حلقه يوم الجمعه 27/12/1431هـ
الشيخ عبد الله المطلق حفظه الله
المقدم محمد المقرن ..http://img696.imageshack.us/img696/5...1203180401.jpg....بسم الله الرحمن الرحيم السلام عليكم ورحمة الله وبركاته المقدم: لعلي أبداءبأسئلة المنتدى:الاخت خلود ذكرت او سألت حجت والدتي هذا العام ولله الحمد وبعد انتهاء طواف الوداع في اثناء سير السياره الخروج من مكه نامت في السياره من التعب بالرغم انها لم تخرج من حدود مكه فهل يعتبر نومها مبيتا وهل عليها شيء ؟الشيخ: بسم الله والحمد لله والصلاه والسلام على رسول الله
لايعتبر نومها مبيت وحتى لو باتت ياشيخ محمد يعني الناس الان يشددون في امور كان تيسير لو فرضنا أنا وإياك حاجين على بعارين ثم نزلنا من منى بعد الظهر وطفنا طواف الوداع وصلينا المغرب يالله المغرب كذا ولا لا ثم طلعنا على الابل وين بنام فيه من يوم متعب لاحظ انه اخر يوم تعب هل يمكن ان نتعدى عرفات .. لايمكن يعني سسنام في منى أنا استبعد انه يكون الانسان خرج ولذالك النبي صلى الله عليه وسلم يعني نام في البطحاء ثم وادع مع الفجر لكن هذه الاخت وادعت ثم خرجت فلو أن انسان وادع على بعيره المغرب ثم خرج أنا اقول انه حتما سينام قبل عرفه البعير مايمشي فمثل الان ان انٌاساً طافوا طواف الوداع ثم خرجوا وجاءوا في عرفه وناموا او رجعوا الى خيامهم في منى وناموا ثم مشوا منها بعد مايقومون الى مافيه شيء ابداً لانهم وادعوا ثم ناموا ,, ناموا خارجين من المنطقه اللي فيها المسجد ناوين السفر يعني تجاوزوا المسجد ناوين السفر ادركهم النوم في أي محل ينامون المقدم ابداء بمجموعه من الاتصالات ابوعمر : اسأل الشيخ بخصوص العقيقه هل اقدر وبعد شهر اذبح
المقدم :يعني تاخر العقيقه
ابوعمر :لا لاشاه اليوم يعني للولد شاتين يعني اذبح شاه اليوم وحده بعد شهر
الشيخ : تجزءك تجزءك العقيقه يعني ه تذبح وحده الحين وحده بعد شهر مافيه بأس حمد من قطر :التهنئه بالعام الهجري هل هي جائزه ام هي فيها مسأله فيها تفصيل ؟الشيخ: التهنئه بالعام الهجري لايجوز ان نعتقد انها سنه بمعنى ثابته عن النبي صلى الله عليه وسلم او عن اللذين اقتدى بهم ولكن اذا اراد ان يهنئى صاحبه بإحدى المناسبات مثلاً ببدايه الأسبوع ببلوغ يوم الجمعه ببدايه الشهر ببدايه السنه ليس هناك شيء يمنع الانسان يهنىء صاحبه عند تجدد أي نعمه لكن لانقول بمعنى انها سنه لا هي من الاعمال المباحه لكن في سبيل انها تدخل السرور على القلب تصبح مستحبه يعني اذا صار في سبيل ادخال السرور على القلب مثل الآن تجي تقوم ولدك للصباح للفجر او للمدرسه تقول قم نوم هادى صباح باكر صباح مبارك قم قم ... مافيه شي يمنع من ذالك أي شيء يدخل السرور على النفس لكن لانعتقد أن النبي صلى الله عليه وسلم سنها لا الامور المباحه مثل الآن انا جالس وياك تمدحني فتدخل السرور على قلبي النبي صلى الله عليه وسلم عمل مثل هذه الاعمال هذه تبقى على الاصل المباح الذي فيه منفعه فنجي لمدحك إياي فإن كان قصدك تحبب الي من غير ان تورطني بإعجاب اوكبر اوشي فهو لا بأس وإن كان ان مدحك لي بيوصلني درجه العجب بالنفس مثل ماقال النبي قطعت عنق صاحبك هذا مايجوز من السعوديه الاخت دلال اذا ابتلي الانسان بقرابه يسعون لقطيعه الرحم وفيهم من الجهل شيء كبير حاول مناصحتهم بجميع الطرق بالكلام بالرسائل لكن في كل محاوله يزيدون له الكيله في السؤ اذا قطعهم يلحق بالانسان اثم إذا قطعهم بالتواصل فقط ولكن مايقطع من الدعاء لهم وقرابه قريبه جدا مثل عم عمه بنات عمه قريبين جداً ؟
الشيخ : يا اخت دلال انتي تسألين تقولين بقطعهم لا تقطعينهم عندنا قاطع وعندنا واصل وعندنا متوقف أنتي لاتقطعينهم لكن توقفي عن الحاجات اللي تظنين منها بيزيد الشر لكن في الأعياد في المناسبات اذا جاء عندهم زواج إذا مرض واحد منهم هذي مايخالف لن يلومونك ولاهو بجايك شر من هذا لكن كثره التواصل للي تعرفين انه سينقلب إلى ضده توقفي فعندنا قاطع وعندنا واصل وعندنا متوقف مانقول لك اقطعي نقول لك توقفي عن الوصل الذي تظنين انه سيصير منه مضره لكن في المناسبات في الاعياد عند المرض عند الزواجات عند العقيقه عند المناسبات اللي يحسن التواصل فيها واصليهم انس- من السعوديه السؤال الاول
احيان يوصيني أحد بشيء من بلد معين واقبض منه الثمن فيما بعد فمل حكم هذا الامر ؟
الشيخ : أنت وكيل ولا تشتري أنت وتبيع عليه
المتصل:لا اشتري وابيع عليه بدون مااكسب منه شيء
الشيخ : انت تشتري وتبيع عليه مانت بوكيل له ماهو بيقول اشترها لي وكيلٍ لي
المتصل: لا ماني وكيل
الشيخ : مادام تشتري لنفسك فهذا مثل الاستيراد ياشيخ مثل اللي يقول ورد لي كذا وباشتريه منك
المقدم : ولكن قبض الثمن
الشيخ : هو يقول اقبضه متأخر وليس اقبضه متقدم أليس كذالك
المتصل: ايه نعم ياشيخ المقدم : السؤال الثاني اخوي انس المتصل : احياناً في الاطباق الخيريه النسائيه يوجد خيام مكتوب فيها ادفع مبلغ معين وادخل قد لا اشتري شيئا من هذه الخيمه ماحكم هذ المبلغ
الشيخ : إذا كان السوق خيري والدفع هذا خيري مافيه بأس
المتصل حتى ولو ماشترت شيء ياشيخ
الشيخ : حتى ولو ماشترت شيء لانها تدفع للجمعيه الخيريه يعني لو فرضنا فتحنا سوق على حساب جمعيه البر الخيريه بالرياض مثلاً المال الذي يأتي لحساب الجمعيه أنا اروح وادخل مالي شغل بس ابي أعطي الجمعيه ..مساعده هذا ليس فيه الا انك تساعد الجمعيه وهذا امر مرغّب فيه
المتصل : احيانا يكون الخيمه هذي تبع صاحب الخيمه بس ماهي تبع جمعيه خيريه
المقدم : ايه لكن الدخل كله للجمعيه الخيريه
المتصل : لا ماهو شرط يكون من الاستراحه يجتمع فيها جمعيه معينه وأي أمراءه تجي وتضع طبق وتاخذ الفلوس لنفسها هي
المقدم : هل يختلف اذا كان لغير خيري مثلاً
الشيخ: إذا كان لغير الغرض الخيري فإننا نشوف الآن إذا كان فيه احتمال غُنم وغُرم وهذا يصبح ميسر ياشيخ .قمار وإن كان لا أي انسان دخل يدخل يدفع كذا هذي من اجار الاستراحه .. أنا ذالحين استراحتي مافيها إلا دجاج مره .وأقول اللي يدخل الاستراحه ذي يتفرج على دجاجي يدفع خمسه ريال .هذي دجاج عبدالله المطلق عثمان من الامارات المتصل : بغيت أسألك بخصوص يضحي رجل بنعجه وهي حامل أي عشار هل يجوز هذا ؟
الشيخ : يجوز ان يضحي بالنعجه الحامل او الدافع ريم من السعوديه :ياشيخ لوسمحت أنا قبل الدوره تجيني بيومين ينزل بني مادري هل يعتير هذا من الدوره أني ماأصلي يكون حكمي حكم الحائض ؟الشيخ : اذا كان ينزل ويتصل بالدوره فاعتبريه من الدوره وذا كان ينقطع ..ينفصل عن الدوره فلا تعتبريه شيء
المتصل : عندي سؤال ثاني ..
الضيق بين النساء مايكون ضيق مره مره يحكم الحركه لا يكون ضيق يعني يصف بعض البدن وكمان الكم اللي يكون عند الكتف اربع اصابع مع الكتف اربع اصابع ؟؟
الشيخ : استروا يابناتي استروا الله يحفظكم .. الآن يعني لو نظرنا إلى الحمد لله المجتمع نجده مسلم التقييم في المجتمع نجده مسلم .
أنا اقولك ياشيخ محمد يوم من الأيام فيه أحد الشباب وصى أهله قالهم شوفوا لي بنت ال فلان في الزواج هذا انا ودي ولي رغبه بس شوفوها وانتوا رايحين للزواج شوفوها وكان خواته ثلاث وأمه الرابعه فجاءوا من الزواج هذا بس تقييم لما جاءو من التقيم المرءاه ذي ظهرها في الزواج مخليته وليها تيور كذا فقط فجاءو امه وثنتين من خواته يقولون ماتصلح لك هذي مهبوله والله ظهرها قاعد هذي انت وش تبي بها ندور لك ووحده من خواته تقول بس هذا مافيه شيء شوفوا الصفات الاخرى بس انا يعني انا اشوف انه اذا كان هذا فقط انظر الان 75% ثلاث حريم يقولون لا تبيها هذي ماتصلح لك حكموا عليها بمجرد ماذا ؟باللبس باللبس فقط والمراءه الاخيره مامدحتدها بس ماذمتها قالت اذا كان هذا وحده مايجوز اننا نقول انك متاخذها وبعدين هو لما جلس وناقشهم قال اللي انتو ترون ان مافيه خير دورو لي وحده قال لا والله مانشوف يعني المرءاه المرءاه اللي تتستر المراءه اللي تظهر في الزواجات بعقل تتستر المراءه اللي تظهر في الزواجات بستر ترى الله يحبها والناس يحبونها الله يقول (إِنَّ الَّذِينَ آمَنُوا وَعَمِلُوا الصَّالِحَاتِ سَيَجْعَلُ لَهُمُ الرَّحْمَنُ وُدًّا)
ودا أي محبه في قلوب الناس لكن هذه المراءه المسكينه هالي تجي في الزواج وتستعرض لحمها يجيك ظهرها حتى بعض البنات اللي يتصلن علينا يقولن يوجد الآن في بعض الأعراس حريم يظهر سرها تصير البلوزه يعني قاصره عن البنطلون فيظهر أسفل البطن ولذاك تجد المجتمع يمقت هذا وتجدهم يخرجون من الزواج يقولون من ذي بنته من ذا المهبوله ذي من هي بنته اللي جالسه كذا من العاريه ذي من هي بنته فيا اخواني الستر كله خير الستر كله خير لذالك نقول للاختنا السائله اتركي عنك اربع اصابع خمس أصابع ضيق ولا مهو ضيق يعني لدرجه بعض البنات انا اشوف عندنا في بعض البنات في البيت تقول لها ضيق تقول لا شوف اصبعي يدخل وهي تظغط على بطنها علشان يدخل اصبعها ..هذا ضيق ...هذا ضيق فالمسأله الآن مهو عندك مهو ميزانك اللي مهو ضيق الا ضيق شوفي الناس اللي مهو ضيق مايصف للجسد مايخلي الناس يشوفون اعضاء المراءه بحجم اعضاء المراءه ولذالك ياأخواتي والله العز في طاعه الله العز في طاعه الله الآن بعض النساء تبي العز بالمعصيه مثل بعض الشباب الآن بعض الشباب تلقاه يدخن في الشارع وينافخ يظن انه عز بينما كل الناس اللي يمرون عليه يقولون وش هالنذل ذاء وش هالمسكين ذا في الشارع !!.. في الشارع جالس يدخن وهو جالس من باب الاوبهه عند باب بيته وينافخ هذا من اختلاف التقييم الموازين مختلفه عنده هل هذا عز الآن هذا مابه عز انت ابتليت بالدخان ابتليت تستر . أبو عبدالله من الإمارات :فيه بعض الملابس ملابس النساء تحتاج غسيل خاص يعني المغاسل الأتوماتيكيه وبعض النساء يتحرجون من لهم لإطلاع الرجال الأجانب عليها فما الفتوى الشرعيه في الجانب هذا وهل يحطونها يعني مثلاً في الشمس لين ماتذهب الرائحه منها وبعدين يودونها ولا حرام انهم يودونها فما رأي الشيخ في هذا ؟والله انا ارى الآن الحريم ماعاد فيهن الرائحه تعرف اللحين الحريم يلبسون اللبس مره وحده وتروح تغسله فأنا اشوف ان هذا قد يكون ضرب من التشدد فإذا كان الثوب مايغسل إلاّ برا تغسله برا مافيها شيء فهذه وجهة نظري انا .سؤال من المنتدى :أصيبت أمي بكسر في رجلها وكان يصعب عليها الوضوء فتصب الماء على رجلها فغسلت رجلها اليسرى قبل اليمنى نسياناً منها لمدة ثلاث أيام ثم تذكرت ذلك فهل وضوئها وصلاتها صحيحة ؟
نعم حتى لو تعمدت ان تغسل اليسرى قبل اليمنى وضوئها صحيح لكن أخطأت السنه السنه ان تبدأ اليمين ثم اليسار هذي السنه وترك السنه لايبطل الوضوء ولكن الحمدلله الذي هداها للسنه والحمدلله الذي ذكرها والحمدلله الذي علمها هذي نعمه تطبيق للسنه نعمه من الله تعالى .
عبدالله من استراليا :يقول طالب ابتعث في استراليا بخصوص الأكل الذي يستخدم في طبخه الخمر يختلف الأخوه في ذلك ان أثر الخمر يذهب مع الطبخ مالذي ترونه ؟
مايجوز أن يأكل الإنسان شيئاً مستعمل فيه الخمر او الخنزير لأنه لابد أن يبقى له بقيه لابد أن يكون لهذا النجس بقيه في الطعام والخمر نجسه ومحرمه وكذلك الخنزير فالنبي صلى الله عليه وسلم ارشد انه إذا لم نجد إلاّ أواني لم يشرب فيها الخمر او يطبخ فيها الخنزير قال اغسلوها امر ان ننظفها لكن سؤال السائل ليس بالتنظيف سؤال السائل في ان الخمر يوضع مع الأكل يطبخ مع الأكل ولهذا نقول لايجوز أن تأكل من أي طعام وجدت فيه الأكل .
أم معاذ من منتدى الجواب الكافي :عن لصقه منع الحمل هل لابد من ازلتها عند الغسل من الجنابه مع العلم انها ليست في مواضع الوضوء
اتنمى ان تفيدونا يافضيله شيخنا ؟
لصقات منع الحمل ومثلها اللصقات الأخرى لصقات الظهر ولصقات الأمراض الأخرى والحاجات التي تجعلها النساء لأغراض أخرى هذه تغسل أي يمر عليها الماء في الجنابه ولايجب خلعها فالإنسان إذا كان عليه غسل وعلى ظهره لصقه من لصقات الظهر او المرأه فيها لصقه من لصقات الحمل او الرجل فيه لصقه من لصقات التدخين لبدل التدخين ونحو ذلك هذه كلها يمر عليها الماء من فوق ولاتخلع .سؤال من المنتدى :الأول : صديقتي حجت هذا العام وهي من سكان منطقه مكة المكرمة ، في أحد ليالي المبيت بمنى لم يبقوا فيها الى الساعة 12 مساء
حيث غادروا منى في حوالي الساعة 10 ونصف
فهل عليهم شئ وما الحكم ؟
الذين يسكنون المواضع القريبه من منى لاشيء عليه بإجماع العلماء إذا سكنوا في المواضع القريبه من الحجاج ويقوا في مجتمع الحجاج يعني المجتمع الي معهم هو مجتمع حجيج فلاشيء عليهم لكن بعض الناس الآن إذا لم يجد في منى راح وسكن مع المقيمين يعني راح استأجر بيت في الملاوي ولا في أي مكان قريب وجلس وكل الي يصلون معه مقيم هذا مايجوز لأنه حينئذ ابتعد عن منطقة الحجيج
ونقول إن شاء الله ماعليهم شيء بس لايعودون في المرات القادمه لأن النبي صلى الله عليه وسلم أقام في منى ليله ونهاره لأن الإقامه في منى هذه الأيام افضل من الإقامه تحت الكعبه .
يعني ياشيخ محمد لو عندنا رجلان حاجان أحدهما بقي في المسجد الحرام يصلي عند المقام وفي الحجر وخلف الإمام
والثاني بقي في منى ايهما أفضل ؟
المقدم : لاشك في التشريق ايام منى .
الشيخ : أيام منى وهذه ايام منى افضل من الذي يبقى في المسجد الحرام فنقول لكم ابقوا كما بقي نبي صلى الله عليه وسلم في منى ليله ونهاره .الأخت انوار :هل ورد شيء في فضل صيام شهر محرم ؟نعم ورد عن النبي صلى الله عليه وسلم في صيام عاشورا في حديث قتاده في مسلم انه يكفر السنه الماضيه وورد ان النبي صلى الله عليه وسلم صامه وأمر بصيامه وورد ان النبي صلى الله عليه وسلم قال لأن عشت إلى قابل لأصومن التاسع والعاشر ولهذا يرى بعض العلماء ان السنه ان يصوم المسلم يومين وابن القيم رحمه الله يقول الأفضل ان يصوم ثلاثة أيام فالذي يصوم ثلاثة ايام يكون صام عاشورا وثلاثة أيام من الشهر فتجتمع له خصلتان .من المنتدى :سؤالي أنا أستلم ضمان اجتماعي لأني مطلقة . والشهر السابق حصلت على وظيفة في القطاع الخاص عقد لمدة سنة والثلاث الأشهر الأولى فترة اختبار وتجربة وبعدها لا أعلم هل أستمر أم لا علما أني أستلمت راتب هذا الشهروالضمان أنا ممكن أحتاجه فهل يحق لي اخذ الضمان ؟الضمان جزء من الزكاة وذلك ينبغي على المسلم ان لا يأخذ إلا إذا كان محتاج يبقى عندنا يعني هي الآن في مدة إختبار ولاتدري هل يبقيها القطاع الخاص او يعزلونها ولذلك آرى انها تخبر الضمان وأن يكون عند الضمان آليه لهؤلاء الذي يتوظفون وظائف مقطوعه يعني عندنا الآن بعض النساء تتوظف لمدة ثلاثة أشهر شهرين ثلاثة أنا اعتقد انه لابد يكون في الضمان آليه لأمثال هؤلاء ولذلك عليها ان تراجع الضمان حتى لو ماوجد عندهم آليه يضعون آليه لها ولأمثالها .غلا من الإمارات :ماحكم إزالة الشعر مابين الحاجبين ؟لابأس في ذلك أبو بكر من السعوديه :في مسألة في خطوبه تمت كتبوا عقد الزواج واتفقوا على المهر على المتأخر وبعد فترة قليله تم فسخ العقد الزواج هل من حق البنت أن تطالب بالمهر والمتأخرالمقدم / أبوبكر كتبوا العقد ؟
المتصل / نعم
فسألو الشيخ فقال له استلمت المهر؟ قال له استلمت لكن الخاطب قال انا لما أوصل الرياض بعطيه للوالد هناك .
الشيخ / طيب وشو السؤال الآن فيه طلاق ولا بيستمرون إن شاء الله .
المتصل / هم طلبوا فسخ العقد .
الشيخ / من الذي طلب ؟
المتصل / ابو الولد .
الشيخ / خلاص الآن طلع طلب الفسخ من الرجل يطلق ويدفع نصف المهر المكتوب مؤجلاً ومعجلا .عبدالله من السعوديه :أنا من السعوديه لكن اضطريت أن أكذب وأقول اني انا من مصر لأنكم ماتردون على الأرقام الثانيه ؟المقدم / يعني استخدمت قصدك الرقم الدولي .المتصل / ايه نعم .
ينبغي ان يكون عند الأخوان في التلفونات آليه لتنظيم الذين يطلبون ولا يضطرون الناس إلى عمل مثل هذه الأشياء .
المقدم / الداخلي مزحوم لأنه من السعوديه والخارجي دائماً أخف شوي فيستخدم الخارجي يدخل بسرعه .
إذاً إذا استعمل الخارجي له ذلك مافيه فرق .الأخ ابو الحارث من العراق :يسأل عن الإحتفال بالزواج بعد مرور سنة , بعض الناس يحتفلون كل سنتين , كل سنه يحتفلون بنفس اليوم الذي تزوجو فيه .....!والله يا أخي انا اشوف الناس الآن يزدادون فقراً ويزدادون إفقاراً , يعني الآن انت تعرف الآن التضخم هذا وضعف قيمة العملات اوجد عند الناس الآن نوع من السحب الى منطقة الفقر , ان الراتب ما عاد مثل اول .الأمر الثاني يا اخي الناس لا زالوا يكلفون انفسهم , يعني خذ مثال عندنا أشياء ما كانت موجودة قديماً , والناس الآن ابتدعوها وصاروا يتعبون منها خذ مثلاً الآن يا طويل العمر المتزوجه الآن كل قرابتها يهدون لها , ثم إذا راحت المتزوجه وجت يسوون لها زواره و سوو لها عزايم و ايضا فيها هدايا ثم المرأه ايضا اذا ولدت إحتاجت الى هدايا , والمرأة إذا خرجت من الاربعين احتاجت عزيمة , المرأة إذا طلعت من الإحداد عزيمة عرفت الحين ياطويل العمر ..
الإنسان إذا خرج من السجن لو يوم واحد يعني واحد ماسكينه المرور يظهر عياله وجماعته يقولون بنعزمه , ويمرون به عزايم ..
الرجل الآن إذا دخل المستشفى وخرج عزايم ,الآن بيجينا بعد ذا البدع الجديده ذي , ذكرى عمر الأولاد والأزواج .
الآن يا طويل العمرك عندي مثلا انا , عندي مثلاً خمسة بنين وبنات معناها عندي خمسة ذكريات صح او لا ..!
وعندي ذكرى أم العيال , وعندي ذكرى لي انا , كم صارت ..! سبع .
وعندي ذكرى تعييني في الوظيفة الفلانيه , وعندي ذكرى التخرج لبنتي وبناتي وعيالي وتصير حياتنا كلهاااا تكاليف .
تصير حياتنا كلها مثل الآن بعض الفرق الإسلامية حياتهم كلها مآتم وموالد , يمر عليهم في الشهر مأتم ومولد .
يا اخواني هذا كله تكليف والناس ما تركوا منهج الله الا والشيطان اثقلهم اتعبهم بهذه الإلتزامات .
ولذلك نقول يا اخواني لا يجوز للمسلم ان يعمل ذكرى لزواجه ولا ذكرى لوظيفته ولا ذكرى لمولده ولا ذكرى لمولد بنته ولا ذكرى لمولد ولده ولا ذكرى لنجاح ابنته ولا ذكرى وظيفته ولا وظيفة ابناءه وبناته , لأن هذا كله يرهق الناس ويرهق من حولك , وكل الناس الآن ما شيين يتصبرون , وحده من حريمنا ولدت ويوم طلعت من المستشفى الين عندها هدايا الحلا يجي عندها عشرين هديه وكل وحده بخمس مئة ريال و ست مئة ريال وثلاث مئة ريال وكلها رايحه فاسده , هي ممكن تآكل وحده
يعني ممكن تأكل هديه وحده , لكن عشرين ..!
واحد جايب له أحد مزهريه يقول بـ اثنا عشر الف ريال , هذي امور صعبه يا شيخ , صعبه جدا والناس يبدءون يهلكون انفسهم ويتعبون انفسهم , وانا اعتقد ان هذي كلها كلها سيئن المجتمع منها وسيعرف ان شرع الله ارحم بهم من هذه البدع التي
ابتدعوها واهلكتهم وستهلكهم .المقدم : لكن الإشكاليه الآن يا معالي الشيخ انه انت ربطت العله بالمال والصعوبه الفريق الثاني اللي يسمعنا الآن ان المقتدرين وعايشين بنعمه ولا عنده مشكله انه يصرف , يقولك كلام الشيخ عبدالله غير متوقع انا رجال اقدر احتفل بذكرى زواجي كل سنه واصرف عشرة آلاف لا يشكل عندي شئ فهل هذا ينطبق علي معيارك في مسألة الضعيف اللي يشكل عنده الألف عشرة آلاف ..!!
انا يا شيخ محمد اعرف ان الأغنياء هم ارحم بأنفسهم من الفقراء , انا اشوف الآن انا ابن المجتمع اشوف ما يثمر الآن ويزمر ويتعب نفسه ومن حوله الا هالفقير الطرطور اللي ما عنده شئ , هو اللي مسكين مراهن على راتب زوجته ثلاثة آلاف ريال ياالله يجيب رز وسكر ولحم , وحاجات يعني ضرورية تلقاها إذا جت بتهدي حلاو هديه تلقاها فوق الخمس مئة
إذا جت بقرط للبنت المولوده تلقاها شاريته بألف إذا جت بهديه للمرأه اللي خارجه من الإحداد تلقاها بألف , ليه ! لأنها المسكينه ورى هالزوج تثقل عليه الين يجيب لها .. ليه !
هؤلاء الآن انت تعرف وانا اعرف اننا نحجم من الواقع, هل الآن اللي يشتري هالحلويات والمزهريات ويقوم سوقها هم الأغنياء والا الفقراء ..!
والله يا اخي ان اغلبه الفقراء ,هم اللي يهلكون انفسهم , ثم ايضا يا اخي اليس المجتمع يتراحم ! هل يجوز للغني ان يعمل اعمال يرهق فيها الفقير..! ما يجوز لك يا اخي ان تعمل ذلك .
خذ مثال يا شيخ محمد الآن احنا مثلا قبيله مثلاً جانا ضيف مثلا من الكويت , انا غني الحمدلله استطيع اني اذبح قعود و ثلاثة خرفان استطيع , استطيع اني اذبح خروفين , لكني انا لو ذبحت وانا اول واحد قعود وش بيسوون اللي ورى كلهم بيسوون بيصير الذنب عليك , يصير انا ما في قلبي رحمه , انا اللي جريت جماعتي للإسراف , انا اللي جريتهم للفقر .
ولذلك تجد الآن الفاهمين يكافحون هذا , تصدق يا شيح محمد تجي عندنا عزايم مثلاً الأغنياء يذبحون خروف يجي بعدنا بيومين ثلاثه فقير يذبح خروفين .. احنا قادرين والله قادرين لكن ننظر من ورائنا , الواحد يرحم اخوانه هذا يرحم نفسه ولا يرحم من وراءه .
ولذلك يا اخي هي قيادة المجتمع الآن , بعض الناس الآن إذا جاء عنده زواج يروح يختار له صاله وسط ويختار دعوه وسط , وبعض الناس يختار صاله غاليه ولا يخلي احد لو واحد مر عليه وهو بصاله المطار وسلم عليه خلاص ارسله تعال فأنت ما يستفيد القرابه القريبه , تجد عرسه يجي خمس آلاف عشرة الآف عشرين الف موزع بطاقات بالهبل, هل هذا يا اخواني من الشرع !
هذا كله تكليف , والله كله تكليف , الآن المجتمع في حاجه للإقتصاد في حاجه الى تطبيق قول الله تعالى{ والذين إذا انفقوا لم يسرفوا ولم يقتروا وكان بين ذلك قواما }
دعاني احد التجار الأيام هذي احضر زواج لإبنته , ماشاء الله يا اخي ذابح له خروفين وداعي له ناس ما يتجاوزون عشرين وطلعنا منه ندعوا له ولا ندعي عليه ! والله ندعوا له .
المقدم : لكن هل مثلاً دعاك ضعيف وتكلف ..!!
الشيخ : واجد يا شيخ كل الضعفاء يتكلفون , والله يا شيخ يا بعضهم اننا نجمع له من الصدقات ونعطيه ثم يكون حفل زواجه اكثر من حفل زواج عيالنا احنا ياذا التجار اللي يعتبر عندنا اموال .
تجده يعمل اشياء ويجيب اصناف إذا راحن حريمنا قالوا مهب فقير ذا , هذا حاط بوفيه مفتوح حاط حلويات انواع , هذا مشكله يا شيخ وهو يجمع الريال والريالين من الصدقات علشان يزين .
احنا مشكلتنا الترشيد عندنا مشكله ان الغني يجب عليه ان يرحم الفقير ويضع الخطط لرحمته , والفقير ايضاً يجب عليه ان يضع الخطط لرحمة نفسه.
الأخ فايز من الكويت : احنا نعمل في الدوام واحيانا يكون دوامنا في يوم الجمعة , فيأتي احد المحتسبين من الإخوان يخطب خطبة فبعد الخطبة يلقي كلمة كتعليق على صلاة الجمعة ..
الشيخ : انتم مسجدكم اللي تصلون فيه مفسوح رسمياً ..!
فايز : ايه نعم رسمياً .
الشيخ : لا بد ان تعرف انه لا بد ان يكون المسجد مفسوح رسمياً وان يكون الخطيب مفسوح , هذا الشيء المهم لأن الجمعة لابد ان يصدر فيها فتوى . قضية انه كونه يتحدث بعد صلاة الجمعة المفروض انه يكون حديثه في خطبة الجمعة , وان خطبة الجمعة كافيه , لكن إذا احب ان يجلس بعد الجمعة يجيب أسئلة المستفتون ويناقش بعض امورهم ويعطيهم المشوره التي قد يطلبونها منه فهذا طيب .
فايز : الشخص هذا غير مفتي , رجل مجتهد .
الشيخ : شخص آخر هذا شئ آخر ,لأنه يريد ان يكمل نقص , انا اقول للذي يريد ان يقوله بعد الصلاة يقوله قبل الصلاة .
محمد من الجزائر :فيه واحد حصل له مشكله مع زوجته , وبعدما انصرفا , كان وحده لكنه تلفظ بقول : تعلمي او اذهبي إلى بيتك . لكنه قال ان هذا يعتبر طلاق بالكناية .
اسمع يا اخي إذا كان هذا الرجل مع الخيال يتكلم بالخيال جالس يكلم نفسه يقول انا بروح لها الحين وبقولها كذا وتقول لي كذا , وإذا ردت علي بكذا , اقول إذهبي إلى بيتك .. هذا كله خيال ولا يعتبر طلاق .
لكن إذا كان هذا الرجل قال هذا الكلام قاصداً الطلاق , قال خلاص انا سمحت اريد ان اقول كلاما الآن انهي به الوضع اريد ان اقول لها خلاص اذهبي إلى أهلك , الآن يريد ان يقوله , اما إذا كان الآن يحكي بالمشروع اللي بيقوله بعدين هو ما بعد قاله.
يتبع
