثير أوقات كان زوجي ينزلني مثلا بمجمع المملكه أو غرناطه او او او
ويقول لي بروح لين تخلصين اتصلي ؟؟؟ اكيد انا اهلي ماهم معوديني على كذا
ولا أقدر أدخل سوق لوحدي مااضمن ايش بيصير لي
فأتنازل دائما وارفض اروح السوق لوحدي ...
بالله عليكم كثير منا تعاني هالحركات خصوصا من الازواج ايش نعمل؟؟
نترك كل شي ونقول مامعنا محرم ؟؟
ولا نطلع ونعتمد على أنفسنا والحامي هو الله ؟؟؟:confused:
اعتذر على الاطاله
وشكرررا على الموضوع