سالفة مضحكة حقيقية/ وفي قمة الاحراج ..؟؟

سالفة مضحكة حقيقية/ وفي قمة الاحراج ..؟؟


بسم الله الرحمن الرحيم
والصلاة والسلام على افضل الخلق سيدنا محمد وعلى اله وصحبه اجمعين
السلام عليكم ورحمة الله وبركاته
......................
هذ سالفه راح تعجبكم ومضحكه بس لاتحاولون تسون مثلها ..؟؟
يوم من الايام كنت مع الاصدقاء ونبي نسولف ,وتخبرون ندور السوالف والوناسه..المهم من فلان سالفه وفلان سالفه ,,قال احد الاصدقاء الله يذكره بالخير ابي اعلمكم قصه صارت قبل شهر مع احد الجيران.. طبعا الكلام هذا قبل حوالي سنه ونص..
المهم ..قال.يوم من الايام طق الباب والله وافتح الباب الا وهذا جاري ابو فلان حياك الله تفضل ..قال , مستعجل بس ابي منك خدمه..
قالت ابشر ..
الله يسلمك يابو فلان (بدون ذكر اسماء) ابي عده اذا كان عندك عده محتاجها عندي شغله بالبيت ومحتاج كم مفتاح وسكروب وزراديه..
قلت ابو فلان.. ماعندي لكن خابر عند اخوي عده بالسياره واخوي مسافر عنده دوره بالامن بالرياض.. وخلى السياره معي ابي اشوف واذا لقيت اجيبها لك بس انتظر دقيقه..
قال الجار زين..
رجعت وجبت شنطه عده مايدري وش اللي بالشنطه
من سيارة اخوي.. واعطيتها جاري..
ورجع بيته.. يقول صاحبي يوم خذيت بعد ساعتين او 3 ساعات الا ويدق الباب
ويفتح واحد من العيال قال يبه هذا جارنا يبيك ..؟؟
طلعت للرجال ولاحظت ان الرجال ماهو طبيعي كأنه منحرج ولا صاير عليه شي .
قال يابو فلان الحق علي .. وش فيك يابن الحلال عسا ماشر والرجال يضحك ومنحرج بالحيل ..علمني وشفيك تضحك .. قال العده اللي جبتها لي ..
لقيت بها يابو فلان كلبشات شرطه..
قلت ايوه.. قال ..ياخوي بعد مااستخدمت العده وخلصت اخذت الكلبشات ومسكت المره((زوجتي)) وكلبشتها ..؟؟
ابي امزح معها واضحك عليها واعلق عليها ..ويوم جيت ابي افتح الكلبشات ..؟؟
قلت اكيد تنفتح بسهوله او القا المفاتيح حقتها .. وحاولت ادور بالعده يمين ويسار .. مالقيت لها مفتاح ابد.. وحاولت بالمفكات والسكروب لكن ماقدرت افتح الكلبشات..وانا منحرج منك..وجيتك ابيك تشوف لي المفاتيح اكيد انها بالسياره..
بالشنطه ورا او بالدرج .. يقول صاحبنا انا مت من الضحك طول مالرجال يعد السالفه.. ورحت ادور بالسياره يمين ويسار ورا وقدام المهم ماخليت من حيلتي شي .
ورجعت للرجال وقلت والله انها بلشه مالقيت مفاتيح الكلبشه..المهم قمت اتصلت على اخوي .. ومارد على الجوال لانه كان نايم ويوم صحى على وقت صلاة العشاء تقريبا الا ويتصل بي عسا ماشر لقيت لك عشرين اتصال ..؟؟
..قلت له يا إبن الحلال السالفه كيت وكيت وكيت .. يقول صاحبي
اخوي فرط من الضحك وجلس يتخيل الموقف ويعلق وانا اقول له اخلص وشلون الدبره الحين ..
قال اخوي ..
يابن الحلال المصيبه ان المفتاح بقسم الشرطه والضابط الفلاني مستلم ولازم اتصل عليه وتروحون له عشان تاخذون المفتاح..
المهم اتصل عليهم ورد لنا قال روحوا للقسم الفلاني وتلقون ضابط خفر
والضابط رتبه ملازم اول
دخلت عليه انا وجاري وعرفته على نفسي وعرفته على جاري ورحب بنا الرجال وقام يضحك الضابط لانه عرف السالفه من اخوي
وقال اصلا غريبه ان المفتاح يكون بالقسم لانه دايم مع نفس الكلبشه لكن الشباب ينسون وهذي عجيبه
يقول صاحبنا اخذنا المفتاح ومعنا عسكري وبسرعه.. ودخل جاري البيت وفك زوجته من القيد((الكلبووووش)) بعد اكثر من عشر ساعات ..؟؟
وسلمت العسكري الكلبش والمفتاح .. الله لا يعيدها ..؟؟
وان شاء الله سالفتي اعجبتكم..

تحياتي
ماجد البلوي

هههههههههههههههههههه
ابو سعد
اظحك الله سنك
فطست ظحك موقف محرج ومظحك
يعطيك العافيه
تحياتي لك

بسراحه قصة من اروع القصص ولكن قمة الاحراج
ويعطيك العافيه،،،،،،،،،،،،،،،انا قاعد اتصور الموقف وهو يفرس مرته يحاول يفكها من هالمصيبه اللي حلت بها وهي تقول الله لايعطيك العافيه ولا يعيدك انت ومزحك الخبل


هههههههههههههههه ههههههههههههههههههه هههههههههههههههه

اقتباس:

---

المشاركة الأصلية كتبت بواسطة فهد مشوح أبوشامه

هههههههههههههههههههه

ابو سعد
اظحك الله سنك
فطست ظحك موقف محرج ومظحك
يعطيك العافيه

تحياتي لك

---

هههههههه
الف شكر اخي فهد
بارك الله فيك

اقتباس:

---

المشاركة الأصلية كتبت بواسطة سعيدالهريم

بسراحه قصة من اروع القصص ولكن قمة الاحراج
ويعطيك العافيه،،،،،،،،،،،،،،،انا قاعد اتصور الموقف وهو يفرس مرته يحاول يفكها من هالمصيبه اللي حلت بها وهي تقول الله لايعطيك العافيه ولا يعيدك انت ومزحك الخبل


هههههههههههههههه ههههههههههههههههههه هههههههههههههههه

---

الف شكر اخي سعيد
فعلآ موقف محرج ههههه
بارك الله فيك

ههههههههههههههههههههههههههههه
بس هذا خبل شوي والله ما كلبشها الا والمفتاح معي
خل الحريمه المسيكينه تجرب

اقتباس:

---

المشاركة الأصلية كتبت بواسطة حامد بن راشد الوابصي

ههههههههههههههههههههههههههههه

بس هذا خبل شوي والله ما كلبشها الا والمفتاح معي
خل الحريمه المسيكينه تجرب

---

ههههههههههه
لو انه كلبش يد واحده لها
وحط يده الثانيه في القيد يا ابو حمد
مين يفكهم..؟؟ كان فضيحه بجلاجل
الف شكر يا ابو حمد
بارك الله فيك

ههههههههههههههه

يسللللمممووووو

مايعود القافه