الله يرحم مجالسنا زمااااان

بسم الله الرحمن الرحيم
،،،،
في السابق وقبل التطور الذي وصلنا له
كان الواحد منا يسير على صاحبه وسواليف وقهوة وشاي
وعلوم طيبه وتحس ان الجلسه والمسيار له طعم

ما أن دخلت لعبة البلوت
الا وراحت بركة المجالس وقلت الفوايد
والمشكله ان جيت لك ناس
وانت ما تعرف تلعب تقعد تطقطق أصابعك وكأنك أهبل بينهم
ههههههههههه
شوي وتستاذن لا وزين اذا قالوا لك مع السلامه
مشغوووولين الشباب
يعني في السابق كان البلوت يخرب مجالس الرجال


وبعدها
جاك البلايستيشن ما تمر بيت الا وفيه شله متجمعين على الشاشه
وزين اذا المعزب صب لك فنجال
وبعد ين يعطوك ظهورهم ولا كأنك موجود


تسـتأذن وتمسك الباب

ولا تجي لك لبيت واحد وتلقى ثلاثة فاتحين أجهزة اللاب توب
وكل واحد في فلك " داج "
طيب ليش مسيرين على بعض وانتم كل واحد على جهاز


أما الآن تمر الواحد على البيت
ومعه بلاك بيري وطول ما أنت جالس وجواله " طن " طن " طن
ويقرا صاحبنا ويضحك ويدنق على جواله
ولا كأنك موجود

أذكر مره مريت واحد من الشباب على البيت وعنده يمكن خمس رجال
اربعه منهم مدنقين على جوالاتتهم وطن طن طن طن

يعني حبكت معاهم المراسله غير عند الناس

لا اعلم ؟؟؟؟


أعتقد الى هنا أتضحت لكم الصوره
ما رأيكم بهذه الأشياء الدخيله التي سمجت مجالسنا
" الا من رحم الله " وهنا أستثني
عشان ما يجي واحد يقول لي خص ولا تعم

انتظر آرائكم

حيّاك الله أبو حمد
الله يخارجنا من هالتكنولوجيا الدخيلة اللي خربت علينا كل جميل
الحين مو بس بمجالس الرجال حتى بالبيت الواحد تلقى العائلة مجتمعين وكل واحد الجوال بيده ويطقطق ويضحك والأم والأب ياحسرة يتفرجون على عيالهم وودهم الواحد يسولف معهم
الفرق شاسع بين لمة الأهل الحي ومن قبل
قبل لا تدخل علينا البلاوي المتلتلة
تذكر لي أحد الأخوات تقول جمعة الأسرة كل خميس عند أمهم ومن يلتمون الأخوات وحريم العيال كل وحده دنقت لها على جوال وفي آخر مرة قامت العجوز و أخذت جوالتهن لآخر السهرة
تقول خلونا نسولف زي خلق الله ,, والله ما قدروا يزعلون منها ,, نبهتهم بطريقتها

كل الشكر على الموضوع المميز

اقتباس:

---

المشاركة الأصلية كتبت بواسطة خيالة بلي

حيّاك الله أبو حمد
الله يخارجنا من هالتكنولوجيا الدخيلة اللي خربت علينا كل جميل
الحين مو بس بمجالس الرجال حتى بالبيت الواحد تلقى العائلة مجتمعين وكل واحد الجوال بيده ويطقطق ويضحك والأم والأب ياحسرة يتفرجون على عيالهم وودهم الواحد يسولف معهم
الفرق شاسع بين لمة الأهل الحي ومن قبل
قبل لا تدخل علينا البلاوي المتلتلة
تذكر لي أحد الأخوات تقول جمعة الأسرة كل خميس عند أمهم ومن يلتمون الأخوات وحريم العيال كل وحده دنقت لها على جوال وفي آخر مرة قامت العجوز و أخذت جوالتهن لآخر السهرة
تقول خلونا نسولف زي خلق الله ,, والله ما قدروا يزعلون منها ,, نبهتهم بطريقتها

كل الشكر على الموضوع المميز

---

حياك الله خيالة بلي

ومثل ما تفضلت الله يخارجنا من نهاية هالتكلنوجيا

أما العجوووز عز الله انها أقدت بهن

الظاهر ما بقي الا نحط لوح بالمجالس ممنوع الجوال

شكرا لمرورك وتعقيبك وفقك الله

للأســــف حــــــاله عااااامه(عندناااا وعندكم خيــــــــر)

هذا الواقع مزعج بالمجالس لا بعضاً منها ..

ولاتنسى بالسوق بعضهم يمشى وهو مفهى بجواله يمكن يصدمك

انا نفسي الى يجي يضع جواله على صامت ويخلنا نستمتع بالحديث مع بعض .

ابو حمد مادريت حتي اماكن العبادهـ ماسلمت
بالمسجد مدنق علي جواله والله ماودك غير بالقناهـ علي علباهـ
هههههههههههههههههههههههه

فعلا اصبحت هذه الظاهره موجوده في مجالسنا واسميها بالظاهره الكئيبه الله يخارجنا منها بس...

وانصح اللي مثل هؤلاء يضع له فتره معينه وبالذات البلاك بيري مو كل مراسله وهو نط ...


مشكور ابو حمد على الموووووضوع القيم والجدا رائع مشكور( يا نبض المنتدى)

هلا وغلا/ ابو حمد

لكل زمان مجالس ورجال

والله أنا اشوف الطقطقة بالبلاك واللاب والبلاي ... افضل

بكثير من اكل لحوم البشر {وكأنها بسكوت مالح}ههههههه

ولكن تبقى مجالس الرجال موجودهـ والحمدلله

موضوع رايق بعد الرحلة

دمتم بحفظ الله

اقول ياحامد والله هالظاهره انها رافعه ضغطي وكل شي يهون مع البلاك بيري
انا ابالنسبه لي شخصيا غاسل يدي من كل شخص يستخدم البلاك بيري وكنا في جلسه نجتمع فيها شبه يومي بعد المغرب في بيت واحد من الشباب وكان معنا واحد ماهو حق هالسواليف البلاك واشباهه المهم مدري وش دهوره واخذ له بلاك وكل مااجتمعنا وهو دنق على جواله المهم مالكم بطوالها اني يوم بعد يوم استلمه بالجلسه الين باعه وحلف مايستخدم البلاك نهائيا

اما بالنسبه للبلوت انا احد المدافعين عنها لان لها وقت وغالبا ماتعب الا بعد ذهاب كبار السن او الضيوف وهي لها حسنه وحيده انها تكفيك من النميمه والغيبه لان اغلب المجالس الان كلها غيبه ونميمه

والبلاستيشن ايضا لعبه جماعيه وغالبا لايلعب الا اذا كان الموجودين شباب ويمونون على بعض

المهم ان كل شي يهون مع البلاك بيري والا يفون والله يستر من القادم

لا اله الإ الله .......
ظاهره منتشرة و بقوه ..
اللأب توب ..حلاته اذا كان الشخص لوحده .. قطع للوقت ..
البلوت ..صراحه ماعندي خلفيه عنوه بس فيه شباب مدمنين عـليه وبالهبل >نفسي اعرف اللغز !!
البلاستيشن ..مع احترامي الشديد ..
مايستخدموه الا الورعنه والبزارين ..
البلاك ..هذا يا بوي مشكله حتى المبزره معاهم
حط لك علبه او صندوق على باب المجلس
اذا دخل عليك احد بيده بلاك >الله لايهينك الصندوك للبلاك
سوري على الفلسفه .
تقبل مروري

اقتباس:

---

المشاركة الأصلية كتبت بواسطة ًأمــيــرة الــذوقـًً

للأســــف حــــــاله عااااامه(عندناااا وعندكم خيــــــــر)

---

طيب نبي رايك بالموضوع
ولو ماهي عامه ما نزلتها للنقاش


شكرا لمرورك

اقتباس:

---

المشاركة الأصلية كتبت بواسطة سعود السحيمي

هذا الواقع مزعج بالمجالس لا بعضاً منها ..

ولاتنسى بالسوق بعضهم يمشى وهو مفهى بجواله يمكن يصدمك

انا نفسي الى يجي يضع جواله على صامت ويخلنا نستمتع بالحديث مع بعض .

---

اللي بالسوق بكيفه اسمه بسوق ومكان عام
بلاك اللي معك ولا هو معك


شكرا لمرورك

اقتباس:

---

المشاركة الأصلية كتبت بواسطة ابوبدر عبدالله السرحاني

ابو حمد مادريت حتي اماكن العبادهـ ماسلمت
بالمسجد مدنق علي جواله والله ماودك غير بالقناهـ علي علباهـ
هههههههههههههههههههههههه

---

هلا ابو بدر
حل جذري يؤدي بك الى التوقيف لمدة شهر
لا لا

نبي حل أفضل



شكرا لمرورك يا عمده

اقتباس:

---

المشاركة الأصلية كتبت بواسطة محمود عيد غبن البلوي

فعلا اصبحت هذه الظاهره موجوده في مجالسنا واسميها بالظاهره الكئيبه الله يخارجنا منها بس...

وانصح اللي مثل هؤلاء يضع له فتره معينه وبالذات البلاك بيري مو كل مراسله وهو نط ...


مشكور ابو حمد على الموووووضوع القيم والجدا رائع مشكور( يا نبض المنتدى)

---

هلا محمود

شكرا لمرورك العذب يا عذب

اقتباس:

---

المشاركة الأصلية كتبت بواسطة مرزوق خلف الربدي

هلا وغلا/ ابو حمد

لكل زمان مجالس ورجال

والله أنا اشوف الطقطقة بالبلاك واللاب والبلاي ... افضل

بكثير من اكل لحوم البشر {وكأنها بسكوت مالح}ههههههه

ولكن تبقى مجالس الرجال موجودهـ والحمدلله

موضوع رايق بعد الرحلة

دمتم بحفظ الله

---

هلا ابو ثامر

فيه افضل من الطقطقه بالجوالات
فيه سواليف رجال

ولا يعني يا نغتاب يا نطقطق بالجوالات ونسمج المجلس


وفيه أفضل من هذا كله مجلس يذكر فيه الله


شكرا لمرورك
خميس وجمعه براس تلعه
هههه

اقتباس:

---

المشاركة الأصلية كتبت بواسطة عبدالعزيز الرموثي

اقول ياحامد والله هالظاهره انها رافعه ضغطي وكل شي يهون مع البلاك بيري
انا ابالنسبه لي شخصيا غاسل يدي من كل شخص يستخدم البلاك بيري وكنا في جلسه نجتمع فيها شبه يومي بعد المغرب في بيت واحد من الشباب وكان معنا واحد ماهو حق هالسواليف البلاك واشباهه المهم مدري وش دهوره واخذ له بلاك وكل مااجتمعنا وهو دنق على جواله المهم مالكم بطوالها اني يوم بعد يوم استلمه بالجلسه الين باعه وحلف مايستخدم البلاك نهائيا

اما بالنسبه للبلوت انا احد المدافعين عنها لان لها وقت وغالبا ماتعب الا بعد ذهاب كبار السن او الضيوف وهي لها حسنه وحيده انها تكفيك من النميمه والغيبه لان اغلب المجالس الان كلها غيبه ونميمه

والبلاستيشن ايضا لعبه جماعيه وغالبا لايلعب الا اذا كان الموجودين شباب ويمونون على بعض

المهم ان كل شي يهون مع البلاك بيري والا يفون والله يستر من القادم

---

حياك الله عبدالعزيز

انا لا اتكلم عن البلوت بصفه عااامه


أتكلم عن مجلس دخلته وفيه ناس يلعبون بلووووت
ولا عبروووك
هنا المشكله



والثانيه والله دخلت بيت رجال اول مره بحياتي
وأعتبر ضيف عليه

لقيت عنده واحد ويوم تقهويت كل واحد منهم أخذ يد
وانا جالس

أريد تعليقات حول هذه الجزئية




شكرا لك
والف باقة ورد لمرورك الراقي

اقتباس:

---

المشاركة الأصلية كتبت بواسطة رهينه الأقدام

لا اله الإ الله .......
ظاهره منتشرة و بقوه ..
اللأب توب ..حلاته اذا كان الشخص لوحده .. قطع للوقت ..
البلوت ..صراحه ماعندي خلفيه عنوه بس فيه شباب مدمنين عـليه وبالهبل >نفسي اعرف اللغز !!
البلاستيشن ..مع احترامي الشديد ..
مايستخدموه الا الورعنه والبزارين ..
البلاك ..هذا يا بوي مشكله حتى المبزره معاهم
حط لك علبه او صندوق على باب المجلس
اذا دخل عليك احد بيده بلاك >الله لايهينك الصندوك للبلاك
سوري على الفلسفه .
تقبل مروري

---

شكرا لمرورك

والظاهر اننا بنحط صندوق على قولك


طابت اوقاتك

اخوي حامد
تحية على هذا الموضوع الذي بالفعل ازعج الكثير بالمجتمع

ولكن بحثت عن حل فلم اجد وعلى قولة ابن فطيس مالك الا الصبر وش وداك له

عزالله انك صادق حنى في عالم التكنلوجيى هههههههههه

اقتباس:

---

المشاركة الأصلية كتبت بواسطة فالح عايض السميري

اخوي حامد
تحية على هذا الموضوع الذي بالفعل ازعج الكثير بالمجتمع

ولكن بحثت عن حل فلم اجد وعلى قولة ابن فطيس مالك الا الصبر وش وداك له

---

أستاذي الفاضل
أبو عمر

شكرا لمرورك الذي يعني لي الكثير

ونسأل الله أن يصلح الحال

طابت أوقاتك

اقتباس:

---

المشاركة الأصلية كتبت بواسطة بن صقير

عزالله انك صادق حنى في عالم التكنلوجيى هههههههههه

---

هلا بدر
والله ياخوك ما ذبحنا غير التكنلوجيا
شكرا لمرورك

موضوع يستحق الطرح

وهذا الحاصل الان وللاسف ..ولم تفسد التكنولوجيا الجلسات فقط ..بل بدأ يقطع التواصل بين الناس فالجميع مشغول الان بنفسه في ظل وجود التكنولوجيا الا من رحم ربي..وماذكرت نموذج من نماذج تستفز النفس فعلا فاذا كان الشخص سيحضر معه جهازه لما خرج اذن من بيته؟ وشاهدت بأم عيني احداهن بأحد المتنزهات احضرت جهازها "اي باد"وتكاد جبهتها تلتصق بالارض من شدة ماهي منسجمه معه "وكنت اتمنى ان تأتيها ضربه مفاجئه لترتطم جبهتها بالنخله التي كانت خلفها لان فعلها استفزني بشده"هو صحيح ليس حرام ولاعيب"ولكن حتى بالاماكن العامه والترفيهيه اصبحنا نرى تلك الاجهزه وكأن ادمانها اصبح متفشي بالمجتمع لدرجة ان الاستغناء عنها حتى بالاماكن العامه اصبح من الصعب ويندرج لدى البعض في قائمة المستحيلات..كل ما اخشاه ان تلحق هذه الازمه والافه مناسبات الاعراس فلا استغرب ان وجدت بعد ذلك شخص يراسل على الايميل او الماسنجر في الاعراس وهذا ما كان ينقصنا!

اقتباس:

---

المشاركة الأصلية كتبت بواسطة ميمونه

موضوع يستحق الطرح

وهذا الحاصل الان وللاسف ..ولم تفسد التكنولوجيا الجلسات فقط ..بل بدأ يقطع التواصل بين الناس فالجميع مشغول الان بنفسه في ظل وجود التكنولوجيا الا من رحم ربي..وماذكرت نموذج من نماذج تستفز النفس فعلا فاذا كان الشخص سيحضر معه جهازه لما خرج اذن من بيته؟ وشاهدت بأم عيني احداهن بأحد المتنزهات احضرت جهازها "اي باد"وتكاد جبهتها تلتصق بالارض من شدة ماهي منسجمه معه "وكنت اتمنى ان تأتيها ضربه مفاجئه لترتطم جبهتها بالنخله التي كانت خلفها لان فعلها استفزني بشده"هو صحيح ليس حرام ولاعيب"ولكن حتى بالاماكن العامه والترفيهيه اصبحنا نرى تلك الاجهزه وكأن ادمانها اصبح متفشي بالمجتمع لدرجة ان الاستغناء عنها حتى بالاماكن العامه اصبح من الصعب ويندرج لدى البعض في قائمة المستحيلات..كل ما اخشاه ان تلحق هذه الازمه والافه مناسبات الاعراس فلا استغرب ان وجدت بعد ذلك شخص يراسل على الايميل او الماسنجر في الاعراس وهذا ما كان ينقصنا!

---

هههههه
أعجبني وصفك لتلك المفتونه


شكرا لأضافتك
وفقك الله

الحل عند العجوز اللى سحبت الجوالات
مافيه حل الاكذا
متعها الله باالصحه والعافيه
لكل زمان رجاله وهذا زمن الطنطنه مع البعض
فعلن الله يرحم مجالسنا زمان
والله ماانسا الكف اللى جانى على سرعة مليون وادبنى
والا الان اذكره
رحم الله شيباننا يازين مجالسهم مرجله وكرم
اما اليوم الله يخلف
دمت بخير ياصديقى

اقتباس:

---

المشاركة الأصلية كتبت بواسطة خالد خلف السرحاني

الحل عند العجوز اللى سحبت الجوالات
مافيه حل الاكذا
متعها الله باالصحه والعافيه
لكل زمان رجاله وهذا زمن الطنطنه مع البعض
فعلن الله يرحم مجالسنا زمان
والله ماانسا الكف اللى جانى على سرعة مليون وادبنى
والا الان اذكره
رحم الله شيباننا يازين مجالسهم مرجله وكرم
اما اليوم الله يخلف
دمت بخير ياصديقى

---

اشوفك يوم تمشي راسك على جنب
اثريه من المخمس
هههههههههههههههه

الله يحفظ والدك ويخليه


أما اليووم

طن " طن

يعطيك العافيه ياابو حمد
الموضوع متفشي في جميع الاماكن
بس الفشله لا جاك ضيف وصار معه اللي قلته
تصدق الان نعرف بعض البيوت الى نروح لها وننغث من هالموضوع
لانه طول ماحنا جالسين عند بعض الحريم وهن ماسكات جولاتهم ولا وتصب لك قهوه مره تصب ومره ترد على الجوال ماايمدي نقول كيف الحال وننتظر الاجابه بعد خمس رسائل 000الحمدلله بخير :||angr|:
اعجبتني عمتى مره قالت اذا جيتوني جولاتكم على الصامت لو سمحتن
وصارت عاده اذا جينها عارفين النظام وفعلا كسبت اجر فينا ومن بعدها اذا دخلت عند ناس جوالي صامت <<<بس يااما اكلت تهزئ من اخوي مايجيه الدق على الا اذا حطيته صامت

يبيلك تحط لافته ( لطفاً ممنوع التدخين واستخدام الجوال )مع صوره لك وانت مبتسم وماسك العجراء

اقتباس:

---

المشاركة الأصلية كتبت بواسطة شروق الامل

يعطيك العافيه ياابو حمد
الموضوع متفشي في جميع الاماكن
بس الفشله لا جاك ضيف وصار معه اللي قلته
تصدق الان نعرف بعض البيوت الى نروح لها وننغث من هالموضوع
لانه طول ماحنا جالسين عند بعض الحريم وهن ماسكات جولاتهم ولا وتصب لك قهوه مره تصب ومره ترد على الجوال ماايمدي نقول كيف الحال وننتظر الاجابه بعد خمس رسائل 000الحمدلله بخير :||angr|:
اعجبتني عمتى مره قالت اذا جيتوني جولاتكم على الصامت لو سمحتن
وصارت عاده اذا جينها عارفين النظام وفعلا كسبت اجر فينا ومن بعدها اذا دخلت عند ناس جوالي صامت <<<بس يااما اكلت تهزئ من اخوي مايجيه الدق على الا اذا حطيته صامت

يبيلك تحط لافته ( لطفاً ممنوع التدخين واستخدام الجوال )مع صوره لك وانت مبتسم وماسك العجراء

---

شكرا لمرورك ومداخلتك شروق الأمل
وفقك الله

ودّك يابو حمد تحط رجل أمن عند المجالس وإبن أمه يدخل بلاب توب

أما الجوال نجيبلهم قاطع الإرسال مثل اللي بالمساجد

تدري وين المصيبه يابو حمد

بعض السرابيت الله يحمانا وينزهنا عن مجالسهم

تلقاه أم العيال تطبخله والا تكويله ملابسه والا جالسه تقهويه

وهو جالس يدردش مع وحده على شاكلته وزوجته المسكينه يا غافل لك الله

تقوله زوجته عمري ويردلها انقلعي

تقوله بنته احبك يا بابا ويكشر انيابه

واللي معه بالشات انواع الكذب ودناءة النفس وانواع التميلح الساذج

يادنيتي ياحياتي وبالأخير تطلع بشنب ههههههههههههههههههه


أخي ابو حمد

الإنترنت من النعم علينا وفي مجتمع الدلوخ نقمه على أسرهم وعليهم


السكين قد تقطع بها برتقالةً لتأكلها

و أيضاً قد تقتل بها والعياذ بالله



لك :|for you|: على هذا الموضوع الذي يتحدث عن واقعٍ مؤلم




ودي

اقتباس:

---

المشاركة الأصلية كتبت بواسطة خالد علي فالح السحيمي

ودّك يابو حمد تحط رجل أمن عند المجالس وإبن أمه يدخل بلاب توب

أما الجوال نجيبلهم قاطع الإرسال مثل اللي بالمساجد

تدري وين المصيبه يابو حمد

بعض السرابيت الله يحمانا وينزهنا عن مجالسهم

تلقاه أم العيال تطبخله والا تكويله ملابسه والا جالسه تقهويه

وهو جالس يدردش مع وحده على شاكلته وزوجته المسكينه يا غافل لك الله

تقوله زوجته عمري ويردلها انقلعي

تقوله بنته احبك يا بابا ويكشر انيابه

واللي معه بالشات انواع الكذب ودناءة النفس وانواع التميلح الساذج

يادنيتي ياحياتي وبالأخير تطلع بشنب ههههههههههههههههههه


أخي ابو حمد

الإنترنت من النعم علينا وفي مجتمع الدلوخ نقمه على أسرهم وعليهم


السكين قد تقطع بها برتقالةً لتأكلها

و أيضاً قد تقتل بها والعياذ بالله



لك :|for you|: على هذا الموضوع الذي يتحدث عن واقعٍ مؤلم




ودي

---

يا قربك من الصحيح

جلست عند واحد من أخواني ولقيت عنده رجال متزوج
وعنده ما يقارب ثلاث عيال وبنتين

وجواله ما يطفى ومسجات ومقاطع وصور مثل وجهه
ومثل ما قلت الفرفشه اللي مسويها الاهبل

تنفقد في بيته الله لا يبلانا

طيب أهلك أولى ،،، لكن الله يصلح الحال


شكرا لمرورك
طن طن

كل الشكر على الموضوع المميز

الله عليك ابو حمد والله انك صادق
ياكثر هالعلوم بهذي الأيام ,,,

الله يرحم ايام زماااااااااان
دمت بحفظ الله ابو حمد

اخي حامد شكلك حريف بلوت

ابو حمد

صح لسانك قسم هذا هو الى حاصل بمجالسنا

زمان كان واحد يستلم المجلس والبقيه ينصتون

اليوم مسك المجالس البلاك بيري والمحمول

الله المستعان

طيب وش الحل ابو حمد

كنت قبل اربع سنوات اجتمعنا عند واحد من الزملاء بحائل

وكان احد الزملاء لم نشاهده منذ عشرين سنه وعزمنا فى بيت شعر له بالبر

ولكن اشترط شرط غريب فى بدايته ولكن اشهد بالله ان صايب

قال انا عازمكم عندي ونبى نسولف ونشوف اخباركم وعندي خرج (مكان يوضع فيه الأغراض )

معلق بيت الشعر الى يدخل يقفل الجوال ويجلس معنا والى لايرغب الله لايهينه لايجى ويجلس بيته

لله دره والله حكيم فيما ذكر ودمتم سالميييييييييييين

تقبل احترامي

اقتباس:

---

المشاركة الأصلية كتبت بواسطة جرووووح السنين

كل الشكر على الموضوع المميز

---

وكل الشكر لك على المرور

اقتباس:

---

المشاركة الأصلية كتبت بواسطة سعود عقيل بن مظهر السحيمي

الله عليك ابو حمد والله انك صادق
ياكثر هالعلوم بهذي الأيام ,,,

الله يرحم ايام زماااااااااان
دمت بحفظ الله ابو حمد

---

هلا ابو محمد
لكن بأمثالكم تضل المجالس عامره


شكرا لمرورك

اقتباس:

---

المشاركة الأصلية كتبت بواسطة سالم مسلم حمدان البلوي

اخي حامد شكلك حريف بلوت

---

هلا اخوي سالم

لو اني حريف بلوت كان كملت الرصه مع الشباب بلا تضجر

لكن أخوك ماله بالبلوت


شكرا لمرورك يالغالي

اقتباس:

---

المشاركة الأصلية كتبت بواسطة بن قبلان

ابو حمد

صح لسانك قسم هذا هو الى حاصل بمجالسنا

زمان كان واحد يستلم المجلس والبقيه ينصتون

اليوم مسك المجالس البلاك بيري والمحمول

الله المستعان

طيب وش الحل ابو حمد

كنت قبل اربع سنوات اجتمعنا عند واحد من الزملاء بحائل

وكان احد الزملاء لم نشاهده منذ عشرين سنه وعزمنا فى بيت شعر له بالبر

ولكن اشترط شرط غيب فى بدايته ولكن اشهد بالله ان صايب

قال انا عازمكم عندي ونبى نسولف ونشوف اخباركم وعندي خرج (مكان يوضع فيه الأغراض )

معلق بيت الشعر الى يدخل يقفل الجوال ويجلس معنا والى لايرغب الله لايهينه لايجى ويجلس بيته

لله دره والله حكيم فيما ذكر ودمتم سالميييييييييييين

تقبل احترامي

---

حياك الله يابن قبلان

وعز الله ان صاحبك مقدي

الحل عند الرجال العقيل لا نهم يتحكمون بتصرفاتهم

ماهم مثل المفتونين


شكرا لمرورك