الله ياظلمك ويا حسن ظنّـي= والله ياشين الذكا بعض الأوقات
كل ما تذكر كيف إني وإنــّي= تخنقني العبرة على درب الأهات
وشلون قلبك طاوعك تمتهنـّي=والله ما أستاهل كذا منك بالذات
من عام وأسراب الظنون يحدنـّـي= وأصد عنها / وأتغابا / ولا أبات
مابين (صدق ,لا تصدق ) كأنـّي= حي ولاني حي / ميت ولا مات
وشلون أصـدّق .؟ ليتها بالتمنـّي=ويلاه من جرح تمكن من الذات
لأني لا أشك /ولا أخونـك/ولأنـّي= لرضـاك ياما أشعلت بالليـل شمعات
وش جاك مني قللي وشجاك منـّي=من علمك فن الرسم والحكـايات
طعنتني .!لا مدري منهو طـعـنـّي= بس الوكـاد إني تجرعت طـعـنـات
