قصيده: اصعب قرار اليا اتخذته الحالــــــــــك

اقتباس:

---

المشاركة الأصلية كتبت بواسطة عبدالكريم الصويدر

اعزائي عضاء وزوار هذا المنتدى العزيز بعض الاحيان يتخذ الانسان قرار وبعد قليل او كثير يكتشف الخطاء من الصواب ولكن ربما نفذ قراره وهيهات كما قيل اللي فات مايرجع وللكل حسباته 0 واليكم هذه المتواضعه المعبره عن ذلك عسى ان تنال استحسانكم:-

000000000000000
000000000

اصعب قرار اليا اتخذته الحالك=وماصار في قصدك وخالف ظناينك
واصعب قرار اليا نويت اعتزالك=واصعب قرار اليا اكتشفت الخطاء منك
واصعب قرار انك تزعل عيالك=وتصير في عالم من الهم والظنك
واصعب قرار اليا نويت ارتحالك=وقررت ترحل عن مقرك وموطنك
ومن الندم تضرب يمينك شمالك =وبنات فكرك جت من ايسرك وايمنك
واصعب قرار ان راح حقك ومالك=عند العفون اللي بلاشي ترهنك
اللي من اول باع لك وشترالك=يفتح لك البيبان وموظف البنك
اللي من اجله كل واحد يسالك=يرعاك في عينه وبالذهن يذهنك
واصعب قرار ان صار خصمك اقبالك=بلا خطاء منك يسبك ويلعنك
واصعب قرار اليا ردى فيك خالك=بلا سبب منك يزلك ويركنك
واصعب قرار اليا ارتكبت التهالك=ومشيت في دربك وضاعت ضعاينك
واصعب قرار ان جاك واحد وقالك=واقنعك في قوله وبالقول جننك
بأقرب قريب الناس قام وحكالك=وشكيت بالرجال والشك دندنك
وياطالب العليا عسى المجد فالك=مادام ودك بالعلالي مساكنك

doPoem(0)
وســـــــــلامتكـــــــــــــــــم

---

اخوي الشاعر عبدالكريم الصويدر صح اللسانك قصيده جزله من راسن جزل سلمت يمينك وتقبل مروري وتحياتي ..فايز

صاحب الشعر والحكمه


ابو عاطف


تبقى مدرسه


ومرحله مهمه في مسيرة الشعر




محبتي لك

.

اخي العزيز شاعرنا عبد الكريم الصويدر

الله يعطيك العافيه على هالقصيده الجزله وانا والله من محبيك

وكنت اتابع محاوراتك الشعريه

ابو عاطف 0تقبل تحياتي تقديري
0
اخوك ابو عبد الكريم

اخي وعزيزي فواز الجبيل
الله يبارك بك وبكلماتك التي اعتبرها وسام وشرف دمت بكل خير

اخي الشاعر احمد عايد البويني
هلا وغلا يالغالي ولاهنت على هالكلمات الغاليه على قلبي وتسلم

الشاعر القدير عيد بن قيضي الوابصي
تحيه لك من الروح
سلمت يابو عبدالكريم والله انني اعتز بك وبقصائدك المضيئه التي زادت المنتدى انوار تتلالا 0 وشهادة شاعر مثلك اعتبرها مفخره ووسام شرف الله لايخلينا منك يالغالي