في منتدانا سﻻم الله عليكم جميع
ياربعنا ياهل المعروف والطيبه
يامسندالوابصي اعرف مكانك رفيع
ماشي على السكه اللي حطها الشيبه
عرض للطباعة
في منتدانا سﻻم الله عليكم جميع
ياربعنا ياهل المعروف والطيبه
يامسندالوابصي اعرف مكانك رفيع
ماشي على السكه اللي حطها الشيبه
في منتدانا هلا يامرحبا مايضيع
ياربعنا اللي لاشافت جزل تاتيبه
وابن سليمان دايم بالمواقف مطيع
مايعرف العيب جعل العيب مايصيبه
مسند صدوف الليالي شيبن الرضيع
والوقت يركض بنا والعمر مقفي به
الذيب ﻻشاف زول الذيب من فوق ريع
يحسب له حساب واﻻ الصبح يغدي به
الوقت ياصاحبي يمضي علينا سريع
متضايق من المرض وش عاد اسويبه
استاذنك يامحمد ودي ارقا الفريع
واقضي الوقت عند عنوز وعتيبه
اهب ياوقتنا ياما سمعنا الفجيع
ياما علينا توالت شدة مصيبة
ﻻتترك الدارﻻتجحد كبير الصنيع
والغايب اللي رجع ﻻيكرر الغيبة
ايشيب من صكت الأيام حتى الرضيع
وقت العنا ياكثر شفنا عذاريبه
مانشري الصاحب اللي يامحمد يبيع
وانا كويس ولا بي شكن وربيه
مسند سندنا ليا منا بغينا الفزيع
ياقف مواقيف فيها العز والهيبة
الرفقة الطيبةنلقا بذراها نفيع
شرواك يالوابصي نلفي مضاريبه
الله يكفيك من شر الزمان الشنيع
ومحمد اليوم عالي في مراقيبه
موهبتك اشوفها ماهو كلامن صنيع
والشعر اشوفك تعنا ماشي دريبه
صح لسانك يامسند والله يعطيك العافية