رد: تفضل ( يالقصير ) هنا الله لايهينك / طاروق لتنشيط الذاكره
عايد السميري
بعد شفت القصيّر قلت مرحـب يالله تحييـه=على الطيب وعلى جزل المعاني.. والفلك دوار
يضيقن الصدور ولا يضيق الكون باللي فيـه=ولكن لا تتقا العمـر فانـي .. والفلـك دوار
القصير
عسى فيك البقا ياشاعرن عند العرب طاريه=على صم الحجر شد المباني والفلـك دوار
يضيقن الصدور إن راحت الدنيا على ما فيه=وانا حاضر ليا الصاحب دعاني والفلك دوار
عايد السميري
تعبنا يالقصيّر والأوادم بيـن ليـت / وليـه=مع أحداث الزمان المقلبانـي والفلـك دوار
ترى من لا يعرف الحر الأشقر محرياً يشويه=حقيقه : بعدها به علم ثانـي والفلـك دوار
القصير
ترى بعض الأوادم لو عطيته كل مايبغيه=تنكر قال عايد ما عطاني والفلـك دوار
أكيد الحر الأشقر ما يعرفه غيرمن يقنيه=حقيقه:بعدها ينطق لساني والفلـك دوار
عايد السميري
احد عاقل يميز في حلول الفرض ويصليه=وجاهل عشره تعود ثماني والفلـك دوار
بعد ذيك الرساله سو كل اللي تبا تسويه=عرفتك زين يالحر العماني والفلـك دوار
القصير
احد عاقل ليا منه عرف له سر مايبديـه=واحد جاهل يبيحه مكلماني والفلـك دوار
بعد ذيك الرساله من يجي في دربنا نرميه=ولا ياخذ معي خمسه ثواني والفلك دوار
عايد السميري
صديقي لا تحسوس لين تكشف سر أنا مخفيه=توقـع يافـلان ابـن فلانـي والفلـك دوار
انا داري بك إنك لو رميت الضلع ماتخطيـه=تصيد الشارده والليـل دانـي والفـك دوار
القصير
صديقك ماتحسوس يعرف ان الخال وابناخيه=مواقفهم سوى والعلم بانـي والفلـك دوار
اشوف السيل يوم انه تحدر ماج عن واديه=عسى ربي يخارج يوم جاني والفلـك دوار
عايد السميري
اجل مد اليمين وكل علمٍ يرجـع لراعيـه=وأنا والله لعديها الطمانـي والفلـك دوار
لا تستغرب مادام السيل حدر والرعد قافيه =يبا يظفي على كل المحاني والفلـك دوار
رد: تفضل ( يالقصير ) هنا الله لايهينك / طاروق لتنشيط الذاكره
متابعين
للإبــداع , واصلــوا فهناك متابعين
رد: تفضل ( يالقصير ) هنا الله لايهينك / طاروق لتنشيط الذاكره
اقتباس:
المشاركة الأصلية كتبت بواسطة ثامر ظميان البلوي
متابعين
للإبــداع , واصلــوا فهناك متابعين
الشاعر / ثامر ظميان البلوي
ياهلا بكـ
ومتابعة شاعر مثلكـ تعني لي الشي الكثير
من القلب شكراً لكـ
وكل عام وانت بخير
رد: تفضل ( يالقصير ) هنا الله لايهينك / طاروق لتنشيط الذاكره
اجل مد اليمين وكل علمٍ يرجـع لراعيـه
وأنا والله لعديها الطمانـي والفلـك دوار
لا تستغرب مادام السيل حدر والرعد قافيه
يبا يظفي على كل المحاني والفلـك دوار
تقول ان الخبر يمديه و أنا اقول ما يمديه =وصارالعلم من شانك وشاني والفلـك دوار
لا تستغرب مادام السيل حدروالبحر يغديه=غدى وسط البحروالطعم شاني والفلـك دوار
رد: تفضل ( يالقصير ) هنا الله لايهينك / طاروق لتنشيط الذاكره
اقتباس:
المشاركة الأصلية كتبت بواسطة ثامر ظميان البلوي
متابعين
للإبــداع , واصلــوا فهناك متابعين
أشكرك على مرورك العطر وخلك ماسك الصفه
وكل عام وانت بخير
رد: تفضل ( يالقصير ) هنا الله لايهينك / طاروق لتنشيط الذاكره
اقتباس:
المشاركة الأصلية كتبت بواسطة القصير
تقول ان الخبر يمديه و أنا اقول ما يمديه =وصارالعلم من شانك وشاني والفلـك دوار
لا تستغرب مادام السيل حدروالبحر يغديه=غدى وسط البحروالطعم شاني والفلـك دوار
ياشيخ الله يبارك فيك هات العلم لا توديه = قبل يدري بها كوفي عناني والفلك دوار
ياشين المهره اللي تطمر وتزقح بلا توجيه = وراعيها مفلت بالعناني والفلك دوار