رد: { هذا خـــطاي } جديد .. عايد السميري
اقتباس:
المشاركة الأصلية كتبت بواسطة عايد السميري
!
!
هنا .. هنا .. وإن قلتها ينفتح باب = على الحقايق كل يوم(ن) وليله
وأرمي مشاريهي على وجيه الأصحاب = وأسري وأنا ( أبو زياد ) راع الأصيله
لن الخطاء لو صوب القلب ما صاب = والصايبه طاشت ولو هي ثقيله
ولا أدري خطاي إني ما أجامل على حساب = أكسب رضاء اللي جو لنا بالهزيله
والا .. لأن الصدق له مخلب وناب = وأدمى كبود أهل الكبود الغليله
كذا .. كذا .. ماعاد لي آي مجناب = يامشعل الفتنه براس الفتيله
أسمي يكفي عن كثيرات الألقاب = ما جيت أدورها وأنا لي قبيله
ولي منهج أمشي به ولا أمشي بلا .. اسباب = وكل(ن) بمنهاجه وعقله دليله
أرفع نظر عيني على راس مرقاب = وآصل وياكم واحد(ن) طاح حيله
شاعر وشعري ما أكتبه ودي إعجاب = ولا همني من قال دره جميله
شعري هجوس أهيجنه (همّ ) وإن غاب = أشتاق له شوق الخليل إلخليله
أصدق من أدموع المفارق للحباب = وأطهر من الغايه اليا أصبح وسيله
غموضه إيبين لي وجيه الاغراب = وحرفه عزاه إنه كبر قبل جيله
كبر وهم شابو وهو تو ما شاب = وأطيبهم اللي هقوته ما تشيله
لكن بهيجن .. ينفتح / ينقفل .. باب = صوتي يرد الذاكره للجزيله
* عايد الســــميري
18 / 7 / 1431 هــ
عايد السميري
صح إلسانك
نص مفعم بالشاعريه العذبه
والا لأن الصدق له مخلب و ناب
صدقت
محبتي لك
سلطان القنيدي
رد: { هذا خـــطاي } جديد .. عايد السميري
عايد السميري
صح إلسانك
وبيض الله وجهك
رد: { هذا خـــطاي } جديد .. عايد السميري
أبو زياد
كلمة انت نجم في سماء الابداع قليله بحقك
الله يحفظك
رد: { هذا خـــطاي } جديد .. عايد السميري
كفو ياراع الأصيلة
انشهد ان كل قصايدك اصايل
ولك حضور مميز وتروي اصايلك كل منذوقي الشعر
رد: { هذا خـــطاي } جديد .. عايد السميري
الله على هالشموخ شاعر لايشق لك غبار
رد: { هذا خـــطاي } جديد .. عايد السميري
اقتباس:
المشاركة الأصلية كتبت بواسطة عبداللطيف محمد الحمراني
أرفع نظر عيني على راس مرقاب
وآصل وياكم واحد(ن) طاح حيله.....!
ماشاء الله تبارك الله ..!
ونـعم بـك يآبـو زيآد يآرآع الأصيلـه ..!
صح كلك وعلى شآنــك ..!
شهآدتي بـك مـجروحه ولم أأتي لأجزء قصيدتك
بل أتيـت كمتذوق يطربني جزالة كل من هـو مثلك ..!
تقبل مروري المتواضع وقبل ذلك ..!
تقبل بآقآتي وأكآليلي الأخويه لطهر قلبك ..!
ماعليك زود
وياهلا بكــ / دائماً أقف عاجز عن القول أمام جميل قولكـ
من القلب اشكركـ
على مروركــ وصدق شعوركـ
دمت عزيز وغالي
