الــولــد / الــو يبـه كيف الحال
رب المنـزل / هلا يآبوك بخير يآبوك ..!
الــولـد / يبـه وينك الحـين ؟
رب المنـزل / والله يآبوك في المطبخ اجهـز لكم الغداء طلعت الدجاجه من الثلاجه
عشان ( تسيـح ) شوي وجالس اجهز لكم السلطاات ..!
الـولد / يعطيك العافيه يبـه .
رب المنـزل / الله يعافيـك ياولدي
الـولد / يبـه امي اتصل على جوالها مقفل ليه ؟
رب المنـزل / والله يآولدي امك البارح طلعت البـر مع زميلاتها والله اعلم انهم
بتلعـه مافيها ابراج اخذت امك الجيب وال(سوجر ) وطلعو يقنصون ..!
الـولد / خساره يبه
رب المنزل / ليه يآولدي وش فيـه ؟
الـولد / يبـه انا سيارتي متعطـله وابي لي اشتراك
رب المنزل / طيب اتصل ( بأختـك ) تمـر عليك بسيارتهاا وتسوي لك اشتراك ..!
الـولــد / يبـه اختي اتصلت بـها وتقول ماهي فاضيـه تتفرج بشارع التفحيط على زميلتها
الي يقولون انها صارت ( ملكة الطاره ) وهي جالسه تصـور ..!
رب المنـزل / والله يآولدي عاد وش اسوي انا ملتهي بشغل البيت الحين ..!
الـولد / طيب طيب يبــه ماطول عليك انتبه لدجاج لا يحترق ....!
البنت / سلام عليكم يبـه ..!
رب المنزل / هلا يآبنتي الحمد لله على السلامه زين رجعتي
البنت / يبه شو اسوي اتفرج على زميلتي وهي تـفـحط بشارع التفحيط
رب المنزل / طيب يآبنتي يالله وانا ابوك الحين يجي اخوك من برى وتتـغدون ..!
البنت / طيب بس يبـه امـي وينها طـولت ؟
رب المنزل / امك الله اعلم انها مطوله بالـبر مع شلتهااا ..
البنت / الله يهديك يبه تراك تاركها على راسها ..!
رب الأسره / وش اسوي يآبوك هذا ( الـزلفه ) الله يهديه فتح علينا باب ماحنا قده ..؟
البنت / وشلون يبـه ..؟
رب الأسره / يآبوك زمان كان ( الحرمه ) اهم شي عندها بيتها ولا تفكر غي بأنها
ترضي ابوها واخوها وزوجهاا واهم شي بيتها وبيت عيالها مآكآنت تهـتم بسواقه وغيرها
من التصرفات الي خلتها تطلع من بيتها كثير لين صار بيتها بس اسم بيت وتجي له بس
وقت نـوم او وقت ماتكون تعبانه من العمل .. كانت الزوجه تصحى بـدري قبل زوجها وتقومه
لصلاه وتجهـز له فطـوره وتفطر معاه وبعدين تصحي عيآلها وتفطرهم وترجع تنام شوي وبعضهن
مآينآمن وتصحى تصلي الضحى وبعدين تجهـز غدا زوجها وعيالها ومآيجي زوجها وغير البيت
ماشاء الله تقل مصنع ( عـود ) من كثر البآخـور عشان اذا جا زوجها من الدوام تعبان يرتاح
في بيـته وتغـدي عيالها والعصر تتقهوى مع زوجها او يطلعون يتمشون مع بعض ويتعشون
مع بعض ماكانت الأمـور مثل الحين .. الزوجه اغلب وقتها يآبالدوام وتجي وتنام والعصر
تشغل موترها وتنزل ( لحراج السيارات ) وتبيع وتشتري في السيارات واذا جا المغرب
اذا مرت بيتها زين واحيان تروح الكآزينو وتشيش او تمر على السوق وتشوف وش نزل
من شي جديد او ماركات جديده او نها طالعه البر مثل امك الحـين ..!
البنت / طيب يبــه ليه ماحـد منع الزلفه من انه يحط هالشي الي ضركم وضر دينكم وصار
البنات مثل الرجال يسوقون ويشتغلون.؟
رب الأسـره / والله يآبنتي وش نسوي صحناا وصحناا وصحناا لكن كانو يقولون انتم اذا رفضتم
تقتلون الثقه في بناتكم وزوجاتكم لازم تعودونهم على الجـرأه ..!
البنت / بس يآيبه الي كنت اسمعه منك زمااان وانا طفلـه ان البنت اذا تخلت عن الحياء
الذي هو( شعبه من الأيماان ) تفـقد انوثتها وتصبح سواسيه مع الرجـل ..!
رب الأسره / ايه يآبنتي هذاا زمان بس الحين لا البنت لآزم تسوق وتشتغل وتطلع من البيت
كثيـر وتطلع البر عشان نقول عنها ثقـه وكفــو ..!
رب الاسره / المهم يآبنتي يالله يالله اخوك جا تغـدو عشان ابي انظف صالة الحريم عشان
امك الحين تجي ومعها زميلاتها ومسويه هي لهم عشاء ..!
البنت / الله يعينك يآبوي يالله زين ...!
للأســف اناا نريـد ان نجـعل ( المرأه رجـل غصب عن القيم والمبآديء ) ؟.
الكثير منا يدعي انه حريص على المبآدء والقيم والعادات والتقاليــد ولكن عندما يأتي
الجـد والأمـر الواقع نراه اول من يتخلى عن دينـه ومبآدئه وعاداته وتقآليده لأنه يعلم
انه ان لم يرضى بطيـبه فسيجبر رغم عنه بأن يرضى ...!
خروج ولي عــودهـ ..!:|for you|:
